السلام عليكم
كيفكم يابنات ساعدوني انا محتاره ابي بنتي تترك الرضاعه رافضه واذا ضغطت علي ها وحرمتها منها تقعد تبكي وتتنكد طول اليوم بليز ساعدوني عمرها سنتين وشهرين ولسا تشرب بالرضاعه والله شي يطفش

انا نفس الشي ولدي كبر بنتك وموراضي
يتركها
انا اشتريت لولدي كاسات الصغيره حقة الاطفال
وصار يشرب فيها
بس وقت النوم اعطيه رضاعه

احنا عندنا طريقه متداوله عند اهلنا
وهي بجد حلوة الطريقه
وتنفع وااجد بجد
وهي انك تحطين ملح في الرضاعه ومن اول مابيتذوقها بيكره الرضاعه وبيفلتها من نفسه
والله يعينك

اذا قررت تشيلين الرضاعه لا عاد تورينها بنتك ارميها على طول من دون تراجع او تردد بنتك راح تبكي يوم يومين بعدها تنسى ترى هذولي اطفال بسرعه ينضحك عليهم واذا سالتك قولي انا مااعرف الرضاعه !!!!!!! اوقولي بح الرضاعه او اي شي انتي اعرف ببنتك بهذي الطريقه قدرت امنع ولدي منها والله العظيم ماعاد جاب سيرتها واذا شافها عند احد مايعرفها والاحسن انك تقطعينها من سن مبكر جدا مثلا من سن 8 اشهر وعلميه على حليب ابو مصاص اتمنى اكون افدتك ياعزيزتي

الله يعطيكم العافيه ياخواتي

البنات ما قصرو

حبيبتي الأمومة لها ضريبة وكل شي بالتدريج حلو ,كل طفل راح تفطمينه من شي متعود عليه راح تتعب نفسيته ولا يعرف يعبر توه ضعيف فيترجم شعوره بالبكاء والنكد وعدم النوم والقلق لين يتعلم .
نصيحتي لك لا ترمين الرضاعة من أول يوم حرام راح تسببين لها صدمة تفسية وراح تتعبين أنتي معاها,
راح أقولك على طريقتي وان شاء الله تفيدك أنا أحاول ألهيها في البداية عنها أعطيها إذا طلبتها بس ,يعني إذا جاعت مرررررررة وأحاول أتأخر عليها فيها ,و رحت شريت لها كاسات ملونة ومتنوعة وكل فترة أطلع لها كاس جديد وأحطلها فيه حليب ومرات عصيرات عشان تنسى الرضاعة وبكذا تشبع وتسكت وتنسى بعض الشي
وبعدين أصير أقلل بالتدريج ساعات الرضاعة يوميا إلى أن أصل إلى إنها ما تاخذها إلا فوقت النوم
مرة في الظهر ومرة في الليل وفي الليل أقللها بعد بالتدريج, يعني إذا هي ترضع في الليل 3 مرات أنقصها كل يومين رضعة حتى أخليها على وحدة
واستمر كذا تقريبا أسبوعين. وفيه طريقة حلوة جربتها وهي مفعولها سحري يعني كثري من الطلعات إذا كانت إجازة أو نهاية الأسبوع صدقيني راح تنساها بسرعة خصوصا إذا رجعت بالليل وهي تعبانة من الطلعة راح تنام بسرعة لكن إذا قابلتيها بالبيت راح تجننك كل شوي تذكرها وتصييييح .
بعد الأسبوعين أبدأ معاها بتركها في الظهر وأخليها على الرضعة مرة وحدة بالليل بس ,
وبعدها إذا تعودت على هالنظام أبدا أنوع في أساليب المنع يعني مرة أخبيها وأخليها تدورها وانا أدورها معاها إلييييييين تتعب وتنام , ومرة أحطلها على الحلمة منقوع المرة ولما تشربها ترميها وتصيح وتقولي وووووع أصير ابتسم بوجهها و أقولها شفتي كيف الننة صارت وعة ؟
وكل يوم نقص عليها قصص إن الننة وووووعة وصارت وصخة وطاحت بالتراب وصارت تصييييح وتقول ارموني بالزبالة ........... ومن هالكلام .
ومرة حطيت على الحلمة حنة وجبتها كان ترميها وصدقت القصة اللي حكيناها لها وبعدين غسلتها وحطيتها في الثلاجة وكل ما قالت أبغى ننة أقولها روحي شوفيها بالثلاجة وتروح تفتح الثلاجة وتطالعها بعدين ما تاخذها تتركها وتقول ييييع وتلعب وتروح وتجي بعدين تذكرها وتجلس تصييييح تبغاها وانا ما منعتها موجودة قدامها كل شوي أقولها تبغينها ؟روحي شوفيها بالثلاجة
وهي تتمنع (نصيحة كل ممنوع مرغوب يعني لما خليتها قدامها تركتها باختيارها مو بالغصب)
وبكذا انتهت معاناة الفطام بكل سهووووووووولة ولله الحمد وكل أم وحكمتها في التعامل مع تغيرات الطفل .أنا يحسدوني على بناتي يقولون كيف تقدرين تتفاهمين معاهم كذا وتقنعينهم
بدون ما ينحفون ويرفضون الأكل زي عيالنا
والفضل لله أولا وأخيرا
طولت عليك بالكلام أعذريني لكن كنت بأوصل طريقتي بالتفصيل يمكن تستفيدين منها وتدعين لي بصلاح بنياتي وزوجي وان الله يرزقني الولد الصالح
تحياتي لكل الأمهااااااااااااات