بسم الله الرحمن الرحيم
انا راح اكتب لكم تجربتي با الولاده الاولى لي وياليت تستفيدوامنها ...
الكل كان يخوفني والله العظيم ماقابلت وحده هونت علي الا امــــــــي( الله يطول بعمرها) وكانت تخفف عني وتقول لي لاانتي اول ولا اخر وحده بتولدوكل الحريم ولدوا وعاشوا.
اما اخواتي يقولون يااااويلك والله مووووت لكن انا كان عندي ايمان بالله والتوكل كان جوا قلبي ان الله راح يساعدني ويخفف عني ......
المهم نسيت الموضوع حتى الشهر الاخير وبعدين سرت امشي كثيرعلشان الدكتوره قالت لي امشي واطلعي وانزلي من على الدرج.المهــم جا موعد ولادتي يعني بقي عليه يومين وكنت حاااطه براسي انوضروري اولد طبيعي لان القيصري مو زين نهائي الا للضروره لا سمح الله.
وهذاك اليوم مشيت اثنين كيلو ورحت وشربت قرفه ثقيله مررره وتعشيت ونمت وصحيت الساعه 2 باليل وكان معي طلق خفيف وعرفت لان الالم يجي ويروح كل خمس دقايق با الضبط طبعا زوجي نايم لكن في شي جوى قلبي يقول اتحملي ولك اجر وادعي الدعاء الان مستجاب وكان الالم لما يجي والله العظيم ربي يصبرني لدرجة اني
ابكي من شدة الالم والخوف وكلمت امي الفجر وقلت لها حذرتني ماروح المستشفى الا لما تنزل الماءوصحي زوجي للصلاه وماحس علي ورجع ونام والساعه تسع خلاص احس اني استويت لكن صبرت صحي زوجي وشافني وقال اوديك الان المستشفى قلت لا افطر وبعدين نمشي والله صرت ارجف من كثر الالم لكن كان عندي يقين ان الله بيخفف ذنوبي كلها وان هاذي ماهي الاسكره من سكرات الموت زوجي افطربسرعه علشاني لكن انا رفضت اروح وكنت حااطه نصيحت امي بين عيوني حتى جت الساعه 12زوجي جرني على المستشفى جر ولما دخلت غرفة التحضير رفضت كل الابر
وقالوالي رحمك مفتوح7سم يعني انتي خالصه وهي الي فقعت لي ماي الراس ..
ودخلت غرفت الولاده الساعه 12ونص والله العظيم ان الدكتوره لوبكيفها لتولدني قيصري تهددني بغرفة الولاده تقول شدي ولا اجيب لك شفط وكنت ما اقدر ارد عليها لكن قلت لها انتي مقهوره انك ماارح تحصلين من ولادتي فلوس (المستشفى خااص)طبعا تبغى تضربني ابر وتبي تسوي عمليه لان الطبيعي ب3000ريال والقيصري12000ريال لكن ربي الهمني وتذكرت سورة الزلزله وقراتها ولدت الحمدلله بسهوله
وحسيت نفسي انا الي انولدت مو النونووجتني فرحه ماتتخيلونها .
(والله والله من توكل على الله فهو حسبه )
رد مع الاستدلال
الروابط المفضلة