انا عندي سؤال اللي تعرف يا ريت تفيدني لاني خايفة

انا بنتي تطعيم الشهرين ليها يوم السبت الجاي ان شاء الله

و كل الناس بتخوفني و بيقولو ان البنت هتسخن اوي و رجليها هتورم ؟

انا عايزة اعرف اتصرف ازاي بعد التطعيم؟

ممكن حد يفيدني؟

اختي انا سمعت انه تيبين قماش وتبللينه بماي ساخن وتحطين على رجلها ..

او جماده بها ماي حار ..

ومعافيه انشاءالله الله يحفظها لج

متقلقيش حبيبتى السخونيه دى طبيعى بعد التطعيم وكمان مكان الابره هيورم
والبنوته كل ما هتحرك رجلها هتوجعها وهتعيط ومش هتقدر تفرد رجلها اوى كل ده طبيعى جدااا
انتى اول ما تخدى التطعيم اديلها دواء سخونيه اللى هى بتستعمله على حسب عمرها وتقريبا السخونيه تستمر تانى يوم يعنى استمرى على الدواء يوم التطعيم وتانى يوم وبالنسبه لورم الرجل اعملى لها معلقه نشاء ودوبيها فى شويه مايه صغيره وتحطيها على رجلها ولما تنشف امسحيها وحطى حبه تانيه غيرها وهتكون بخير متقلقيش كل ده طبيعى
واصلا المفروض ان الممرضه اللى بتعطى التطعيم تفهمك انك لازم تعطيها دواء للسخونيه ممكن تسأليها انتى وتستفسرى منها اكتر

وابقى طمنينى عليها يا قمر

انا الحمد لله ابني ما صار معه ولا شي بالتطعيمات يعني حسب البيبي

شكرا بنت الاحزان علي ردك

دودو كريم شكرا لردك

ياسمين شكرا لردك و يارب ما يصير لها شيء

لا تخافين انا بنتي سويت لها كمادات دافيه
بس ماجات لها سخونه الحمدلله

سلام عليكم يااختى الكريمه ماتقلقيش من السخونه
ده امر طبيعى بيحدث ل 90 فى المئه من الاطفال
واعطيها دواء السخونه كما قالولك الاخوات واعمليلها
كمادات ماء ونشا على رجلها وان شاء الله تروح الاعراض
بسرعه وربنا يخليهالك ويباركلك فيها وعقبال تطعيم السنه ونص

انا بنتى مسخنتش من تطعيم الشهرين بس هى رجليها ممكن توجعها قوى فخلى بالك و اعمليلها كمادات ماء فاتر من الحنفية و ممكن كمان تحطيلها عليها نشا و دوا السخونيه اديهولها قبل ما تنزلى لو هتديها سيتال يبقى اربع مرات بس في اليوم مش اكتر و ان شاء الله مش هتسخن ولا حاجة