السلام عليكم و رحمة الله و بركاته

اخواتى عاوزة اسالكم عن اشعة الصبغة هل هى مؤلمة ؟؟؟\

انا رحت لدكتور جديد و عملت تحاليل و النتيجة النهاردة ادعولى يا رب يكون خير

الصراحة انا اول مرة اعمل التحالييل دى الدكتورة اللى كنت بتابع معاها قبل كدة مكنتش بتطلب منى

حاجة غير اخد الكلوميد لما زهقت منها و الحمد لله غيرتها ولحد دلوقتى اقسم بالله انا معرفش عندى

ايه اصلا؟؟؟غير ان صدري فيه لبن بس و لا اعرف غير كدة.....

المهم انه طلب منى اشعة صبغة ان شاء الله هعملها على يوم الاتنيين باذن الله

عاوزة اعرف الامها محتمل و هل انا اللى بطلب فى المركز ان يعطونى مسكن ليها و لا اصلا هى لازم

ببنج و بتتعمل فى اي وقت من اليوم و بعدها هتعب يعنى اطلع على بيت والدتى

و لا هقدر ارجع بيتى و اتابع بنتى عادى ؟؟؟يا ريت كل حاجة بالتفصيل الممل الله يخليكم لانى مرعوبة

منها و كل ما افتكر انى هعملها اقعد اعيط من الخوف....منتظراكم انا نازلة اجيب نتيجة التحاليل كمان

شوية ادعولى .....

الله يعينج والله وعساها تكون سبب في حملج
لان انا اعرف وااااااااااااايد ناس حملوا بعدها سبحان الله
بس بالنسبه للالم سمعت يقولون محتمل ومام انج مخلفه من قبل ماراح يكون اقوى من الم الطلق لان الم الطلق مافي اقوى منه
توكلي على الله وطمنينه عليييييييييييييييييييج
وان شاء الله الي جربوا يفييدونج اكثر

الف شكر يا لولو على مشاركتك و ربنا يطمنك يا ب و يرزقك ببنوتة عسولة

زى توتة بنتى يا رب..المشكلة انى ولدت قيصرى و معرفش الطلق شكله ايه؟

ربنا يسهل انا اصلا مغص الدورة مبستحملهوش لازم مسكنات

ربنا يستر ...

السلام عليكم
متقلقيش من أشعة الصبغه خالص
انا الحمد لله عملتها و هي الآمها زي البريود بالظبط مش أكتر من كده في ساعتها و بالنسبة للبنج انا معرفش صراحة الدكتورة أدتني بنج و لا لأ لكن هي مش مؤلمه فعلاً
و الدكتورة هي اللي حددت ميعادها
و بعدها بينزل نقط دم بسيطة يعني يكون معاكي فوطة صحية و انا عملتها و معايا جوزي بس و بعدين روحنا علي البيت عادي خالص
و ربنا يوفقك يارب و اي سؤال انا موجوده معاكي

لا شك من وجود ألم في أثناء حقن الصبغة و بعدها

و هذا الألم متفاوت من سيدة لأخرى

أنصحك بأخذ حقنة Buscopan عضل قبل ميعاد الأشعة بنصف ساعة

و سوف تقلل الامك إن شاء الله

و على استعداد للجواب عن أي استفسار اخر

و كمان علي حسب معلوماتي
أن بيكون في ألم جامد ( إن شاء الله ما يحصل لك ) إذا كان فيه انسداد بأي من قنوات فالوب
و طبعاً برضه بيعتمد علي المركز أو المستشفي اللي هتعملي فيه
يعني انا الدكتورة بتاعتي هي اللي عملتها ليا و كان الموضوع بسيط لأنها أيدها خفيفه
بس لا تخافي أختي و إن شاء الله ربنا معاكي و ما تحسي بأي ألم

اختي توكلي على الله و اعملي الاشعة

هي تسببمغص مثل مغص الدورة وممكن يزيد الالم اذا الانابيب مسكرة

لكن ان شاء الله خير

وكتير امهات حملوا بعدها على طول لانه اذا الانسداد في الانابيب بسيط

الساءل المستخدم بيفتحها

حبيبتى

ما تخافيش هى سهلة و مش مؤلمة وزى ما البنات قالوا ممكن تاخدى اى مسكن قبل ما تعمليها و توكلى على الله

ربنا يرزقنا جميعا يااااااااااااا رب

حبيبتي ان شاء الله سهلة وما توجع وتقومين بالسلامة

انا اعملتها اشعه الصبغه الصراحه هيه مؤلمة جدا ومتل مابيقول المثل وجع ساعه ولا كل ساعه وفي كتير نساء بعدها حملوا علي طول وراح ينزل منك دم ماتخافي هادا اشي طبيعي
الله يرزقك الخلف الصالح