السلام عليكم جميعا أخواتي في أغلى منتدى
مبارح عملت فحص الحمل .. وكان ايجابي.. الحمد لله
آخر دورة كانت في 6-12-2008
انا زواجي كان في 15-8-2008
انا بصراحة كنت حابة ااخر الحمل شوي ل 6 اشهر او سنة
حبيت انو نستمتع انا وزوجي باول اشهر زواجنا
بس ماكنت متوقعة سعادتي انا وزوجي بمعرفة اني حامل
بجد سبحان الله كيف بيدخل محبة الطفل في قلب ابويه
بس انا بشتغل ... ودوامي طويل .. من 8 لل4
وأغلب الوقت جالسا عالكمبيوتر لاني مهندسة معمارية
وخايفا يسبب مشاكل هالحكي للجنين .. الله يحميه يارب
وبعدين انا للاسف اهلي في بلد تانية ... فما بعرف شو التجهيزات المهمة للحامل في شهرها الاول
ليتكم اخواتي في الله تساعدوني
وادعولي انو الله يتمملي على خير

حبيبتي الف الف مبروك الحمل يا عروس هو حلو الواحد يتمتع في اول الزواج بدون اولاد بس كل شي اله فرحته و نكهته سبحان الله الله يتمم فرحتك يا رب و يطعمك بيبي سليم معافاه و تقومي انت واياه بالسلامة
حبيبتي لا تخافي من موضوع الشغل و الكمبيوتر ما اله تأثير ضارر
ما في تجهيزات حبيبتي هلأ بدري كتير بس لازم تراجعي مع دكتور و تبدي تاخدي فوليك اسيد و لازم اديري بالك على حالك في اول 3 شهور لانها اخطر فترة يعني لا تجهدي حالك او تحملي اشياء ثقيله و اهتمي بنوعية أكلك خليها تكون متنوعة... ملابس الحمل يمكن بدري عليها هلأ بس اول ما تحسي انه جسمك بدا بتغير اشتري ملابس للحمل خصوصا البناطيل عشان يكون البطن مرتاح ولا تنامي على بطنك او تتتحمي بماء ساخن كتير او تعملي ساونا مثلا
انشاء الله ما يكون وحامك صعب بس ازا لقدام اتعبتي نم الوحام والاستفراغ راجعي دكتورك بعطيكي حبوب كتير منيحة وما الها ضرر انا استعملت نوفديكسن
معلش طولت عليكي بس حبيت على قد ما بقدر افيدك
وادعيلي انه تكون ولادتي سهله وتكون البيبي بصحة وسلامة

شو طولتي عليي!!!!
بالعكس
بجد بجد كتير استفدت من كل اللي كتبتيه
شكرا كتير كتير كتير
الله يارب يتمملك على خير كمان
والله يرزقك طفل معافى وتقومي بالسلامة
انا يمكن القلق اللي عندي لانو اول مرة واول شهر
حاسا حالي معجوئة
وبدي اعرف كل شي
بس بجد شكرا جزيلا على الرد الحلو متلك

الف مبروك الحمل
الله يثبته لك انشاء الله
ويتمم حملك وولادتك على خير باذن الله
يعني رح تكون ولادتك من 13 الي 15 رمضان
القادم باذن الله
,,,
والاخت ام البوبو ماشاء الله كفت ووفت بالمعلومات
الله يجزاها خير

كتبت بواسطة arch.dina

شو طولتي عليي!!!!
بالعكس
بجد بجد كتير استفدت من كل اللي كتبتيه
شكرا كتير كتير كتير
الله يارب يتمملك على خير كمان
والله يرزقك طفل معافى وتقومي بالسلامة
انا يمكن القلق اللي عندي لانو اول مرة واول شهر
حاسا حالي معجوئة
وبدي اعرف كل شي
بس بجد شكرا جزيلا على الرد الحلو متلك

حبيبتي انت وانشاء الله تعتبرني متل اختك وما تترددي في سؤوالي او انا من الاخوات لانه ما خاب من استشار بس كمان اهم رأي هو رأي الطبيب واي شي بتحسيه احكي مع طبيبك
اكيد رح تكوني معجوقة لانه اول حمل خصوصا انك كمان عروس جديدة يعني كل شي جديد عليكي ززززز و بس هادا شعور طبيعي بس كمان لا تضغطي على اعصابك كتير خدي كل شي عادي وصدقيني فترة الحمل بتمرق بسرعة يعني انا هلأ بالتاسع وما بعرف كيف مر الوقت؟؟؟ الله يتمم عليكي بالخير يا رب

الف الف الف الف الف مبروك يا جميل وربنا يتمملك حملك على خير وتشوفية سليم معافى بأذن الله ويخليهولك وتفرحى بية وتشوفية من الناجحين ان شاء الله

الف مبروك والله يتمم لك على خير

مبارك حبيبتي ....بالعكس ربنا كريم ...ان شاء الله بتتمتعي بزواجك و بتنبسطي وابنكم في حضنك حبيبتي ...

وهاي شريط حمل هدية حطيه في توقيعك ....

الله يتمم لك حملك على خير اختي ويرزقك الدرية الصالحة

الف مبروك حبيبتي بغيت اسألك استخدمتي مانع كل ذيك الفتره ماحملتي لاني انا تجوزت معك نفس الشهر بس لحد الان ماحملت