السلام عليكم خواتي انا من 4 سنوات بديت اعاني من عدم انتظام الدورة يعني تنزل كل شهرين وصار ويهي متروس حب الشباب بالاضافة الى الشعر صار يطلع بسرعة وبغزارة رحت لكم طبيبة نسائية ومحد عرف السبب قالولي كل شي طبيعي وكنت غير متزوجة فتلك الفترة وبعد شهور تزوجت وحملت ببنتي بعد شهر من الزواج وربيت طبيعي وياتني الدورة بعد الاربعين وانتظمت لعدة شهور وبعدين ردت تتلخبط وللاسف مااهتميت اني انظمها لاني ماكنت افكر بالحمل واستخدم موانع طبيعية ومرة رحت عند طبيب امراض جلدية وقالي اني لازم احل مشكلة الدورة عشان اقدر اتخلص من حب الشباب رحت لطبيبة ف مستشفى خاص وسوتلي اخصائية الاشعة سونار وطلع ف التقرير ان عندي تكيس وقلت بتاكد ورحت لطبيبة الكل يمدحها ولما كشفت علي قالت ماعندي تكيس وكل شي طبيعي بس احتمال عندي ضعف ف المبايض وقالتلي اسوي تحليل هرمونات وعطتني كلوميد حبة 3 مرات ف اليوم (5 ملجم) لمدة 5 ايام وكان المفروض تتابع التبويض بس هي سافرت واستوتلي الام شديدة ف الايام ال15 و16 و17 ورحت لطبيبة من الي رحتلهم ف بداية المشوار وقالتلي مافي كيس ولا بويضة وشافت تحليل الهرمونات سليم ونزلت الدورة بعد 29 يوم (تاريخ9 /6) بس خفيفة وانا متعودة تكون غزيرة وبعدين ردت الدكتورة بس ماقدرت اروح عندها ومرن شهرين ومانزلت الدورة سويت فحص حمل طلع سلبي واتصلت للطبيبة قالتلي نزليها وتعاليلي لما رحت قالت عندي كيس كبير وانا بعد شفته بروحي سالتها كيف استوى من الكلوميد؟ قالت ايوا (حسبي الله ونعم الوكيل) وعطتني شريط حبوب اسمه بروجيلوتون اخذ حبة ف اليوم لمدة 21 يوم من ابتداءا من اليوم الخامس والي بيكون باكر ان شاء الله وبعدين اروح لها تشوف اذا راح التكيس او تعطيني شريط غيره
اخواتي اريد اعرف رايكم هل اكمل علاج مع هالطبيبة والا اروح عند غيرها لانها قالت بتاخذ اجازة اخر رمضان واخاف تطول اجازتها
وبعد انا احيانا اقول يمكن انا من زمان عندي تكيس بس ماكانوا عارفين الحالة والكلوميد خلاها تتفاقم
عسى ربي يفرج الي ترد علي وتقولي رايها لاني وايد متضايقة وتعبت م التفكير
الروابط المفضلة