السلام عليكم ورحمه الله وبركاته
كيف حالكم يابنات ان شاء الله بخير
انا محتاره بصراحه مررررررره وابي رايكم
انا موجوده حاليا في ايرلندا وبعد شهرين او اقل بنرجع للرياض بنطلع فيزا على بريطانيا
وبنروح نوتنقهام المهم انا الان حامل في اخر الشهر الثاني ومحتاره هل اذا رجعت الرياض اجلس عند اهلي الى وقت الولاده او اولد في بريطانيا علما اني بكريه
زوجي يقول اولدي في بريطانيا واذا خلصتي 20 او 25 يوم ارجعك للسعوديه
وش رايكم بنات احتاج مشورتكم.....

طبعا في بريطانيا...مو محتاجه كلام...
بس خلي امك تجي لعندك ومضي شهر بعد الولاده او شهر ونص وبعدين انزلي الرياض معاها..
الله يقومك بالسلامه

والله مرة صعبة تقعدي عند اهلك من الشهر الرابع أو الخامس ..

بعدين خديها مني نصيحة لازم تقعدي مع زوجك طول اشهر الحمل وحتى الولادة لاتقولي لأهلك .. والله جربتها .. انا اكون مرتاحة نفسياً انه مافي ناس كتير قلقانة ..

لأنه هم يقلقوا ويفضلوا يتصلوا كل شوية ها ولدتي والا لسة .. ونفسيتك تتعب وتتأثري وممكن تتأخر الولادة بسبب النفسية .

انا قاعدتي ما اقول لأحد .. بعد ما اولد اتصل اقولهم جبت ولد والا جبت بنت .. واخلي الكبار عند جارتي والا صاحبتي ..

لكن اختي تقولهم وتروح تقعد عند اهلي من قبل الولادة بمدة .. آخر مرة قعدت من الشهر التامن .. ومسكينة كل ولاداتها الإتنين متعسرة ..

مع اننا اخوات وامي ولاداتها طبيعية وسهلة ماتصير لها مضاعفات .. لكن سبحان الله النفسية . ونفس الشي خالاتي .. وحدة منهم نفسيتها طول الوقت تعبانة وولدت ولادتين متعسرة مرة وحدة انتهت بعملية والتانية الجنين اختنق . والتالتة بالشفط .. وحدة ولادة طبيعية خرجت بها من الدنيا .

وخالاتي الباقين زي امي .. بس وحدة جابت توأم طبعاً بعملية تعرفي مجازرنا كيف .وبنت خالتي ولدت طبيعي والحمد لله .

فأنا استنتجت انه بناء على الوراثة والتاريخ العائلي ولاداتنا طبيعية بس اليي تكون نفسيتها متأزمة تولد ولادة صعبة .

معليش قصيت قصة حياتي ..

اتوقع الولاده في بريطانيا افضل
كل شي عندهم متطور وحركاااااااات ودلع
ويكفي يكفي انك قريبه من زوجك
انا لو منك ماترك زوجي يوم واحد خليكي معاه افضل

مشكورين ماقصرتوا الله يعطيكم العافيه بس يارب يرزقني الله جارات او صديقات يوقفون معي لان امي صعبه مررررررررررررررره تجي لبريطانيا

فعلا مثل ما قالوا الاخوات

خليكي عند زوجك

واذا الوالدة صعب تيجي بريطانيا

ممكن اي حد من اهلك مثلا اختك او حتى اهل زوجك يجوا على بريطانيا