كتبت بواسطة
زهقت ومش عارفة
انا بقى ياحبيبتى عكسك شوية بس نفس المأساة .. انا انجبت مرتين وفى المرتين انجبت ولدين .. عمر وزياد ... ربى يحفظهم ويخليهم يارب
المهم حماتى جايبة 5 صبيان وبنت ... وكل شوية تقولى لازم تجيبى بنت لازم تجيبى بنت ومخلية نفسيتى تعبانة انا نفسى فى بنت والله لكن ما باليد حيلة ... المهم اخر مرة اخدتنى على جمب وفضلت تقنع فيا ... وانا بصراحة لما هى بتكلمنى فى الموضوع ده بحس بالنقص وان فيا شئ معيوب وانى مش قادرة اجيب لابنها البنت اللى تسعده ويحلم بيها وتبقى حنينة عليه زى ماهى بتقول عشان يفرح بيها ويجوزها ...... قلت لزوجى رفض حملى وخصوصا ان ابنى الصغير عمره سنة و3 شهور وانا حملى متعب شوية فهو خايف عليا .. لكنى قدرت اقنعة انى افطم ابنى واشيل مانع الحمل واحاول احمل تانى وهو وافق الحمد لله ... لكنى خايفة والله ومرعوبة ونفسيتى تعبانة خايفة اخوض تجربة الحمل للمرة التالتة واطلع حامل بولد مش عارفة شكلى قدام حماتى حيبقى عامل ازاى ؟ ومش عارفة نفسيتى حتبقى ازاى بعد ما اجيب ولد للمرة التالتة ....... ربنا يستر ادعولى
نسيت اقولكم ان بنتها الوحيد لما اتجوزت خلفت بنت ولما رحت زرتها فى المستشفى كانت حماتى بتخبى البنت المولودة منى ولما كنت فرحانة بالبنوتة الصغننة وبصورها بالموبايل وربى يشهد ان قبل اى حركة كنت بقول ماشاء الله لاقوة الا بالله بصوت عالى ... قالتلى انتى حتاخديلها البوم صور ولا ايه ؟ ... و والله هى كانت صورة واحدة ... واتحرجت وكنت فى نص هدومى ... وكل ماقلها هاتى اشيلها شوية عشان ماتعيطت تروح حطاها جمبها وتقولى لا سبيها هى حتسكت لوحدها او سبيها انا حشيلها ... والله روحت اليوم ده نفسيتى كانت تعبانة اوى وفضلت اعيط ........ ربنا يدى كل محروم ... يرزقنا بالبنات والولاد والاهم انهم يكونوا زرية صالحة ومعافين
اسفة على ا لاطالة يابنات ... بس حبيت اقولكم تجربتى وكمان عشان تدعولى الدعوة اللى كتبتها فى توقيعى ... منتظرة منكم الدعاء
الروابط المفضلة