السلام عليكم ,,
شلونكم شخباركم ؟
ومادري شقول بس بدخل بالموضوع على طول
ان كويتيه بس حالياً بالبحرين
وان شاء الله آخر 3 نرد الكويت لاني اكون بدخل التاسع
قرقه صح
المهم
قريت موضوع تجهيز حوامل الكويت
ووايد استفدت منه
بس عندي سؤال
شنو الأشياء اللي تحتاجها النفساء ؟
يعني جم دراعة استقبال يبيلي ووين يبيعونهم (بالكويت أو البحرين)
وشنو الاغراض اللي اشتريها حق نفسي غير دراريع الاستقبال؟
ومشكووورين وآسفه اذا طولت عليكم

هلا مريووومه وينج من زمان ما بينتي ،،، ؟؟ الله يسهل عليج ان شاء الله

أنا بقولج عن تجهيزي ،،، أنا والدن من 3 أسابيع وأكثر شي ابتحتاجينه بيجامات المفتوحه من جداه الي فيها زراير مفيييده للرضاعه وهم تحتاجين ملابس داخلية قطن ( البنطلون والبلوزة ) تلقينهم بالأسواق الشعبيه مثل المعلم ودريم مول

أما قمصان النفاس انا خذيت تقريبا 6 قمصان من أنور للمستشفى والبيت ،، أظن واايد وكافي واختاري منهم احلى اثنين للمستشفى ولا تنسين تاخذين بيجامتين للمستشفى أنا خذيتهم من أنور حلوين ،، وستيانات للرضاعه مفيده واايد وقطن الخاص بتسرب الحليب من مذركير أو ماركه بيجون موجود في سنتر بوينت

وفي اندر وير من مذركير عجيييييييييييييييييييب من المستشفى وليلحين أنا استخدمه بالنفاس ( تستخدمينه مرة وحده واتقطينه ) وااايد ينفع

هذي علبته


واذا تبين تسألين عن شغلات ثانية انا حاضرة

هلا والله ام شواقه
مبرووووووووووك ماياج وتتربى بعزج انشالله
سكتي انا خرعوني الدكاتره اهني بالبحرين كل يوم مطلعيلي شغله
اهما يزاهم الله خير وايد دقيقين
مره يقولون السكر مرتفع مره البيبي راسه اكبير واحتمال فيه تشوهات ومره المشيمه نازله
فتضايقت حدي حدي حتى قررت خلاص ماجهز ولاشي لاوبروحي بالبحرين احن على ريلي شكثر نرد الكويت يقول عنده امتحانات مايقدر
بس الحمدلله امس سويت سونار جان تقولي الحمدلله الراس مو وايد كبير بس يبيلي متابعه عشان تأكد اكثر والمشيمه شويه نازله مو وايد خصوصا ان توني باسبوع 30 يصير ترتفع انشالله
لوول قرقه صح

بس لان صج والله حدي ولهت عليج انتي وجوتشيا وسمورة الكويت ونورتي ولولو وحنونه وكرزتميا (اسمها صعب؟ )
كنت متابعه مواضيعكم حتى لي الحين كله اقرا تجهيزات الحوامل وتجمع حوامل الكويت عشان استفيد منكم

ومشكوووووووووووره والله حدج حدج مشكوره وايد افدتيني
بوسيلي شواقة العسل
مع السلامه حبيبتي

السلام عليكم ،،

الله يتمم عليج اختي مريومة و تولدين بالسلامة .. آنا الحين قاعدة اعاني لأن دكتورتي قالتلي ان حجم البيبي أكبر من عمره ب3 أسابيع و لازم تولدني امبجر عشان في خطر عالبيبي مع اني بالأسبوع ال33
و حدي خايفة بس الله يسهل انشالله ..
اعتقد ان ام شواقة ما قصرت ماشالله حتى انا استفدت ..بس حبيت اضيف انا "لما" اجهز اغراضي انشالله رح احط حزام لشد البطن "وهالحزام ينفع بس للي والدة طبيعي"لأن يخفف من حجم الكرش إللي يطلع يبقى بعد الحمل آنا مجربته بولدي الأول و الحمدلله فاد


و اعذريني عالإطالة

وعليكم السلام
هلا والله ام سمسم
واي الله يعينج والله حاسه بشعوورج ولا يعني ودج ولدج اول ماينولد تشيلينه
انشالله يارب تكون ولادتج طبيعيه
انا بعد قالتلي احتمال ولادتي تكون 19-4 بسبب الراس
بس انا خايفه من القيصريه لاني شايفه امي شلون تعبت
بس الحمدلله عالزياره الثانيه قالتلي لا انشالله تكون 8-5
اهم شي ان تكثريين دعاء وانتي ساجده وخلي ثقتج بالله كبيره وانشالله تعدي وتولدين بالسلامه بموعدج يارب

ومشكووووووووره عالمعلومه ومادري بس مو اكيد استخدم شد يقولون مو زين للرحم بس لما انج استخدمتيه بولدج الاول انشالله يمكن استخدمه
ومشكووووره مره ثانيه حبيبتي

الله يسها عليج ياااارب

اهلا مرايم
شلونج حبيبتي الله يسهل عليج يا قلبي ولج وحشة يا عمري
اظن شوشو ما قصرت كل شي قالته واذا تبين اي شي احنا بالخدمة يا قلبي

تحياتي

الله يرزقج السلامه يارب

ويسهل عليج يا ضيائي انشالله مشكوره حبيبتي على هالدعوه الحلوه ماقصرتي

================
اهلييين سموور شلونج شخبارج انا الحمدلله بخير وانتي بعد والله لج وحشه ياقلبي
شلون البيبي ؟
ايي سمور ماعليج امر ابي شي بعد
صح شوشو ماقصرت
بس ابي اسامي محلات ثانيه غير انور يبيعون دراريع حق النفاس
انا لقيت بنعومي دراعه بيضه ناعمه وبيج بس البيج ماكان في مقاسي فـ بس خذيت البيضه
ابييي بعد اسامي محلات ماعليج امر

=============

واي لولو مشكوره حبيبتي على هالدعاء اللي يرد الروح
ويرزقج انتي وجنينج الصحة والعافيه قولي آمين

بنااات بعد عندي سؤال ماعليكم أمر
وين يبيعون كفرات زينه ؟؟
شوشو بما انج توج والده من وين أخذتي كفرج ؟ (اللحاف)
فهمتوني ؟

ومشكوووووووووريييييييين وسامحوني تعبتكم معاي بس لان ماعندي من يساعدني بجهاز الولاده
ومشكووورين مره ثانيه