السلام عليكن ورحمة الله وبركاته يا أحلى أمهات
أكيد كلكن شفتوا حدا من أطفال أقاربكم أو معارفكم غير متناظر ولو بشكل بسيط .. يعني مثلا جهة مرتفعة عن الجهة الأخرى وهيك.. وطبعا هالموضوع أحيانا لو كان ظاهر بيأثر على نفسية الإنسان.. مع التأكيد على أن الشكل مو كل شي..
المهم .. ماما الله يخليها بتقول أنه لازم البيبي أول كم شهر إله تحرص أمه أنه ينام على الجهة اليمين لنفس المدة يللي بينام فيها على جنبه اليسار وما يطول بالنومة على ظهرة .. وهاد منطقي لأن عظام الجمجمة بتكون طرية وبتتشكل وتتأثر بأي ضغط تتعرض له .. بس أنا كمان حابة أعرف كيف ممكن نجنب البيبي أنه يكون راسه مسطح من ورا .. ويكون راسه دائري بشكل جميل ؟ وسمعت أن المخدات تبع البيبيات يللي بتكون مثقوبة من الوسط بتكون مفيدة .. بس المشكلة أن منها أشكال مختلفة منها مربع ومنها مستدير وأشكال متعددة احترت أيها أشتري وكمان حسيتهن كتير قاسين على راس مولد جديد؟!!!
بالخلاصة أنا باعرف أنه كمان موضوع الوراثة بيشكل على شكل راس البيبي بس بدنا نستفيد من خبرة بعض حتى ما نيجي يوم ونطلع على راس أولادنا أوبناتنا وخاصة البنوتات الحلوين ونحس حالنا قصرنا في خطوات بسيطة كانت ممكن تجنبنا عدم تناظر شكل الرأس ..
اللهم يا رب العالمين ارزقني وكل من قال آمين طفلا سليما تام الخلق والخلقة وحسنهما مباركا أينما حل سعيدا قرة عين لي ولوالده.. آمين
باعرف طولت عليكن .. بس ما في أهم من واجباتنا نحو ثمرة أكبادنا.. ياريت نسمع خبراتكن بهالمجال حتى لو كانت متوارثة ولو حتى بتعرفوا منتجات أو مخدات من ماركات معينة بتوصلنا لغايتنا؟

جبتيها عالوجع!!!!
أنا بنتي عمرها الآن ثمان شهور تقريبا
وكانت وهي بالشهر الرابع تنام على بطنها
والجهة اليمنى من رأسها كانت تنام عليها
فطلعت مسطحة!!!
والجهة اليسرى لا!!!
الآن بحاول أعدل الوضع وبضل أنيمها عالجهة اليسرى
ولاحظت تحسن والكل حولي لاحظ
بس الوحدة فينا لازم من البداية تحافظ على راس ابنها أو بنتها
وبعتقد المخدات كتير مفيدة للرأس من الخلف
اختاري نوعية ماتكون لايابسة ولا طرية
وشكرا عالموضووووع الحلووو متل صاحبتووو
وآسفة طولت بالحكي

صحيح كلام امك ضلك منيمته كل شوي على جنب لان اختي كانت تاركه بنتها على جنب واحد وطلع راسها مو متناظر بس لما كبرت اختفى هذا الشي مع طول الشعر وبالنسبه للمخدات انا مااعرفها بس مايحتاج انا الحمدلله عيالي رؤسهم متناظره

شوفي اهم شي تسندي قمة راس الطفل بشي قاسي عساس مايبرز ويصير وجهه طويل
وحاولي ماينوم على الجوانب يعني بس يلف راسه انت بدورك انك تصلحيه وتخليه ينام وراسه مسطح

بارك الله فيكي ع الموضوع المفيد..

اول مرة اعرف
فكرت هالشي بالوراثة
بس انا اتذكر ماما كانت تضل تقلب اخوتي من اليمين لليسار
وكان فيه مخدة خاصة تجيبها للبيبي جدا طرية
كانو المستشفى السعودي يعطوها اياها لما ترد من المستشفى بعد الولادة
كانت مربعة الشكل وفيها تجويف صغير بالوسط
ان شاء الله رح ابحث بالموضوع ولي رجعة

موضوع مفيد لكن ما عندي فكرة عنو
مشكورة حبيبتي

و الله هذا اول حمل لي و ما عندي فكرة على المضوع

بس استفذت من موضوعك و ان شاء الله راح دير بالي على راس البيبي

باك الله فيك

Salam 3alaykom wa allah mawdou3 mofide ana ma3a benti taba3ti kalam omi wi hamati konti banayimha mara 3ala al al janbe al yamen wi mara a chimal wi mara 3ala dahraha binafse almoda dilwa2ti 3andaha sana wi 3 chohour wi rasha macha2a allah 3alih hilwe wi da2iri la fihe la ta3arojate wala tasatohate wi machkora 3ala al mawdou3

انا استخدمت المخدة المثقوبة من الوسط هي تحدد الشكل من فوق بس
وتحدد الجوانب
لكن عشان الراس من ورا يتعدل ف كنت انيمو ع الجنب
ومرة كدا ومرة كدا
صح كلام امك كل شوية وضعية

واذا تعرفو برنامج دكتورز اللي يعرض ع الام بي سي فور
جابو مر عن دي الحالة بس الاختلاف انو هما يبيعو عندهم خوذة تدخل الراس وفيها فراغ مناسب من الخلف والدكتور نصح استخدامها على طول حتى لو البنت نامت على ظهرعا راسها مابيكون ع الفراش على طول
انا صراحة مرررة عجبتني بس كيف نحصلها