السلام عليكم ورحمة الله وبركاته
طبعا وكالعادة انتوا عارفين انى لما بحتار فى حاجة مش بلاقى غيركم أسأله ربنا يخليكوا ليا
انتوا عارفين انى عملت عملية تثقيب للمبايض بسبب التكيس الشديد وعدم التبويض اللى كان عندى
والشهر ده انا عملت سونار فى اليوم العاشر للدورة والدكتورة قالتلى يعنى التبويض مش كويس قوى بس برضه مش وحش وان والحمد لله التكيس راح
وقالتلى من الشهر الجاى هاتكتبلى على كلوميد
وطبعا انا مش عاوزة أدخل دوامة المنشطات تانى وسمعت عن الحجامة وفايدتها فى علاج ضعف التبويض بس انا مترددة فيها
ياريت يابنات اللى عنده اى معلومة عن صحة الموضوع ده يقولى
وكمان ياريت اللى جربتها وجابت معاها نتيجة تحكيلنا
يمكن تكون سبب ان شاء الله
الروابط المفضلة