السلام عليكم ورحمة الله وبركاته
سؤال للأمهات المرضعات ؟
إبنتي عمرها أربعة شهور أرضعها رضاعه طبيعيه وأعطيها رضعه وحده في اليوم صناعيه سؤالي هو إذا أرضعت بنتي من صدري كيف أعرف إنهاقد شبعت ؟ دائما لدي خوف من أنها لم تشبع فأصبحت أكثر لها من عدد الرضعات الصناعيه .

وجزاكم الله خير

كل ما ترضع منك اكتر كل ما يزيد افراز الحليب و بالتالي بنتك تشبع
و لما ترضع و تلاقيها ساكته و مش بتعيط و تلاقيها بتنام كويس اعرفي انها شبعانه
و حاولي تقللي من الرضعات الصناعيه و ياريت تبطليها خالص
و ربنا معاكي

أفدتوني جزاكم الله كل الخير

انا مربية من عشر ايام وكنت متخوفه نفسج بس بمساعدة امي عرفت ولله الحمد تمي رضعيها رضاعه طبيعيه حاولي ولا تيأسي لان الرضاعه الطبيعيه يبالها طول بال وصبر حاولي ترضعينها كل ساعتين او ثلاث ساعات رضعه كامله وشوفي كيف بتصير هاديه ويتنام على طول

لو رضعت ونامت يبقى شبعت
لو لقيتها بعد الرضعه صحيت تعيط برضه يبقى مشبعتش
كمان شوفى البراز بتاعها لو اصفر يبقى بتشبع لو لونه اخضر يبقى مبتشبعش
كامن تابعى وزنها لو بتزيد ووزنها فى المعدل الطبيعى لسنها يقى بتشبع لو وزنها قليل او مبتزيدش يبقى مش بتبشبع
ساعات ممكن يكون بيتيهالك انها مبتشبعش بس هى بتشبعش
وساعات الاطفال بيبقو عاوزين صدر امهم وخلاص مش جوع
بيقولو كدة بيبقى بترضع من حنانك مش محتاجة لبن

انتي لوكترتي من اللبن الصناعي مش حترضع منك
ياريت تحاولي تكثري من الرضاعة الطبيعية واتغذي كويس علشان يتفرز اللبن اكتر وهي خلاص قربت تبتدي تأكل فمتقلقيش

حبيبتي انا سمعت انا دايما لما برضع بنتي بتنام بعدها و بحس انها شبعت بالنوم بعد الرضعة و اكيد لو لسة جعانة هتعيط بس حاولي تقللي من الرضاعة الصناعية و تكثري من الرضاعة الطبيعية لان هي دي اللي بتبني جسم الطفل اسرع و بتخلية مقاوم للأمراض

انا كان عندى نفس مشكلتك بس لان ابنى مكنش بيعرف يرضع

كان باستمرار بيعيط وجعان لانه مش بيعرف يرضع كويس

وكنت بعطيه رضعات صناعى عشان يشبع مع الطبيعي برضو

وكان مش بينام خالص غير بالراضعه الصناعى يعنى لما يشبع

لحد مالاقيته بدأ ينام بعد الرضاعه الطبيعيه عرفت من كده انه بدا يشبع

وقللت الصناعى لحد معتش بياخدها دلوقتى خالص والحمد لله كويس

انتى متديلوش رضعه صناعى خالص وجربي لو لقتيه بينام يبقى كويس وبيشبع

لو منمش وباستمرار كان بيرضع منك وبيعيط يبقي لسه جعان لو نام او لو سكت

يبقي خلاص شبع وربنا يعينك

ما شاء الله البنات ردوا كفاية
بس كان ليا تعليق علي كلام ملوكة
الأول أزيك يا جميل و حمد لله علي السلامة و سلامة توته ،، ساعات بدلع عمر و أوقله يا توته و أفتكرك

انتي بتقولي لو إن البراز أخضر يبقي مش شبعت بس أنا أعرف إنه لو أخضر يبقي عنده برد مالوش علاقه بالجوع أو الشبع

ياريت اللي تعرف يا بنات تأكد لنا الكلام ده

صحيح كلام البنات

بس انا حابه اكد ان الحليب الصناعى مع الرضاعه الطبيعيه هو اللى مش بيخلى بنتك تشبع لانها مع الوقت هتستحلاه وتسيب صدرك لانه مسكر عن اللبن الطبيعى

فقللى جدا الرضاع الصناعيه