السلام عليكم
ازيكم يا احلى حوامل
انا حابة كل واحدة تقولنا عملت اية فى النفاس بالذات المصريين لان بصراحة البنات الخليجيات بيقولوا اسماء اعشاب مش عندنا هنا فى مصر او ممكن يكون اسمائها مش زاى عندنا
كل واحدة تدخل تقولنا عملت اية ولو فى اسماء اعشاب مش معروفة تقولنا جبيتها منين نساعد بعض ان شاء اللة علشان ربنا يكرمنا بنفاس صحى ونقوم بالف سلامة وكل واحدة تقول اسم اعشاب تقولنا الاعشاب دية بتعمل اية وطريقة استعمالها
منتظرة تفاعلكم
انا عن نفسى قبل كدة مكنتش بستعمل غير الحلبة المغلية مع العسل الاسود وكمان المغات وفى حاجة عندنا فى مصر ممكن البنات المصريين يعرفوها اكتر اسمها السخينة هى طبعا دسمة موت بس ماما بتقول انها بترم العظم هى سمنة بلدىوحلبة مغلية وعسل اسود وعيش بلدى يعنى السمنة بعينها انا بصراحة مكنتش احب اكلها وبصراحة لما كنت بغتسل كنت بضع مطهر فى ماء دافى بس معرفش اى حاجة تانية
يلة كل واحدة تقولنا نعمل اية والاخوات الخليجيات بس يعرفونا اسم العشبة لو لها كذا اسم
ومشكورين ويا رب يا رب يقومنا بالسلامة ونشوف ولادنا زاى القمر

من أجلك أختي lolo habeby

فينكم يا بنات فين التفاعل

زي ما انت عارفه يا لولو احنا في مصر ما عندناش حاجه للنفاس غير الحلبه و المغات و خلاص
و الاكل طبعا شوربه و فراخ مسلوقه و ارز ابيض في الغدا و العشا
و الفطار طبعا لبن و عسل و اي حاجه معاهم

و هو اسبوع و نرجع للشقا و نعيش حياتنا طبيعيه جدا
بصراحه من متابعتي للمنتديات لقيت ان اخواتنا الخليجيات متدلعين جدا يعني كفايه قعدتهم 40 يوم في بيت اهلهم راحه تامه و دلع مافيش بعد كده
انا عن نفسي ماما بتبقي معايا اول اسبوع بس و بعد كده بتقول لي كفايه عليكي و اعتمدي علي نفسك

اه والله يا ام بودى ومين سمعك الشقة من اول يوم عندنا بتبقى ويلك ويلين الولاد والزوج والبيت والاكل حتى لو مش بتقومى من السرير بس الدماغ شغالة وربنا يقومنا بالسلامة

والله ياختي عملت قيصري واسبوع بحاله ماكلتش

كتبت بواسطة سليمانيه

والله ياختي عملت قيصري واسبوع بحاله ماكلتش

اللي عامله قيصري

أسبوع راحه كويس
المشكلة في الي والدة طبيعي وتتحرك
وتجلس كثير هذه الله يستر
على خياطها

لولو فعلا كل اللى انتى كتبتيه صح و اسمع ان الواحده او ل ما تولد تاكل فرخه كامله مكان البيبي ههههههههههههههه كلام جدتى و جدتك

كتبت بواسطة امورة مصر

لولو فعلا كل اللى انتى كتبتيه صح و اسمع ان الواحده او ل ما تولد تاكل فرخه كامله مكان البيبي ههههههههههههههه كلام جدتى و جدتك

شكرا مرورك امورة
بس اكيد فى حاجة تانية عايزين نعرفها مش معقول كدة بسسسس
بس انا عايزة اقولك ان انا اكلت الفرخة دية على اربع ايام مش ببقى قادرة اكل ابدا الا بعد اسبوع كدة بحس ان نفسى غمة عليا خالص بس بعد كدة وسعى الطريق خخخخخخخخخخ

هههههههههههههههههههههه وحياتك يا حبيبتى ماما بتقولى هاكلك غصب عنك ولا انتى عاوزه جوزك اللى يجي ياكلك قولتلها بصراحه اه بتلكك