السلام عليكم
حبيت ابشركم اني ولدت بتاريخ 18/2 يعني قبل موعد ولادتي بيوم واحد بس وجبت حسن الحمد لله ولادتي كانت طبيعية وبخبركم بقصة ولادتي
كان موعد ولادتي الاثنين وكنت كتير خايفة يطوف الموعد من دون ما اولد ويوم الاحد بالليل طلعنا نمشي انا وزوجي وامي اللي جت من لبنان عشان تساعدني ومشيت تقريبا ساعه وعلى الساعه 11 حسيت بالتعب قلت له خليينا نرجع البيت وعند الساعه 11 ونص حسيت بمغص خفيف وشوي شوي صار يزيد تدريجيا وفي الساعه 12 ونص تقريبا قلت لزوجي خلاص الظاهر اني بولد لأن الألم قاعد يروح ويجي وصلت المستشفى الساعه وحده بالضبط فحصتي الدكتوره قالت فاتح الرحم 2 سم وبعدها بنص ساعه دخلت الدكتوره وانصمت وسمعتها تصارخ للممرضه وتقول بسرعه ودوها غرفة الولاده لأن الرحم فتح 7 سم وكنت للحين انا في الطوارىء ولابسه ثيابي واتكلم طبيعي مع الدكتورة بدلت ثيابي وصارت الممرضة بسرعة تساعجني وخلوني على سرير وركضوا فيني لغرفة الولادة وصلت كان الرحم فاتح 9 سم وخلاص اول ما وصلت غرفه الولاده بعد اقل من 5 دقايق كنت والده حتى الدكتوره في غرفة الولادة قالت اسرع ولادة مرت عليا هي ولادتك.
الحمد لله اتمنى ان ولادتكم تكون سهلة مثل ولادتي
وبعد اربع ايام من ولادتي صار لون ولدي اصفر اخدته عند الدكتور قال لازم ندخله المستشفى ونخلي عليه الاشعه لأن الصفار وصل 15 ورقد يومين في المستشفى واليوم طلعت الحمد لله
رد مع الاستدلال
الروابط المفضلة