معلش يا بناتانا حالتي النفسية وحشة اويودي اول مشاركة ليا في المنتدي اتمنى تساعدوني

استغفر الله العظيم .... استغفر الله استغفر الله استغفرالله
انا كل ما اروحلدكتور يشتم في اللي قبله ويقولي حاجات تانيه خالص ... مين الصح انا واللهتعبت
يعني الدكتور الليفات كان بيقول ان لازم منستعجلش وناخد منشطات واحاول أخس شوية فوجئت انالدكتور أداني منشطات وبصورة مكثفة جدا الظاهر عاوز يخلص ولا ايه شهر أداني dostinex حبيتين مع ان هرمون الحليب كان 9.3 والشهر اللي بعده أداني ميكس منالمتفجرات انما ايييييييييييييه اولا كلوميد الفظيع الجبار مع 3 حقن ماريونالوختمها بالقنبلة الكبيرة 2 حقنة برجنيل 5000 اما حسيت ايييييييييه اني هجيب 12 عيلمره واحده هههههههههه أعذروني بس والله بهزر من غلبيوتعبي

اللي خلانياسيبه مش ان الشهر ده شرفتني الهانم لا لا الحمد لله على كل شيئ وربنا اكيد يا بناتشايلنا الخير يارب صبرنا وثبتنا اللهم امين
اللي خلاني اغيره ان البيه دايما مش فاضي والعيادةزحمة مووووت ومرضيش حتى اني اكلمه في التليفون ... بصراحه اتخنقت اوي اوي يا بناتاعذروني اني طولت عليكم

لكن سؤالي ليكم اللي عندها رد يجزيها الله كل خير يارب ويرزقهاالذرية الصالحة اللهم امين

أمبارح اما غيرت الدكتور قالي حاجات عملها اللي قبله غلط ياريتلو حد عنده رأي يقولي الكلام ده صحيح ولا لأ

1- هرمون البرولاكتين كان عندي 9.3 واداني دوستينكس زي ما قلتلكم (الدكتور الجديد رأيه انه مكنش المفروض اني آخدهوانا أخدت حبيتين وهو شايف ان الجرعة كده كبيرة لكن قاليماعلينا).
2- الدكتور القديمشايف اني طالما ابتدين منشطات لازم اكمل عليها عشان هرمون البروجيسترون مينزلشواحتاج اني ارفعه من اول وجديد (الدكتور الجديد قالي مش هديكي ولا حاجه وهتابعمعاكي الاول التبويض بتاعك جايز متكونيش محتاجه لهذا الكم من المنشطات) ...انابصراحه هتجنن مش عارفه اصدق مين وان كنت مياله للرأي التاني عشان متتصوروش الحقنبتسببلي حاله نفسيه يااااااااااااااه الدنيا بتبقىسودااااااااااااااااااا
3- الدكتور القديم كان بيعملي سونار من فوق من على بطني لمتابعة التبويض (التاني اماعرف كده يا بنات راح شتم فيه وقال لاطبعا السونار لمتابعة التبويض لازم يكون مهبلي ) هل الكلام ده صحيح ... ياريت كل واحده بتعمل متابعة تبويض تدلني هي بتعمل سونارمهبلي ولا ايه ويبقى جزاها الله كل الخير يارب.
4- آخر حاجه معلش يا بنات انا عندي خمول في الغدةالدرقية دكتور الغدد الصماء (ده دكتور تالت خالص ههههههههههههههههههه) كان بيديني eltroxin 50 نص حبه اما كان الهرمون TSH مرتفع جدا 45.6 الحمدلله نزل لــ 4.7وبعدين طلع تاني لـــ 5.9 راح مزودلي الجرعة لـــ حبه كاملة (الدكتور الجدي بيقوليان الجرعة كده قليلة وان الغدة الدرقية ممكن تكون السبب الرئيسي في تأخر الحمل لأنمرتبط بيها هرمونات تانية ومنها هرمون التبويض فأكيد بيأثر عليه وان الجرعة لازمتزيد لـــ Eltrroxin 100 )بس انا خايفة ازود الجرعة لحسن يكون ليه آثار جانبية وحشةوكمان ده مش تخصص دكتور النساء ...........

أعاااااااااااااااااااااا مش عارفه اعمل ايه يابنات ياريت اللي عندها اي معلومة تنصحني بيها.... انا مؤمنة بالله هو واحده القادرعلى كل شيئ ربنا عز وجل هو الشافي ياربي متحوجناش غير ليك ودبرنا واهدينا للي فيهالخير

طلب أخيرصغير اوي يا بنات اطلب من كل اللي يقرا موضوعي وحتى لو مردش عليا يرد عليا بالدعاءبالذرية الصالحة وان ربنا يهديني ويصبرني ... أنا فعلا محتاجة منكمالدعاااااااااااء وجزاكم الله كل خير

الله يشفيك ويعافيك من كل شر
بس مو عارفه ايش مشكلتك انتي متاخره بالحمل ولا تبغي تحملي مره ثانيه
سوري بس والله مافهمت

آسفة انا موضحتش اني متأخرة في الحمل انا متجوزة من سنة تقريبا وما اردش ربنا اني احمل وانا بصراحة هتجنن ويكون عندي طفل يارب يا بنات ما تبخلوش عليا بالرد وان مكنش فبالدعاء بجد مجتاجاكم

حبيبتي ربنا يشفيكي يارب ويرزقك في القريب العاجل ان شاء الله بس ماتخلي نفسيتك تتعب وتاثر عليكي وعلى صحتك خليها على الله ربنا رزاق وهاب حبيبتي
احنا هنا في اكتر من وحدة كتير كتي كنا متاخرين اكتر من 5 سنوات وربنا كرمان ورزقنا عقبال باقي البنات يارب وعقبالك ان شاء الله ماتخافيش حبيبتي ربنا هيرزقك ان شاء الله

