السلام عليكم

انا في الشهر الثامن حاليا يا اخواتي ولسة ما اتفقتش مع دكتورة للولادة وبابا مصر على طبيب استاذ كدا هوا بيثق فيه وعارفه وبابا طبيب زميله وكدا

وانا وزوجي رافضين الطبيب وعايزين طبيبة تكون استاذة عشان بابا يكون راضي
و تكون في القاهرة و بتولد في مكان كويس مضمون وبتعمل ولادة بدون الم

فارجوكم اي حد يقدر يفيدني باسم او عنوان عيادة او مستشفى يرد عليا
وادعولي لاني دا اول حمل ليا و قلقانة والموضوع دا كمان محيرني وشاغلني

السلام عليكم اختي العزيزة
ربنا يقومك بالف سلامة وتولدي طفل سليم معافى يقر عينك انت وزوجك انا اعرف مستشفى كل اللي فيها سيدات حتى الممرضات واسمها مستشفى الزهراء بس للاسف معرفش هي فين ولكن اعتقد ان هي في المعادي وعلى العموم ممكن تتصلي بالدليل وتساليهم علي تليفون المستشفى وممكن تستعلمي من المستشفى نفسها مع الدعاء بولادة يسيرة

شكرا يا قمر ان شاء الله اسال عليها
بس المشكلة اني عايزة طبيبة معينة مجربة

بصى حبيبتى انا هديكى اسم دكتور هى استاذة واكيددددددددد باباكى عارفها كويس جدا
هى استاذة وحدة الولادة بالقصر العينى التعليمى طبعا ممتازة بتولد فى كذا مكان منهم السلام الدولى اللى فى المعادى
وان شاء الله هتشكرينى عليها هى اسمها الدكتورة اسماء فريد قوليلى بس واناابعتلك رقمها على الخاص

حبيبتى فيه كتير ممتازات

عندك مثلا الاستاذه الدكتور ناهد حسين القاضى ممتازة وبتولد برضوا فى المعادى بس فى مستشفيات

على عزت والنخيل والجارم على الكورنيش


عندك نهى ربيع عيادتها فى منطقة حدائق الزيتون معى رقم الموبيل اذا كنت عايزاها وانا ولدت معها

ممتازه واستاذ فى عين شمس

فيه نشوى استاذ فى الدمرداش وعيادتها فى مصر الجديده ممكن اجيب لك العنوان والموبيل

وانا تحت امرك

فيه دكتورة كمان رئيس قسم النساء فى جامعة الازهر الاستاذ الدكتور سميرة الملاح

بس لا اعرف لا العياده ولا المستشفيات

وفيه كتير حبيبتى

وربنا يعينك ويقويكى

واصرى على رايك ولا تولدى مع طبيب راجل

حبيبتى نسيبه مستشفى الزهراء هى مستشفى جامعى عامه

مستوى الخدمه فيها سيىء جداااااااااااااااااااااااااااااااااااااا

وهى مش موجوده فى المعادى دى موجوده فى العباسيه

جزاكم الله خيرا حبيباتي ربنا يكرمكم يا رب

حبيبتي lolo habeby ربنا يكرمك ابعتيلي رقم الدكتورة على الخاص من فضلللللللللللللللك

و حبيبتي ايضا ام اسية الغاليه يا ريت لو عندك اي عناوين او ارقام تبعتيلي على الخاص
وبالنسبة للي ولدتي معاها يا حبيبتي هل هيا بتولد بدون الم ؟ والولادة كلفتك كام؟

بس متتاخروش عليا عشان الحق اروح واستفسر واضبط حالي

السلام عليكم ورحمة الله وبركاتة
اختي احب اقولك اني لسه ما حملت ولا ولدت
ولكن انا تابعت مع دكتوره علشان كان عندي هرمون اللبن زايد والحمد لله دلوقتي النتيجه كويسه
بس هيه ولدت اخت زوجي مرتين وهيه ما شاء الله عليها ممتازه وبتولد فى اكتر من مستشفي
وكلهم احسن من بعض
وهيه اسمها الدكتوره نجلاء الوحش وعيادتها في فيصل شارع العشرين تقاطع التلاتيني
ولو عايزه رقم موبايلها او رقم العياده انا هابعتهملك على الخاص دلوقتي علشان انا احتمال
ما ادخلش المنتدي بكره وانتي عايزاه بسرعة
وربنا يقومك بالسلامه يا رب ويرزقك الذرية الصالحة
والشرع بيقول يا اختي ما دام موجوده دكتره نساء كويسين لا يجوز انك تولدي عندى دكتور رجل

حبيبتى انا ولدت مع نهى ربيع

وهى شاطرة جدا بس انا ولدت قيصريه مش طبيعى

وكمان انا لسه ما وصلت للعدد اللى يسمح لى بالتراسل على الخاص

وانا ولدت فى مستشفى جمعيه شرعيه ب1200 جنيه

لكن هى بتولد فى مستشفيات اخرى فى مصر الجديده ب3000

انا اسفة مكنتش اعرف بس انا سمعت عنها وعلى العموم ملحوقة وشكرا على ردك وتوضيحك