الحمد لله الذي رزقني *عبد الرزاق*
السلام عليكم
مش عارفة من وين ابدا
بس
بدون مقدمات
الحمد لله
عبد الرزاق نور عيون نايم جنبي بعد انتظار 4 سنين
ثاني يوم رمضان كان موعد عمليتي
ورحت الصبح الساعة 8 مع زوجي لحالنا على المستشفى
وبعد ما وصلنا ودخلت للفحص والصور وتخطيط الجنين
وطلبو من زوجي يودي تحاليلي للمختبر ويجهز اوراق المستشفى
وقالولي روحي البسي لبس العمليات
قلت لزوجي اتصل بامي وبامك
وبعدين ما شفت حد
حتى صار موعد العملية الساعة 1 الظهر
وطلعوني على سرير العمليات وقدام الغرفة لقيت زوجي وامي وختي وبس (ما حد من اهل زوجي)
وبصراحه كلهم كانو خايفين وانا قاعدة اضحك
ودخلت باب غرفة العمليات
وقعدنا نمشي من ممر للثاني حتى وصلنا الغرفة
وبدت الممرضة من اليمن تشبكلي جهاز مراقبة النبض في اصبعي ومن الشمال ممرض يجهز ايدي للمحاليل والابر
وقدامي وحدة تجهز كشافات الاضاءة
والثاني يجهز المقصات والمشارط
وقعدت اتكلم معهم شوي ولما جهزو كل شي اجا الدكتور
وقاللهم كل شيء جاهز يالله
وقاللي دكتور البنج قولي بسم الله واقري الفاتحة بكون بدا البنج بعدها
وقريت الفاتحة وخلصت وسمعت الدكتور بيقول للممرضة اكشفي بطنها
وقاللو دكتور البنج لسا ما نامت عينيها مفتوحة
وساعتها حسيت بريحة البنج و بس ....
بعد ساعة طلعت من العملية وكان ابني مطلعينة من قبل لابوه وجدته يسلمو عليه وانا لسا في العملية
و ودوني غرفتي وانا لسا مش حاسة بحد ولا دارية عن شي
شوي وبديت اصحا واسمعهم بس
لكن.........
الم.. يا لطيف ساعتين اتالم واتوجع ومو قادرة احرك اي شيء وصوتي واصل للجيران وانا اتوجع
واقول لزوجي ارفعلي رجلي واذا مسكها اصرخ ومرة ايدي واذا مسكها اصرخ ومرة بطني ومرة رجلي
وساعتين كاملين على هالحال
وماما حملت ابني جنب وجهي وانا مش قادرة افتح عيني اشوفه من الوجع
بس كنت متطمنة اني سامعة صوتة حبيبي
وبعدها راح الوجع بس طول الليل مش قادرة اتحرك من الجرح ولا حتى على جنبي
وبالليل اجو خواتي وعمي وعمتي واهل زوجي
والصبح مسكتني ماما وقمت امشي والحمد لله ثالث يوم روحت بيتي
معلش
الحين تعبت من القعدة عن اذنكم وبرجع بعدين
وعقبال كل المنتظرات يا رب
ودعواتكم لابني حبيبي
رد مع الاستدلال
الروابط المفضلة