السلام عليكم يا بنات ...
شلوونكم انشالله بخيير ..
وشرايكم اليوم نفتح موضوع التجهيز للنفاس ونتناقش فيه ..
يعني شنو الأشياء اللي لازم نسويها في فترة النفاس ، وشنو الممنوعات ، وشنو الأعشاب أو الأكلات المفيدة للنفساء ومتى تاخذها بعد أي يوم من الولادة و بالكميه ...
كل وحده تحط خبرتها عشان تفيد وتستفيد ..
نبدأ .. بسم الله
أنا اللي أعرفه إن النفساء لازم تدفي نفسها ولا تاكل شي بارد ولا تشرب بارد و لازم
ولازم بعد الولادة تستخدم السفوف ( اللهوم ) في الصباح وعلى الريق تأخذين مع هذا السفوف ( اللهوم ) بعد جمع نباتاته وطحنها وتأخذين منه 2.م.ك
{ كوب حلبه+ نصف كوب حبة سوداء + مقدار فنجال حبة حلوة+م.ك قرنفل} وتلهمينها وتشربين بعدها كوب حليب ...
هذا من معلوماتي البسيطة ..
ياليت اللي عندها الخبره ما تبخل علينا وتفيدنا بخبرتها ..

خووووش موضووع ،،،

أنا الي اعرفه والي سويته اني اخذت لهوم من وحده متخصصه اتسوي اعشاب ،، يعني لا يمون من اي احد أو من اي عطار
اخذت منها لهوم ، شاي اعشاب

وقالتلي اني ابدي باللهوم بعد 4 ايام من الولاده لأن اول الايام مو زين قوي على الرحم
وكنت اخذه يوميا الصبح وبالليل

وممكن اخذه على الريق مع قلاص حليب أو ماي ،، او اني ارشه على البيض واكله
لمده 35 يوم
وشاي الاعشاب 3 مرات باليوم مفيد وينظف ويطلع الاوساخ كنت اخذه الصبح ، الظهر ، يالليل

وهم كنت اخذ حلبه احطها مع الحليب
وكثري من النمر والسمسم والرهش لانها تدر الحليب
والاشياء الباردة طبعا ممنوعه
واللزجه مثل الملوخية ، السبانخ ، البامية لان صعب هضمها وممكن اتسوي امساك للوالده
وطبعا القبوووط مفيييد والعصيييده والحسو مفيييييييييد جدا اكله على الفطور يوميا
والحمضيات مو زينه بعد مثل الليمون ، البرتقال
اكلي المفيد من الخضار والفاكهه

ولازم دائما النفساء تدفي نفسها

ونصيحه لكل ام : لما بنام البيبي حاولي تنامين وترتاحين ،، علشان يصير عندج طاقه للسهر

انا كنت اسوي جذي ،، ارتاح اشوي وانام

مشكوووره حبيبتي على مرورج .. بس بغيت أستفسر عن الحلبه من أي يوم نقدر نشربها وجم مره باليوم ؟

شدعوة ماكو أحد يرد ؟؟!!!!

أنا كنت اخذها الصبح وبالليل مع كوب حليب ،، وظليت اخذها طول فترة الاربعين

يعنى اية اللهوم
انا معرفش الا الحلبة بالعسل الاسود بس او الحلبة بس وشوربة هو دا النفاس عندنا فى مصر

الهوم عبارة عن أكلة خاصه بالنفساء مقوية ومفيده بس بصراحه انا ماعرف طريقتها ويليت اللي يعرف يفيدنا

كتبت بواسطة lolo habeby

يعنى اية اللهوم
انا معرفش الا الحلبة بالعسل الاسود بس او الحلبة بس وشوربة هو دا النفاس عندنا فى مصر

صح كلام لولو احنا عندنا فى مصر الواحده اول ما تولد تاكل فرخه كامله مسلوقه بالشوربه بتاعتها و كل شويه بقا حلبه محلاه بالعسل الاسمر و مغات بالسمن البلدي والحاجات دى هى اللى بتنظف البطن عندنا

يعني في مصر نفاسكم يعتمد على الحلبة بس ؟؟
ماتستخدمون اي أعشاب ثانيه ؟

شوفي هذا الرابط راح بفيدج واااااااايد

http://www.q8yat.net/showthread.php?t=102628