حبيبتي انا ولدت و الحمد لله من خمس ايام
بس انا بولد بعيادة خاصة عند الطبيبة ياللي بتابع عندها
طبعا اول شي بتكشف عليكي الدكتورة فحص داخلي لتعرف قديه متوسع الرحم عندك
اذا كانت حالة ولادة يعني 6 سم فما فوق رح يركبولك محلول يسرع الطلق
و المحلول فيه مخدر كمان
رح تلاحظي انه الطلقات عم يزيد وجعها و تزيد مدتها
و الفحص الداخلي رح يعملوه كذا مرة و هو كتير بيضايق و بيوجع
انا بحكيلك هيك منشان لا تنصدمي
ما علينا الوجع رح يزيد و يصير قوي كتير بعد ما تتوسعي 8 سم
وقتها رح يثقبوا لالك كيس الجنين منشان المية تنزل
و احتمال الطبيبة تعمل لالك توسيعة للرحم
بعدها رح تحسي بضغط فظيع على المستقيم
كانك بدك تعمليها الله يكرمك
مش رح تقدري تمسكي حالك و رح تلاقي انك بتضغطي لال ارادي طبعا لانك بكرية راس الجنين بياخد وقت ليطلع
ربنا يصبرك هالدقايق العصيبة و احتمال تحتاجي شق العجان ليطلع البيبي
بس بالاخر ما راح تلاقي حالك الا بتسمعي صراخ طفل متل العسل
و كل الوجع بيروح
بس مو كله يعني اكيد وجع الجرح و الم خفيف بالبطن بيبقى معك
الطبيبة رح تاخد البيبي و تشفطه و تنضفه و رح ترجع لالك
رح تحكيلك ادفعي منشان الخلاصة تطلع
و بعدها رخ تخيط الجرح لالك و مبروك صرتي ام
ربنا يسهلها عليكي و على كل حامل
الروابط المفضلة