مرحبا بنات......
انا من حوالي شهر بشرتكم إني حامل بعد انتظار سنة و 4 شهور و كان في إجهاض سابق.
المهم الفرحة ما كانت واسعتني أنا و زوجي, و بلش معي الوحام و معاناته.
بعدها بأسبوع كنا معزومين عالعشا و كنت بجهز حالي و فجأة صار معي نزيف قوي كتير, طبعا ما رحنا عالعشا و انا خفت كتير و صرت أبكي و خلص فقدت الأمل يإنو البيبي عايش.
اتصلنا مع الدكتورة و لحسن الحظ كانت لسا مداومة و رحنا على طول بس والله كانت نفسياتنا أنا و زوجي محطمة و كان الدم غزير كتير لدرجة إنو بجامتي كلها توسخت.
الدكتورة كانت كمان خايفة إني أجهضت و لما عملتلي سونار تفاجأت إنو البيبي بعدو عايش و كمان في نبض!
حكتلي الدكتورة أنو المشيمة مجروحة لإنو انا بهداك اليوم تحركت و اشتغلت كتير, و حكتلي إنو لازم أرتاح و ما اتحرك نهائيا و كتبتلي على مثبتات حقن و حبوب.
يا الله قديش فرحنا و حتى زوجي بكى من الفرحة و الدكتورة كمان فرحت كتبر
هدا الحكي كلو صار من 3 أسابيع و من هداك اليوم و انا نايمة على ظهري بس بيني و بينكم ما بعرف أضل نايمة و بقوم و بتحرك بس أكيد لما زوجي يكون بالدوام لأنو بزعل كتير و ما بخليني اقوم من السرير و جابلي شغالة كمان, االله يخليلي اياه, والله متحملني, أنا كنير بتدلع عليه
بس ما أخفي عليكم أخواتي نزل علي الدم كمان مرتين و كل مرة كان يضل يومين بس خفيف مش زي المرة الأولى الله لا يعيدها.
رحت عالدكتورة الأسبوع الماضي و كنت كمان خايفة لأنو أعراض الوحام قلت شوي و كان علي شوية دم بس الحمدالله البيبي كان لسا عايش و في نبض و عمرو شهرين و ورجتني الدكتورة الرأس و الإيدين و الرجلين و حكتلي أضل ماشية على المثبتات و الفيتامينات.
الدكتورة طمنتني بس حكتلي إنو الخطر ما راح و إنو لما أخلص الشهر الرابع بروح الخطر 100% و لازم الراحة التامة كمان شهرين. في حالتي بضل خطر الإجهاض 60% حتى الشهر الرابع.
االله يتمملي على خير و يرزقني أشوف البيبي بصحة و أحضنو.
يا بنات والله إني تعبت كتير من النومة و من الوحام و وجع المعدة و إنعدام الشهية, حتى وزني نزل 3 كيلو و ما باكل بالمرة, كتير مكتئبة و نفسيتي زفت.
انا لازم خبرتكو أخباري من زمان لأنو ما إلي غيركو, أنا بغربة و بعيدة عن أهلي و ماما و ممنوع علي السفر, ادعولي........
رد مع الاستدلال
الروابط المفضلة