اختى الغاليه نانيدا ربنا يرزقك هذه الفرحه انتى والجميع يارب اجلا غير عاجل...
انا متزوجه من 6 شهور بس ... والحمد لله يعنى حملت مرتين فى اول اربع شهور واجهضت ...
وانا بطبعى بموت فى الاطفال انا وزوجى وكنت مكتئبه جدااا ... وفى شهر رمضان اللى فات اتاخرت الدوره اسبوع وخفت اعمل تحليل عشان مش اصاب بالاحباط ... بعد فتره هو اصر اننا نروح لدكتور وربنا يسامحه الدكتور شاف على السونار قال لا مفيش حاجه وعملى تحليل فى البول برده عشان يتاكد طلع خط خفيف قالى ده لا يعتد بيه مع انه يدوب حط الاختبار فى البول ثوانى وطلع خط خفيف ..
المهم روحت وانا محبطه وقالى تيجى بعد العيد تانى برده عشان نتاكد تانى بالسونار ...
استنيت بعدها حوالى 9 ايام كل ده وانا خايفه اعمل لنفسى تحليل ولا حتى تحليل دم وعشان مطولش عليكم اكتر من كده..هههههههههههههههه رحت للدكتور وبرده مفيش اى حاجه على السونار وكتبلى على حقن تنزل الدوره وقال لزوجى يعمل تحليل سائل منوى .. اللى يضحك اكتر ان زوجى طبيب جلديه وتناسليه وهو عارف وبيقوله اعمل تحليل وهاته اشوفه ...ههههههههههههههههههه
المهم نزلنا .. وتانى يوم اختى بتسالنى لانها برده طبيبه حكيتلها قالتلى ازاى مش عملتوا تحليل دم..
تانى يوم قال زوجى تعالى نتمشى ونعمل بالمره تحليل دم .. ورحت عشان مش ازعله .. واخدوا العينه وقالولنا نص ساعه على النتيجه .. وقعدت انا وهو نتكلم ولا على بالنا واحنا متاكدين انه هيقول مفيش حمل حتى نسيت انى والله مستنيه النتيجه..هههههههههههه
بس تخيلوا منظرى انا ظهرى لغرفه الدكتور وقاعده مندمجه فى الكلام مع زوجى والدكتور خرج بيقول مبروك يا مدام...هههههههههههههه .. طبعا اكيد مش انا وعشان كده كملنا كلامنا عادى .. الدكتور كان هيتشل فقالنا تانى ... مبروك المدام حامل..
زوجى بص له وقاله احنا؟؟؟؟؟؟ ههههههههههههههههههههههههههه
قال ايوه ., قاله انت متاكد؟؟؟؟؟؟؟؟؟؟؟؟؟؟... قاله طبعا ... والنسبه عاليه جدا ..
والحمد لله تابعت مع دكتور تانى وشفت الحمل على السونار
الروابط المفضلة