كتبت بواسطة @han

حبيبتي ربنا يشفيكي يارب ويرزقك في القريب العاجل ان شاء الله بس ماتخلي نفسيتك تتعب وتاثر عليكي وعلى صحتك خليها على الله ربنا رزاق وهاب حبيبتي
احنا هنا في اكتر من وحدة كتير كتي كنا متاخرين اكتر من 5 سنوات وربنا كرمان ورزقنا عقبال باقي البنات يارب وعقبالك ان شاء الله ماتخافيش حبيبتي ربنا هيرزقك ان شاء الله

الله يخليكي اختي على الرد وجزاكي الله كل خير على دعائك ليا
ممكن لو مش يضايقك تقوليلي تجربتك في الحمل يعني لو اخدتي منشطات او خلافه

حبيبتي انا قعدت 7 سنوات اتعالج وعملت المنظار واشعة الصبغة كل الي بيخطر ببالك وروحت عند نسوان بيعملو اعشاب وكدى ولا نفع وبقيت عامين بدون علاج لما زهقت ولما قررت اعمل التلقيح الاصطناعي من كرم ربنا شربت ماء زمزم ودعيت والله وروحت عشان اعمل اول ابرة اكتشفوا اني حامل من غير لا علاج ولا اي حاجة جات من عند ربنا والله

الله يرزقك الذرية الصالحة
الدكاترة دايماً حالهم كدة انا اتاخرت في الحمل لمدة سنتين و3 شهور وربنا كرمني بعد ما رجعت من العمرة بشهرين وكنت مبطلة دكاترة ومشيت بدماغي
متابعة التبويض فعلا بتكون بالسونار المهبلي
المفروض تظبطي الغدةالدرقية لان هي السبب في تاخير الحمل ده اكيد
عالجي السبب قبل ما تاخدى منشطات علي الفاضي انا اتهريت منشطات وقنابل اكتر من اللي قلتيها ومعملتش حاجة ولما حملت مكنتش باخدها من مدة
الدكاترة محدش فيهم عالجلي السبب الاساسي اللي كان تكييس المبايض
انتي من مصر

عزيزتى ان شاء الله ربنا يرزقك بالذريه الصالحه عاجلا ليس اجلا اللهم امييين
للاسف ظاهره السخريه كل طبيب من علاج الطبيب اللى قبله ظاهره مؤسفه ربنا يهديكى ان شاء الله ويغنيكى من فضله اللهم اميين
شوفى انا هاحاول ارد على استفسارتك
1- هرمون البرولاكتين نسبته جيده الحمد لله ولا داعى من اى دواء لتخفيضه اى نسبه اقل من 10 تعتبر جيده ان شاء الله

2- ياريت لو فعلا تعملى متابعه تبويض قبل البدء باخذ منشطات وفعلا ممكن يكون التبويض عندك جيد جدا ولا يحتاج الى اى منشطات
وممكن يكون فى خلل فى التبويض وبالتالى المفروض اى اعالج السبب واعتقد فى حالتك اه خمول الغده الدرقيه وبعد السيطره على هرمون الغده الدرقيه ومع ذللك لا يوجد تبويض
ممكن نبدا بالمنشطات وبجرعات قليله وتزيد شهريا اذا لم يحدث حمل لا قدر الله

3- طبعا متابعه التبويض لابد ان تمم بالسونار المهبلى غريب جدااااااااااااا انه بيعمل متابعه تبويض بسونار البطن
هو ممكن ولكن النتائج بتكون غير دقيقه طبعا

نصيحتى ليكى اذا مر على زواجك اكثر من سنه لا بد من زوجك بعمل تحليل السائل المنوى
وانتى تعالجى الغده الدرقيه وعمل بقيه التحاليل الخاصه بالهرمونات
وان شاء الله يكون كل شىء سليم ربنا يرزقك بالذريه الصالحه ان شاء الله اللهم امييين

الله يشفيكي ويرزقك ذرية طيبة تقر العيون يارب و يعوض صبرك خير باذن الله
انا كمان كنت كتاخرة في الحمل اكتر من سنة و الحمد لله اتعالجت لان كان عندي ضعف في المبايض اخذت كلوميد وربنا سهل الحمد لله
اظن والله اعلم ان الدكتور الثاني ممكن يكون كلامه اقرب للصح على اي حال المفروض انك لما تروحي لدكتور جديد بلاش يطلع على روشتة الدكتور اللي قبله علشانك انتي تقدري تقرري هل كلامهم متشابه ولا لا لان للاسف لاحظت ان مفيش دكتور بيشكر في علاج دكتور تاني في نفس تخصصه وكل واحد فيهم يعطيكي كلام متناقد حتي الدوا ممكن يعطيكي نفس المادة الفعالة اللي كتبها الدكتور الاول بس من شركة تانية لمجرد ان الاول يكون غلط
المهم انتي داومي على الاستغفار و التسبيح والدكاترة هم أسباب ربنا بيسببها
الله يرزقك يارب و يرزق كل واحدة منتظرة الحمل اللهم آآآآآآآآآآآآآآآآآآآمين

السلام عليكم ورحمه الله وبركاته
طبعا اختنا الغاليه DR_LOLA كفت ووفت بما انها طبيبه فمستحيل اي حد يعدل عليها
بس انا من تجربتي في متابعه التبويض فعلا السونار لازم يكون مهبلي
وفي النهايه انصحك بالاستغفار ليل نهار
يارب يرزقك الحمل السليم المعافى عاجلا غير اجل يارب العالمين