السلام عليكم ادري ازعجتكم بطلباتي واسئلتي الي ماتخلص بس تعرفو اول بيبي.
انا بنتي اصيبت في هذا الشهر اولا بفطريات في اللسان وشفيت منه ولكن كان في تلك الفترة ترفض الرضاعة الطبيعية لأنه يؤلمها وبعدها اصيبت بالتهاب في الأذن وشفيت منه الزبدة
انها ترفض الرضاعة الطبيعية صار لها اسبوع وانا احاول اشفط بس انا حليبي قليل والشفط مو زي مص الطفل احاول معاها مافي فايدة تبكي بصوووت عالي وتبعد راسها اليوم ضلت ساعة كاملة وهي تبكي ورافضة الطبيعي وبعدها استسلمت لنوم فكسرت بخاطري لأن الفترة اللي ظلت فيها بدون رضاعة 6 ساعات فأعطيتهاارضاعة وانا قلبي يتقطع عليها لأنها دبلت مرة وهي وزنها قليل اقل من المستوى الطبيعي .
انا نفسيتي تعبانة مرة لأن ودي بالرضاعة الطبيعية فالي عندها اي فكرة ياليت تساعدني وياريت في اسرع وقت ارجوكم .

عزيزتي أم سارة، لا تتعبي نفسيتك هكذا، أنت قومي بمهمتك واتكلي على الله، كلما كان وقت أكلها حاولي إرضاعها منك. إن أصرت ورفضت، أعطها الرضاعة واتكلي على الله. لا داعي لتعذيبها وتعذيب نفسك. خاصة أنك تقولين أنها أقل من الوزن الطبيعي.
سؤال: هل تأخذين حبوب مانع للحمل؟ فبعض هذه الحبوب تغير الحليب وتفسده، وهذا عن تجربة شخصية. تأكدي من هذا.

عزيزتي ايمان تصدقي انا كل شوي ادخل لآني محتاجة لمساندتكم فعلا وماقصرتي على الرد .
انا ماخد حبوب منع الحمل ودي بالرضاعة الطبيعية لأنها افضل والله يعيني ويهديها ان شاء الله .
وماودي افطمها الحين لأنها توها امس كملت 3 شهور .
مشكورة اختي العزيزة

الله يعينك يا اختي ........مرات تفشل الرضاعة الطبيعية لاسباب قاهرة ........ لا تياسي عطيها صناعي مع الاستمرار بالمحاولة ....... اقولك قصة وحدة حصل لابنتها فطريات وعافت صدر امها لمدة شهرين حتى نشف الحليب ........وبعد الشهرين ردت البنت ترضع ودر الحليب مرة اخرى وسبحان الله

اختي العزيزة ام كلثوم مشكورة عزيزتي والله فرحتيني وان شاء الله خير.

الظاهريا ام سارونا ان بنتي وبنتك مولودين في نفس اليوم علشان كذا احس معاناتنا وحده
ممكن ان بنتك من النوع العصبي واذا جاعت ومارضعتيها مباشره تنرفز علشان كذا حاولي تعطينها رضاعه لين تهدى بس لا تخلينها تكملها بعدين اسحبيها بهدوء واعرضي عليها الطبيعي
واذا مره مانفع حطي عليه شئ حلو بس لاتكثرين بس علشان تمسكه وتجنبي وضع العسل افضل تحطين تمره وانتبهي لا يكون فيها قشر بس خذي شوي وامسحيها عليه والله يسهل امرك انت والاموره

اختي العزيزة فهدة يعني بنتك في نفس عمر بنتي يحليلها ايش اسمها الأمورة فعلا مثل ماقلتي بنتي عصبية لدرجة كبيرة وإذا طولت عليها لأي سبب ترفض ترضع واحيانا حتى لو ماطولت يعني على حسب مزاجها فكرة الحلو الي قلتيها حلوة بسهي ماتقرب اساساً تقعد دفني بإيدها محيرتني الله يعيني ومشكوووووووورة .