بنات الحمد لله انا حامل فى الشهر التاسع وقررت اولد ان شاء الله فى المستشفى الامريكى فى الشيراتون

حد ولد هناك ؟؟ واخبار التمريض ايه ؟؟ طمنونى لانى كان قدامى
1- عبدالقادر فهمى
2- كليوبترا
3- المستشفى الامريكى

واستقريت على الامريكى بس طمنونى الله يخليكو

اختكم

ندى

ان شاء الله البنات يفيدوكي الله يقومك بالسلامة

حبيبتى ربنا يقومك بالسلامة

بصى انا الدكتور مرشحلى الامريكى و عبد القادر فهمى و يمكن عبد القادر فهمى اكتر لان رعاية البيبى فيها اكتر
دة على كلام الدكتور لكن انا ماولدتش هناك
و بصراحة ماظنش انى هولد فى اى منهما لانى عايزة اولد فى الهرم جنب بيتى و ماما عايزانى اولد هناك جنبها
و مش عارفة هترسى على اية عموما ابقى طمنينا و قولى لنا انت قررتى تولدى فين و لية

على فكرة فى احد الاخوات قالت ان كليوباترا حصل فيها تلوث قبل كدة و الله و اعلم

طبعا كلة كلام منقول

الحاجة الوحيدة اللى شوفتها ان ابن اختى كان فى كليوباترا و كان التمريض مش قد كدة دة من حوالى 5 سنين دلوقتى مش عارفة

و على فكرة الامريكى تعتبر اغلى مستشفى دلوقتى و بعدها الندى اللى فى المنيل

ربنا معاك و يقومك بالسلامة

ربنا معاكى
وياريت كل اللى تدخل تقول ولدت فين وكان نظام المستشفى ايه
لانى برضه نازلة مصر ومش عارفه اروح فين

randoda2002

شكرا على الرفع


ريناملاك

مستشفى الندى يا رينا هى الاغلى ... الامريكى أرخص منها ...

انا فعلا مش عارفه مسشتفيات فى الهرم كنت أقولك عليها

ربنا معاكى ان شاء الله

ملك المالكى

يا ريت يبقى ده مرجع لمستشفيات مصر يا ملك وانا ان شاء الله هاجبلكوا مصاريف المستشفى الامريكى واكتبهلكوا

up

انا رأيي ان اهم حاجة الدكتور اللي متابعة معاه، ودكتور الاطفال اللي واقف، الاول عشانك ويخيط كويس ويراعيك وما ينيلش الدنيا، وطبعا يكون متابع حالتك من الاول عشان يتأكد في السونارات ان البيبي اكتمل، وتاني حاجة دكتور الاطفال عشان برضو يشوف البيبي ويشفطله كويس. اما بقى حكاية المستشفى انت اصلا لو طبيعي بتخرجي بعدها علطول، ولو قيصري يوم او اتنين.
عموما ربنا يقومك بالسلامة وبرضو شوفي رأي الاخوات.

بصراحه انا معرفش حد ولد في المستشفى الامريكي بس اعرف انها مستشفى كويسه وسمعتها كويسه ونظيفه جدا كان زوجي عمل عمليه هناك فيها قبل كده لكن بالنسبه للولاده فكل معارفي يا في عبد القادر فهمي او كليوبترا او النزهه الدولي..بصراحه انا نفسيا مرتحتش لمستشفى عبد القادر ابدا اخت زوجي وزوجة اخوه ولدوا هناك بحكم دكتورهم بس معحبتنيش عن نفسي بفضل مستشفى كليوبترا لانهم يهتموا بجمييع الحالات وادراتهم حازمه جدا وبيخافوا على سمعتهم او يمكن لاني متعوده عليها واخويا بيشتغل هناك ...اما عن دكتوري بيشتغل في النزهه وكليوبرا فاعتقد ان كليبوترا افضل برضه يا حبيبتي اسالي دكتورك هو بيفضل ايه واي غرفة ولاده وطاقم مساعده من تمريض ودكتور اطفال اريح له وانسب له وربنا يقومك بالسلامه بس متنسيش تقولي ولدتي فين وايه رايك في المستشفى ومنكم نستفيد ربنا يكملك على الف خير يارب وتقومي بالف سلامه


صحيح بالنسبه للتلوث في مستشفى كليوبترا اشاعة مثل ما سمعت ان كل اطفال عبد الاقدر فهمي لازم يبقى عندهم الصفرا!!! استخيري واسالي دكتورك وربنا معاكي