عندى ألم في اسفل بطنى وظهرى وانا في نص الشهر الخامس ارجوكوا سعدونى
ازيكو الاول يارب تكونوا كلكوا بخير
انا هحكلكوا وانتو سعدونى يارب يخليكوا انتو عارفين ان ده حملى الاول فا مش عارفة اى حاجة في اى حاجة
وانا في الشهر التالت كان نزل علية ماية وروحت عملت سونار والدكتور قالى ان الماية قليلة حولين البيبي وان كيس اللى حولين البيبي مخروم وكتبلى على حقنة ترخى الرحم عشان عندى الرحم فية انقبضات ولازم اخد الحقنة عشان الرحم مينقبضش على كيس البيبي يفرعة واخدت الحقنة وكانت مألمة وبتعمل أعراض بعديها كتير كانت بتتعبنى
انا دلوقتى في الشهر الخامس وروحت من حوالى خمس ايام عملت سونار وكانت النتيجة كالاتى ان الماية حولين البيبي كتيرة جدا وانى لازم ارتاح طبعا الدكتور مقاليش أية اسباب كتر الماية وهو اصلا مش بيقولى اى حاجى انا في الشهر الخامس ومش عارف يقولى جنس البيبي اية المهم انا قريت طبعا من على النت اسباب زيادة الماية وكتشفت انها حاجة من تالتى:
1- يارتفاع في السكر (والحمدلله عملت تحليل ومفيش ارتفاع ولا حاجة )
2- عيوب خلقية في البلعوم مما يسبب عدم بلع السائل عن طريق فم الجنين ( والحمدلله برضوا الكشف بين ان مفيش أى حاجة الحمدلله)
3 - وهو ارتخاء في عضلة الرحم .
انهارده بقا عندى مغص طول انهار في أسفل بطنى واخر ظهرى وكلمت الدكتور تخيلوا كتبلى اية (فولتارين مسكن )( الحقنة اللى كنت باخدها عشان يرخى الرحم وانا قلتلكوا التالت حاجات اللى تسبب الماية الزياده حوالين البيبي والحمد لله ارتفاع السكر والعيوب الخلقية الحمدلله مفيش الحمدلله يبقا فاضل أية ارتخاء عضلة الرحم يبقا ازاى اخد حقنة ارتخاء عضلة الرحم دى حاجة وبعدين الدكتور مهنش علية يقولى تعالى اعملى سونار ولاشاف الحالة أية
وبعدين مفيش مرة بكون تعبانة من حاجة الا لما يدينى نفس الحقنتين يالفولتارين اوبتاعت ارتخاء عضلة الرحم
وبعدين كل مرة ارحلوا ابقا مبسوطة عشان اشوف ابنى او بنتى بطلع من عندة مديقة جدا مبيقوليش أى معلومة ولا اى حاجة ده حتى ولامرة اللى انتى في الاسبوع الكام ده انا بحسب مع نفسي أوعلى النت وبردوا عندى انيمية ومدنيش أى حاجة ترفعهالى كل اللى قالوا وهى جتلك الانمية من اين ولا حتى بيوزنى ولا اى حاجة انا خلاص هتجنن من الدكتورة ده
طبعا هتقلولى انتى اية اللى مصبرك علية اصلى بقالى 10 شهور في السعودية بحكم شغل جوازى وده الدكتور الوحيد اللى اعرفوا في السعودية ومعرفش أى مكان تانى او دكتور او دكتورة كويسة اعرف ارحلوهم
وانا تعبانة بسب المغص ده وخايفة ومش عارفة أعمل اية وصعبان علية اخد الفولتارين عشان من الاول الحمل لحد دلوقتى أخد كمية حقن فولتارين كبير تقريبا بمعدل يوم ويوم وفي نفس الوقت مش عايزة اخد مسكن ليكون في حاجة وانا بسكن الالم وكده معرفش اية اللى ممكن يحصل
ارجوكوا ردوا علية يارب يخليكوا اعمل اية
وربنا يجزيكوا كل خير
رد مع الاستدلال
كتبت بواسطة ندى.
الروابط المفضلة