الحمد لله ياسين وصل بالسلامه تعالو احكيلكم قصة ولادته
بسم الله الرحمن الرحيم
ازيكم يا بنات عاملين ايه كلكم و الله وحشتوني الكام يوم اللي غيتهم عن المنتدي
الحمد لله انا ولدت قبل اخر التاسع بيومين احكيلكم بقا
اول طلق جالي الساعه 4 و نص العصر وجع بسيط في بطني و ضهري كده محطتش في بالي قلت يمكن مغص عادى او تفاسيح لاني من اول التاسع عندي طلق كاذب بس زاد الطلق الساعه 10 بالليل بقا يجيلي كل ساعه ماما قالت لجوزي ياخدني يمشيني شويه علشان ربنا يسهلها و فعلا رحنا نتمشا و بقا يجيلي الطلق بصوره غير منتظمه شويه كل ساعه و شويه اقل و شويه اكتر . بس عالساعه 2 بالليل بقا الطلق كل 10 دقايق و كل ربع ساعه مش منتظم برضو رحت اتصلت بالدكتور قالي لما يبقا كل 5 دقايق روحي المستشفى على الساعه 4 و نص الفجر قلنا نروح المستشفى لان الطلق كان بيجيلي كل 10 دقايق مره و 5 دقايق مره فعلا رحنا و و احنا فى الطريق جوزي اتصل بالدكتور و قاله ان الطلق بيجيلى كل 5 دقايق قالو لما اروح المستشفى المساعده بتاعته هتكشف عليا و نكلمو . لما كشفت عليا المساعه لقيت الرحم مفتوح قيراط واحد بس و المفروض يبقا 3 قالولي روحي و تعالي الصبح طبعا جوزي و ماما و حماتي رفضو و قالو خلينا هنا الله اعلم ايه ممكن يحصل عقبال الساعه 8 الصبح كان الطلق برضو مش منتظم كل ربع ساعه شويه و كل خمس دقايق شويهجت المساعده كشفت عليا تاني و قالتلى لما تجيلك الطلقه قوليلي لما جت قلتلها راحت كاشفه عليا و موسعه الرحم باديها لانه مكنش عاوز يفتح و اتصلت بالدكتور قالتله ان الرحم مفتوح 2 ونص قيراط يعني المفروض يبقا موجود . لا سابني لحاد الساعه 12 و انا الطلق شغال لما بقا كل ثانيه و البيبي مش راضي ينزل لما اترفع لفوق و اتبرز في بطني اول لما جيه الدكتور لقا البيبي متبرز في بطني قال قيصريجوزي طبعا اتجنن و ماما و بابا و اخويا و كل اللي كانو معايا وقتها و كان هياكلو الدكتور علشان سابني كل دا في العذاب دا كلو و في الاخر قيصري راحو قالولو اعملها قيصري بس بسرعه علشان تعبت حرام عليك و فعلا ولدت قيصري في الاخر بعد العذاااااااااااااااااااااب دا كلو و الحمد لله
ربنا يسهل على كل حامل يا رب و تقومو كلكم بالف سلامه يا حوامل
رد مع الاستدلال
كتبت بواسطة منارة الحياة
الروابط المفضلة