السلام عليكم ورحمة الله وبركاتو اول شي انا متلكم ما صدئت امتى حملت مع اني حملت بعد عشرين يوم من عرسي المهم مابدي طول عليكم بس صرت استنى شهر بشهر واشتري كتب وفوت مواقع كلى عن الحمل والولادة وحسيت حالي اني اسعد بنت بالعالم والت بس شوف ابني مابعرف شو بدي ساوي واجيت الحظة المنتظرة طبعا انت وعم تولدي وبدون كذب بس بدك تخلصي من القصة وما كتير بتفكري باابنك وولدت وحطتلي الدكتورة ابني على بطني طبعا هادا شعور بقسم بالله اني ما رح انسى لانو شي فوق العادة وطبعا بس حممو كتكوتي ولبسولي ياه جابوا طلعت عليى شفتو عم يطلع عليي وهو احمر وعيونو منفخى عمرو 15 دقيقة وكانو عم يشكرني وبعد بكم يوم اطلع بابني مالاقي حالي فرحانة متل العالم اطلع على حالي بالمراية وابكي اسئل حالي ليش مالي مبسوطة واللهي مالاقي جواب المهم يااخواتي ما نام بالليل كلكم بتعرفوا انو البيبي بفيئ كتير بس احيانا تاخدو ماما فنام شوي وكل مانام شوف كوابيس بس مو عادية يعني شي شوف اقزام عم يسبحوا شي بحر وووووووو ومرة شفت بمنامي اني طايرة بالسما وانو عم اقول لجوزي يلاحقني هو وابني وما عم يئدر هون انا فئت ابكي ابكي والت اكيد معناتو اني لح موت ورحت لعندي اختي واللهي يلي هي اغلى من روحي لانو ماعندي غيرا ووصيتا بابني واذامتت تاخدو هي وتربي استغربت وحكتلى مناماتي صارت تبكي وهادا كلو ونفسيتي كتير تعبانة من الكوابيس المهم راحت اختي وصارت تسال ليش هيك عم يصير معي جواب كتير عالم وكتير بنات انا هيك صار معي فتحت الانترنت ولاقيت بنات بصير معون اكتئاب وهاد بيسموا علميا اكتئاب ما بعد الولادة من اسبابو 1 الالم والوجع ائناء الولادة اوبعدها 2 كتير من الامهات ماعاد بيناموا متل الاول لانو بالليل عم ترضعي وبالنهار عندك ضيوف وهاد بسبب ارهاق للام 3 شكلك وخاصة اذا زاد وزنك كتير اثناء الحمل ويصير لاعاد فبكي تلبسي اواعي حمل ولافيكي ترجعي تلبسي اواعيكي وهادا لحالو بساويلك اكتئاب وكتير في اسباب كمان بكمل انشاله بجزء 2
الروابط المفضلة