السلام عليكم ياخوات
كيفكم عساكم بخير
مره أمي الله يحفظها سمعت بإذاعة القرآن الكريم أحد المشايح يقولن عن فائدة الحلبه للإنجاب
المهم أمي جاء على بالها بنت خالي الي صار لها 6 سنوات ماأنجبت ماخلت دكتور ماراحت له
وخلطت لها هالمقادير ما الأعشاب :
كوب حلبه
كوب يانسون
نص كوب لبان مر
كوب كمون
ربع كوب حبه سوداء
تخلطين هالأعشاب مع بعض وتحطين ملعقتين منها مع كوبين من الماء من الليل
وتشربين كوب على الريق وكوب قبل النوم وتخمرين مره ثانيه لليوم الثاني
استمري عليه إلى ان يرزقك الله
وسوته أمي لبنت خالي والله العظيم من بعد ماشربت هالأعشاب ماجتها الدوره وقالت يمكن انها متأخره
ويوم راحت تسوي فحص قالوا لها حامل وعمر ولدها الحين 3 سنوات وسوت هالخلطه مره ثانيه
وسبحان الله حملت والحين ولدها عمره 3 شهور
و3 حريم حملوا بفضلالله ثم بهالأعشاب وحده منهم كانت دايم تسقط يمكن 5 مرات وسوت هالخلطه وانجبت سبحاان الله
والله على ماأقول شهيد
ولما شفت كثير من النساء في هالمنتدى تقول يارب ترزقني الذريه قلت بفيدها يمكن بفضل الله ثم بفضل كتابتي تنجب وتفرح وتدعي لي طول عمرها
وزياده على هالاعشاب ثقي ثقة تامه بالله
وأكثري من الأستغفار
وقولي في السجود 40 مره ربي لاتذرني فرداً وانت خير الوارثين
الله يرزقكم الذريه الصالحه عاجل غير آجل والي ماتزوجت الله يرزقها الزوج الصالح والذريه الصالحه عاجلاً غير آجل
يالله تعبت من الكتابه إن شاء الله استفيد من هالتعب وتدعون لي ويرزق كل وحده منكم الذريه.
الروابط المفضلة