</STRONG>

السلام عليكم يا اخواتي انا داخلة على الله ثم عليكم يابنات جدة تساعدوني
انا حامل في الشهر السابع وكنت اتابع في العسكري بالرياض في كبار الشخصيات..بس حكمت الظروف اولد عند امي في جدة وانا بكرية مو عارفة ايت مستشفى كويسة ساعدوني بالله عليكم ولاتبخلو علي بالمعلومات...وابي اكثر مستشفى ما احس فيها بألآم المنطقة السفلى عند الولادة لاني مدلعة حبتين وما حب احديمسكني من تحت تجيني حالة بكى يالله افتح رجولي بالمضاربة..لاني قبل فترة كشفو علي من تحت لان البيبي ماعليه موية كانت تنزل لاكن دحين الحم لله..بس ابغاكم تفيدوني والله لادعيلكم باللي تتمنوه وانا اولد ساعدوني

الله يوفقك وييسر أمرك وييسر ولادتك ..

مستشفى الأطباء المتحدون يمدحوا فيها ,, أنا عن نفسي ولدت في بخش والله ما شفت عليهم شي مرة طيبين وكويسين , عند الكدكتورة سمية , او نوال الاتنين شاطرين .

سليمان فقيه ما أنصحك فيها يا حبهم في القيصري والعمليات وهدم النفسيات .

عرفان يمدحوا فيها في د. هدى خير يقولوا ممتازة .

الألماني بس ما أعرف دكاترة هناك بس أعرف إن عندهم ولادة بلا ألم ..

الله ييسر أمرك واتكلي على الله..

والحرس يمدحوا في بعد ..

شوفي الكشف من تحت لازم لازم أجل كيف تبغي تولدي ؟؟؟؟
وغذا ما تبغي تتألمي خذي إبرة الظهر
أما المستشفيات فعندك فيه الأطباء المتحدون وفي سليمان فقيه وفي كمان بخش وعرفان والتخصصي والفتيحي
أنا ولدت في سليمان فقيه عند دكتورة اسمها فاطمة العتيبي أنا مرة مرتاحة معها وهذا حملي الثاني وعم أتابع معها برضوه و‘ن شاء الله راح أولد عندها بس أنا ما أخذت إبرة ظهر ولا شيء(ماما ما رضيت تخاف منها)
زميلتي وسلفتي وأخت زوجي ولدوا في الأطباء المتحدون ويمدحوا فيها بس لا تولدي عند أمال شبكشي تراها تصانيف وحسب تقبلها للمريض بس في إذا ما عندك مانع بالرجال في حسن فقيه سمعت إنو ولادته ممتازه وكمان في دكتور ثاني بس ناسية اسمه ومن الحريم في إثنين بصراحة مفتكره ألقابهم وحده دلعوا والثانية حداد سمعت إنهم كويسيين
أما الفتيحي بصراحة سمعت من وحده إنهم ما يعطوا مسكنات (مش متأكده من المعلومة )بس الخدمة خمسه نجوم وفيها الدكتورة سماء ناظر تشتغل فيها وفي التخصصي كمان
أما بقية المستشفيات ما أعرف فيها أحد بس اسمع إنو الخدمة ممتازه
والتيسيير من رب العالمين ومسألة الآلام مسألة تختلف من شخص لآخر بس الدكاتره إللي كتبت عنهم يجوكي وقت الولاده أما البقية فمش متأكده يجوا ولا يخلوا المناوب هو إللي يولد
والله ييسر لي ولك

حور عين..شكرا حبيبتي على المعلومة
سبراي::شكرا لكي...بس سؤالي مافي غير ابرة ظهر لان ماما كمان ماتبغاني اخدها....يعني مافي بنج كامل وكمام وفي اي مستشفى بيحطوه ..عرفان فيه ولادة بدون الم من غير ابرة الظهر او لا؟؟؟بالله ردو علي

سليماان فقيه زي ماقالت اختي سبراي فاطمة العتيبي ممتازة وقمة ف الاخلاق تعاملها روعة فوق الوصف

شوفي روحي لفاطمة العتيبي واستحملي زحمتها شوي وناقشي معها بصراحة أنا أعطوني الكمامة واللي صار إني بين الطلقه والطلقه كنت أنام ولكن لما يشد الألم أصحى أحس بيه وأرجع أدوخ ثاني يعني فيه ألم برضوه وساعة نزول الرأس إذا تبغي تنامي يدخل دكتور التخدير ويخدوركي وبعد كده ما تصحي إلا وإنت خلاص مغلقه كل شيء وممكن كمان ودوك غرفتك بس غير عند فاطمة لا تروحي لأنو زي ما قالوا البنات حور عين سمعت إنهم يحبوا القيصري لكن الدكتورة فاطمة عيادة خاصة فيهمها سمعتها فلها أسلوبها وسمعت من كذا وحده إنو فمستشفيات ثانية قالوا لها قيصري لكنها في النهاية ولدت عند فاطمة وبسليمان طبيعي والتيسيير من رب العباد وإذا تبغي أرسل لك رقم فاطمة العتيبي على الخاص زمعلومة أخرى لا تروحي عندها إلا بموعد إذا اتصلت السبت ممكن ما تلاقي موعد إلا بصفر

والله أنا ارحت لسحر ملودي بفقيه ولاده ميسره والحمد لله بدون كمامه ولا شي وكلها ساعه ألم
وتخدرت كامل وخيطولي ..
سبحان الله كل واحد على ماجرب .. والله هو اللي حييسر ك لدكتوره معينه وان شاء الله الخيره فيما اختاره الله
المهم // انك تدعي ربك ييسر لك بنت الحلال والولاده السكر

شكرا لكم كلكم يا اخواتي جزاكم الله خير....
بس بالله بعرف سليمان فقيه كم الولادة عندهم حاليا؟؟؟..لاني سمعت ارتفعت الاسعار..
سبراي عزيزتي ايه ارسلي رقمها الله لايهينك على الخاص...ومشكورين..
كمان سؤال الدكتورة سحر او فاطمة يجو يولدو بنفسهم اي وقت حتى لو عليهم زحمة.؟؟وكمان انا يمكن ما اروح لهم الا على اخر الثامن هل بيعتنو فيني بالله جاوبوني جزيتم الف خير....

الدكتورة فاطمة إيوه تجي حتى لو زحمة عندها أما الدكتورة سحر والله ما أعرف أسألي أم حاتم خبره معها والله ما أعرف حتى المستشفيات ارتفعت الأسعار لأن أنا على التأمين تبع شركة الإتصالات فما أدفع غير شغل يد الدكتورة أما الغرفة والأدوية على المتأمين بس إبرة الظهر علينا الأسعار القديمة من دون التأمين كانت من 6-8 آلاف الطبيعي أما القيصري فأظنها 10 بس ما أدري والله مش متأكده وحاولي إنك ما تتأخري في الروحة عشان تقرري خلاص من بدري إنت فين تبغي تولدي وهذا رقم السكرتيره كلميها وأسأليها عن كل شيء حتى الأسعار ممكن تفيدك بس مواعيدها عشان ترد عليك وتفيدك من السبت للثلاثاء من الساعة 7المساء إلى 12 بالليل والخميس من 12 الظهر ل3 العصر