أخواتى العزيزات

حسيت بالام فظيعه فى جنبى وصدرى وتحملت فترة على امل ان يذهب الالم لوحده ولكن دون جدوى
ذهبت الى الطبيب فاخبرنى بالكارثه
انا لدى تكيس على المبيضين وقال لى انها حاله نادره ان بكون التكييس على الاثنين والطبيعى دائما انه يكون على واحد فقط!!! وقال لى انه لابد من ازالتهم وتحليلهم فهو يشك لاقدر الله فى مرض وحش

ووصف لى دواء منع حمل استمر عليه لفتره ثم اعود له لتحديد موعد العمليه

أخواتى
هل مره احدتكم بهذه التجربه ؟ اريد ان اعرف أكثر من مريضه مثلى
شفانا الله وعفانا جميعا

انا استغربت اللي قلتيه انو حالة نادرة

لأني اعتقد انو اللي معاهمتكيس مصابين فيه على الجهتين اليمين واليسار


تأكدي اختي قبل ما تقدمي على خطوة عملية

أنا التكيسات عندي على المبيضين و رحت لأكتر من دكتور و مفيش أي حد قالي كلام زي ده
الأحسن أنك تروحي لدكتور تاني قبل ما تعملي أي حاجة و إن شاء الله خير

فى البدايه أشكركم جدا على سرعه ردكم فأنا بحاجه شديده الى احد يطمنى

كتبت بواسطة mama sousou

انا استغربت اللي قلتيه انو حالة نادرة

لأني اعتقد انو اللي معاهمتكيس مصابين فيه على الجهتين اليمين واليسار


تأكدي اختي قبل ما تقدمي على خطوة عملية

معنى كده انك سمعتى عنها كتير وانها مش حاله نادره ؟ افيدينى انا قلقانه جدا

كتبت بواسطة lollypopy79

أنا التكيسات عندي على المبيضين و رحت لأكتر من دكتور و مفيش أي حد قالي كلام زي ده
الأحسن أنك تروحي لدكتور تاني قبل ما تعملي أي حاجة و إن شاء الله خير

ربنا يطمنك يا أختى طيب قالوليك ايه ؟ وبتخدى دواء ايه ؟ وقالك فى تدخل جراحى ولا لأ ؟

أنا عندى كمان فى المبيضين وعملت عمليه منظار وكى للمبايض وهى حاجه بسيطه جداً ومش نادره ولا شئ بتحصل لكل 3 من 5 نساء يعنى وضع طبيعى روحى لطبيب تانى وربنا يشفى الجميع يارب

أرزقنى ياربى بالذرية الصالحه السليمة المعافاه عاجلاً غير آجل

أختي العزيزة لا تخافي فإن هذا شئ طبيعي جدا و يحدث مع الكثير من النساء و ليس حالة نادرة و للتأكد من كلامي يمكنك الاطلاع على هذه المعلومات من الانترنت و كذلك طرق العلاج المتبعة نصيحتي لك ان تغيري الدكتورة و تروحي لدكتورة افضل عشان تحدد لك العلاج الصح لأن البعض ممكن يحمل بالمنشطات فقط و البعض الآخر يحتاج الى العملية و هذا الخيار يحدده الطبيب و لكن شرط ان يكون متخصص في هذا الرجاء ذكر من اين منطقة انتي فلربما نستطيع ان نرشح لك دكتورة شاطرة .

و ما عليكي شر و ان شاء الله يرزقك و يرزقني و جميع الاخوات المنتظرات بالحمل السليم المعافى في القريب العاجل ان شاء الله

لا أبداً و لا عملية و لا حاجة
بصي يا ستي هو أصلاً كل شهر البويضات بتطلع من مبيض واحد و الشهر اللي بعده من التاني و هكذا و حيث أن التكيسات بتمنع أي بويضة من البويضات دي أنها تنضج فبتالي بتفضل كل البويضات على صورة تكيسات فوق المبيض
يعني العملية دي بتحصل شهر على المبيض اليمين و شهر على الشمال فبالتالي التكيسات بتكون على الأتنين و الكلام ده كانت شرحتهولي دكتورتي
و حبوب منع الحمل دي هي الطريقة القديمة في علاج التكيسات يعني بيوقف نشاط المبيض كام شهر كدة و بعدين يدوا منشطات للتبويض
عن نفسي أنا أخدت جلوكوفاج شهرين و في تالت شهر حملت بس أجهضت ومن بعد الإجهاض و الدورة الحمد لله منتظمة
أي نعم أنا مرحتش لدكاترة من وقتها و معرفش أخبار التبويض أيه بس اللي أعرفه أن طالما الدورة منتظمة يبقى التبويض منتظم و طالما التبويض منتظم يبقى نشاط التكيسات واقف
وأنا بعد الإجهاض بقيت كل شهر في أيام الدورة أشرب كوباية قرفة على زنجبيل و بقية أيام الشهر بشرب بردقوش برضو مرة واحدة في اليوم و في أخت هنا في المنتدى كانت قالت أن في أعشاب أسمها مرامية دي بتتشرب مع البردقوش كل يوم كوبايتين لمدة شهر ودي فادتها جداً لأنها برضو كان عندها تكيسات و الدوية منفعتش معاها وأنا أبتديت أخدها بقالي حوالي عشر أيام
أنتي بس غيري الكور و إن شاء الله هتطمني
بس أنتي متأكدة أن الكور قال تكيسات و لا أكياس لأن الموضوع في الحالة دي يختلف

اكيدمش حالة نادرة وانا مش سمعت عنها انا فعلا عندي تكيس على الجنبين

اليمين

واليسار


وباخد كلوكوفاج هو مرض للسكر لكن اثبت فعاليته في علاج التكيسات


هو التكيس يؤخر الحمل لكنه ليس حالة نادرة ولا امر خطير

روحي دكتور تاني افضل

عليكي العافية ياااااارب

السلام عليكم ورحمه الله وبركاته

اختي اقراي الموضوع للاخت صوفيا بعنوان لكل من عانت من تكيس المبايض

انا الي الاخت لولي قالت عليها ربنا يشفينها ويشفينا ويرزقنا الذريه الصالحه جميعا عاجلا غير اجلا انا الدكاتره قالولي عندك تكيسات عالمبيضين كتييييييييييييييييييييييييييييييير وانسى انك تخلفي والعلاج بالفعل منفعش معايا واخدت بردقوش ومرمريه واختفت الحمد لله التكيسات وحملت على طول وبعد الحمل والولاده بتختفي خالص مفيش حاجه اسمها حاله نادره نساء كتير عندها تكيسات وده امر طبيعي جدا جدا جدا غيري الدكتور ممكن بيقولك كده عشان عمليات ويسحب منك فلوس فهماني طبعا الله يسامحهم