السلام عليكم
انا ولدة بتاريخ 9/1/2008 يو الاربعاء
قبل بيوم اتصلت بالدكتورة وسالتها ازا كانت هتولدني بهدا اليوم ولا حتعطيني وقت زيادة
حكتلي ازا في مجال انو تعطيني كمان وقت ما راح اتولدني
وانا ع هادا الاساس رحت ع المراجعة ومفكر حالي راح اروح ع البيت لاني مو حاسة بوجع ولاشي كانت الساعة 10 الصبح
المهم شفت تخطيط الجنين كان عادي بس ماكان في حركة يعني حركتة الجنين كانت بطيئة
اجت الدكتورة(يمكن كانت الساعة 10 و45دقيقة او11 مو عارفة بالزبط) قالتلي انو البيبي جاي بالعرض وما عندك توسع وهادا الكلام بقول انو ما عندي ولادة
بس لما كشفت علي بالسونار هون كانت المفاجأة مافي ولا نقطة مي ع الجنين
والدكتورة قررت ع طول ع العمليات وسالتني مفطرة وطبعا كنت مفطرة يعني ما بنفع بنج كلي بدنا نعطيكي بنج موضعي طبعا انا قعدت ابكي من الرعب
وما بعرف كيف بسرعة كنت في غرفة العمليات جاهزة وكل حدة بشتغل في من جهة ممرضة بتقيس ضغط واحدة بتعطيني ابرة ما بعرف لايش وبالاخر اجى دكتور التخدير واعطني ابرة الظهر وحطو ستار قدامي بدا مفعول الابرة ودقايق وكنت سامعة صوت بنتي كانت الساعة 11:40 دقيقة الصبح فرجوني اياها طبعا انا موعارفة وين الله حاططني المهم عندي اتخلص العملية وكنت سامعة اصوات غريبة الدكتور قلي احطلك منوم بس انا قلتلو لا مابدي بدي اضلني مصحصحة والساعة 12:10 كنت طالعة من الغرفة الحمدلله وساعتين زمان كان مفعول التخدير رايح
هاي قصتي طويلة صح حاسة اني مرة بتجربة غريبة وجديدة عشان هيك كتبتها بالتفصيل
بس صحيحة انكم وحشين يابنات (11/12/1/2) ما عملتولي حفلة بدي اعمل لحالي حفلة

ان شاء الله ما اكون تقلت دم عليكم

ألف الحمد لله على سلامتك يا روعة وألف ألف مبرووووووووووووووك على البنوتة ان شاء الله تتربى بعزك وعز أبوها..

ألف ألف مبروك ياروعه والحمد الله على سلامتك إنتي والعروسه

انشاءالله الف مبروك وتتربى بعزك
ما قلتيلنا شو سميتيها؟

مبرووووووووووووووووووووووووووووك
شو اسم الحلوه

الفففففففف الففففففف مليون مبروك والحمد لله على سلامتك وسلامت بنتك ان شاء الله تتربى في عزكم يا رب

اول شي الف الف مبروك والحمدلله على سلامتك انتي والبنوته
وتاني شي كيف نعملك حفلة واحنا ماعرفنا انك ولدتي غير هلا ولا دخلتي طمنتينا ولا شي
تتربى في عزكم يارب وربنا يحفظهالكم ان شاء الله

الف مبروووك حبيبتي
الحمدلله على سلامتك انتي والبيبي

ألف الحمد لله على سلامتك يا روعة وألف ألف مبروووك عليج البنوتة...