مرحبا صبايا

أنا هون بكندا من 15 يوم تقريبا وهلأ بالشهر السابع وبصراحة انا لوحدي هون انا وزوجي بس ما في حدا جنبي وقت الولادة وهادي اول ولادة لإلي

وبصراحة كل امرأة بتخبرني شي عن الولادة هون وكل وحدة بتقلي شي انو في اهتمام أو لأ

رجاء اللي ولدت هون بكندا تخبرني عن الولادة وانشالله في اهتمام؟؟؟

السلام عليكم ورحمة الله وبركاته.
اهلين ام عمار انت وين في كندا
اولا انت ايه وضعيتك هنا يعني زائرة او مقيمة او عندك الجنسية الكندية

أهلا بيكي um anaswa aseel

انا هون مقيمة ومعاي اقامة وعايشة بمنطقة ميلتون اذا بتعرفيها ؟؟

إنت وين مقيمة.؟؟؟

انا في سادبري في الشمال
شوفي ام عمار لازم تعملي ملف الطمان الاجتماعي في اقرب وقت وتبحثي على طبيب العائلة وبعدين ما في اسهل من الولادة هون صراحة يحطوك بعيونهم وانا مابقيت اكثر من24 ساعة في المستشفى ورح يعملولك دورات في كيفية الولادة وكيفية الاعتناء بالطفل وبنفسك وكمان يبعتولك نورس للمنزل للاطمانان عليك والله يقومك بالسلامة

الله يطمنك يا um anaswa aseel طمنتيني

انا هلأ عندي ال هيلث كارد وقريبا رح اشوف طبيب العائلة انشالله

الله يجزيكي الخير طمنتيني

السلام عليكم ام عمار
انا ولدت ابني من خمس شهور بكندا و بطمنك انك باذن الله ماراح تحسي الا بتعب و وجع الولادة نفسها اما الباقي فلا تخافي. بالمستشفى اثناء الولادة بيعاملوكي متل الأميرة و بيخافوا عليك اكتر من نفسك و بعد الولادة العناية ممتازة و بيساعدوكي خطوة بخطوة مع البيبي و رضاعته و حمامه و لبسه و تغيير حفاضتهو كمان انتي بيساعدوكي حتى بالحمام اعزك الله لو انتي مانك قادرة تحملي حالك. اما بعد ما تطلعي من المستشفى بيبعتولك ممرضة عالبيت لتطمن عليك و عالبيبي و كمان هالممرضة بترجعلك امتا ما بتلفنيلها اذا احتجتيها.هذا كل اللي عندي و ان شاء الله تولدي بالسلامة يارب و يكون البيبي سليم و معافى

حبيبتي الله يقومك بالسلامة
ماشاءلله البنات فادوكي وماراح ازيد عليهم شي لانهم قالو كل شي
المهم بدي اسالك انتي لما جيتي علي كندا كيف كان الوضع بالطيارة وانتي حامل
انا راح انزل بلدي وانا بالخامس بس خايفة من طول الطريق وكمان معاي تؤام
بس زوجي بيقلي انزلي مرة وحدة بعد الولادة شو رايك تنصحني انزل او استني اولد

مشكورة جنيف طمنتيي الله يطمنك


يالحقيقة يا ام لمى ولمار انا بفضل الله سافرت من بلدي لكندا وما حسيت بتعب

اثناء السفر وكنت بأخر السادس كمان , كنت خايفة من السفر وانا حامل بس الحمد لله كلشي كان طبيبعي رغم انو سفري كان طويل اكتر من 20 ساعة

يمكن انك تسافري وانت حامل بس عم تقولي انو عندك تؤم الله يخليهم

لذلك انا بنصحك تنزلي بعد الولادة اطمن لسلامتك ومشان ما تتغلبي بالأطفال خاصة اذا كان عندك ترانزيت بشي بلد

موفقة انشالله الله ييسرلك ويقيمك ويقيمني بالسلامة يارب