تحذير، تحذير، من اللولب (للمتزوجااات)) قصة حقيفية لاتفوتكم
تحذير ، تحذير من اللولب قصة حقيقية :
أولا السلام عليكم حبيباتي ان شاء الله تكونوا كويسين حبيت أنبهكم من استخدام اللولب والله خطير يابنات وعن تجربة والله صارت لأختي ادعولها انها تقوم بالسلامة القصة
هي اختي أكبر مني وعندها ماشاء الله ولدين وبنت ومشاء الله عليها منظمه في حملها يعني لها 11سنة متزوجه ومعاها ثلاثة الله يخليهم لها الحكاية انها بعد ماولدت بالأخيرة ركبت لولب بسبب ظروف عملها وسفرها مع زوجها خارج السعودية والصاعقة ان اللولب خرج من مكانه وخرق لها جدار الرحم ومزقته وقطعته لها وكانت ماتدري ولما نزلت السعودية في الإجازة راحت تكشف وقالولها ان اللولب مو موجود ولازم نعملك عملية قيصرية مسكينه حبيبتي وفعلا عملت العمليه وطلعوا اللولب وقالت لها الدكتورة مراح تعرفين قيمة الإعاقة اللي حصلتك حتى تحملين وبعد يمكن سنة حملت اختي حبيبتي وكانت النتيجة ان البيبي كل شوي بينزل لأن الرحم ممزق والله يابنات أنا بنفسي شفت كيف الصور الأشعه الرحم مقطع ومخيط من هنا وهنا والنونو مسكين بين كل هذا وقالت لها الدكتورة في الشهر ارابع لازم تعمل عملية ربط للرحم وفعلا عملت العملية في مستشفى الأطباء المتحدون في جدة
وممكن تولد في الشهر السابع بعملية ويعملولها ربط للرحم مع الولادة يعني هذي آخر فرصة لها تحمل والله صغيرة في السن بس هذا مقدر ومكتوب
وقالتلي اني انشر قصتها عشان محد يفكر يعمل لولب ويندم زيها وعشان الكل يستفيد
لاتنسوها من دعواتكم ان الله يقومها بالسلامه ويخفف عنها تعبها ويطلع النونو كويس ويكتبلها الاجر وتجيب واحد ثاني وثالث .
دعواتكم لي بالهداية ويهديلي زوجي ويسخرة لي واكون قرة عينه ويكون قرة عيني
بانتظار ردودكم الحلوة .
رد مع الاستدلال
كتبت بواسطة om mohmmad
الروابط المفضلة