السلام عليكم
ازيكم يااخواتى ..احبكم فى الله
انا عايزه استشيركم فى حاجه مش عارفه حلها ايه لحد ماروح لدكتورتى باذن الله بس قلت اعرف تجاربكم
انا دلوقتى بعد الولاده على طول فى الاربعين روحت للدكتور اركب لولب لمنع الحمل بعد ماالدكتوره ركبته قالتلى الرحم لفظه ومش قابله وقالتلى ممكن تستخدمى حبوب الرضاعه بتاعة منع الحمل وفعلا استخدمتها بقالى 10 شهور بالظبط اهو
ومن ساعة ماولدت الدوره الشهريه مجتش يعنى بارضع نضيف
بس كنت تعبانه انهارده وروحت لدكتورة باطنه قالتلى حللى حمل كمان بقولها انا باخد حبوب الرضاعه فقالتلى دى امان لحد 6 شهور بس وابنك دلوقتى كبير روحى جربى ركبى تانى اضمن كده ممكن يحصل حمل
هل حصلت مع اى واحده حملت فى الوضع ده بترضع نضيف وبتاخد حبوب الرضاعه؟؟؟؟
وفعلا المفروض حبوب الرضاعه تتغير بعد 6 شهور؟؟؟؟؟
ولو اللولب مقبلش تانى الحبوب العاديه بتنشف اللبن ولا ايه ؟؟؟؟؟

السلام عليكم
اينو ازيك اخبارك ايه بصى انا اخذت حبوب الرضاعه 3 اشهر وكنت برضع نضيف بردو مثلك
بس خوفت بصراحة وبعدين روحت للدكتورة وركبت لولب
المهم يا قمر ان برشام الرضاعه 6 شهور فقط ولو عايزة تاخدى برشام الرضاعه يبقى يكون فى مانع تانى معاه علشان بيكون ضعيف من بعد 6 شهور المانع التانى اقصدو وهو مانع الرجل
مش فاكرة اسمو
روحى اكشفى و بعدين مش شرط وجع البطن تكونى حامل
الدكتورة قالت لى ان الرضاعه بتوجع البطن والضهر كمان و وبيتلغبط الدورة كل دة بسبب هرمون الرضاعه
و جربى تركيب اللولب تانى يمكن ان يقبل
بس المهم برشام الرضاعه متخدهوش تانى الا اذا تاخدى معاه المانع بتاع الرجاله
ايوة افتكرت اسمو توبس
وربنا يعينك ويكتبلك اللى فيه الخير


روحى للدكتورة علشان تطمينى زيادة
وتعرفى انا كمان هروح للدكتورة ان شاءالله بكرة

ابقى طمنينى عليكى
بالله عليكى

اينو فينك وعملتى ايه

كتبت بواسطة AbEeR

اينو فينك وعملتى ايه

حبيبتى ربنا يكرمك على ردك واهتمامك والله فرحت اوى باهتمامك بس انا اتاخرت على ماشفت الرد بس هاعمل زى ماقلتى هاستخدم التوبس مع الحبوب لحد ماروح للدكتوره لانى اليومين دول تعبانه بالقاولون جامد وبينى وبينك مش قادره اروح اتوجع من التركيب دلوقتى
بس هو فى حاجه الدكتوره كانت قايلالى لما الدوره تيجى اروح اركب هو التركيب مش شرط يكون مع الدوره لانها مبتجيش ولا اروح دلوقتى عادى

اخيرا يا اينو رديتى عليا دانا كنت قلقانه عليكى يا بنتى المهم انك بخير
بصى انا لما روحت اركب الشريط مكنتش الدورة جت لان كنت برضع نظيف
وبعدين ركبتو عادى ويمها نزلنقطتين دم وبعدها بالليل نزل دم تانى لمدة كام يوم
وبعدها بى شهرين جيت الدودو هانم اللى مغلبينى وبتخلينى اشد فى شعرى
ومبيحصلش وجع اثناء التركيب الاء اشياء بسيطة كانك بتاخدى حقنه شكة دبوس يعنى هههه

وابقى طمنينى عليكى

حبيبتي enno معليش سؤال؟؟
هوة ممكن انو ما يتركب اللولب يعني متل ما قلتي انو الرحم يرفضو؟؟ لانو بصراحة هي أول مرة بسمع انو الرحم ممكن يرفض اللولب..؟؟وكيف عرفت الدكتورة هالشي..؟؟

كتبت بواسطة AbEeR

اخيرا يا اينو رديتى عليا دانا كنت قلقانه عليكى يا بنتى المهم انك بخير
بصى انا لما روحت اركب الشريط مكنتش الدورة جت لان كنت برضع نظيف
وبعدين ركبتو عادى ويمها نزلنقطتين دم وبعدها بالليل نزل دم تانى لمدة كام يوم
وبعدها بى شهرين جيت الدودو هانم اللى مغلبينى وبتخلينى اشد فى شعرى
ومبيحصلش وجع اثناء التركيب الاء اشياء بسيطة كانك بتاخدى حقنه شكة دبوس يعنى هههه

وابقى طمنينى عليكى

ربنا يخليكى ياقمر خلاص كده شجعتينى اروح انا يمكن لما ركبته المره اللى فاتت علشان بعد الولاده وكان جرح الولاده اصلالا كبير وكان تاعيبنى موت فمكونتش مستحمله اصلا