كتبت بواسطة
محبوبة لجين
الحمدلله على سلامتك أختي ..
وبعدين بما أنه لسى صغير لسى مانتظم في الرضاعة يبغالك على الأقل لحد أربع شهور لأن الي يرضع من صدر أمه كل ساعة أو ساعتين يبغاله رضعة إذا كان مدة الرضاعة من الصدر أو الثدي الواحد عشر دقائق يعني مو يرضع شوي وبعدين ينام حاولي تصحية وترضعيه وبعدين حاولي تبدلين بين الثديين كل خمس دقائق .. عشان ما تتعبين .. وحاولي تكثرين من شرب السوائل يمكن يمكن صدرك مايشبعة يعني إشربي كأس ماء قبل الرضعة وكأس بعد الرضعة وتشربي حوالي لتر حليب خلال اليوم ونوعي بالعصائر لأن المرضع تحتاج للسوائل بكثرة عشان ماينشف صدرك ويجوع الطفل .. وحاولي إذا كان صدرك فيه حليب وطفلك مايبغى يرضع حاولي تشفطين بالشفاط وتحطينه في علب وكتبي عليهاتاريخ الشفط والوقت وحطيها في الفريزر تحتاجينها في وقت تكونين تعبانة أو مشغولة بحيث تطلعينها من الفريزر وتحطيها في موية دافية لحد ما توصل لدرجة حرارة جسمك وبعدين رضعيها للطفل بحيث تشبعة إن شاء الله ..وهذي طريقتي في أولادي الأثنين ...
وإذا كان شبعان ويبغى ينام أعطيه اللهاية وخليه ينام لان أغلب الرضع يحبون ينامون وهم يمصون حتى اللهايةتخفف من المغص عند الطفل في هذي الأيام وحاولي قبل النوم تعوديه على رضعة الينسون قبل النوم ماتزيد على 60 مل والينسون يكون منقوع في مويه مغلية ومصفى ويكون دافي ..
وكمان لو تعوديه تحمميه قبل النوم ودلكيه بالزيت زيتون وبعدين لفيه زين وأعطيه الرضعة ونوميه ..وإن شاء الله راح يناملك كم ساعه متواصلة ...
والله يعينك على تربيته واضح انه طفلك الأول .. وأتمنى أكون أفدتك ..
الروابط المفضلة