السلام عليكم ورحمة الله وبركاته
أنا يا أخوات عضوة جديدة في هذا المنتدى ودي أسأل عن مستشفى اليمامة للولادة في الرياض وكذلك مستشفى التأمينات بالنسبة للولادة فيهم فودي أللي جربت الولادة في هذا وهذا تقول لي وش الفرق بينهم لأن فيه ناس أمدحولي اليمامة وقالوا هذا حكومي وأضمن وناس قالوا التأمينات ممتاز وأنا حامل وهذي المرة الأولى ولا أدري ودي بردود منكم حول هالموضوع لأني محتاجة جداً لمعرفت حال هالمستشفيات وشاكرة جداً جداُ لمن ترد علي .

أهلاً بيك يا أخت........ رح أسميك أسماء

انا جربت مستشفى التامينات ماعليهم تعاملهم مريح والممرضات لطيفات والتسهيل من رب العالمين
اما مستشفى اليمامه هو صح حكومي لكن سمعت ان تعاملهم سئ ورعايتهم اسواء ما قد سمعت عن احد ولد عندهم الاصارت له مشكله واتذكر وحده من اقاربنا ولدت هناك يوم رحنا نزورها كان مافيه سرير ومنومينها على كنب في الممر وغيره وغيره

لكن مع ذلك في ناس يحبونه ولا يبغون يولدون الا فيه
وانت استخيري وشوفي ربي وش يسهل

اختي الحبيبه بالنسبه لمستشفى اليمامه ،
لو تولدين في البيت ارحم ..... انا جربته في بنتي الثانيه
والله يا اختي لا تتخيلين كيف تعبت نفسيتي من بعد ما ولدة فيه من شد ما لاقيت من القسوه
والوسخ والقرف وكل شي سيء ...
وكأن المرأه عندهم عنز مش انسانه .... الرجال داخلين خارجين ولا اي اهتمام لعورات
المسلمين ...حسبي الله عليهم ... فعلا كل ما تذكرة ولادتي فيه تجيني حالة حزن وأكتئاب..
والتأمينات اسمع عنه انه مش بطال ..
بس على كل الأحوال افضل بكثييييييييييييييييييييييييييييييييييييييييييييييي ييييييير من اليمامه ..
الي حرام يسمى مستشفى .... الله المستعان ..
والله يسهل عليك .