حيا الله الجميع اهلين حبيباتي حبيب اسأل عن مستشفى كويسة اولد فيها في مكة وعن كتورة كويسة ارجو الافادة لاني اول مرة اولد ف مكة و خايفة
دمتم بحب

اختى انا من مكه وفى مستشفى الرفيع وهى الصراحه ممتازه انا ولدت فيها بنتى الاولى وناوية اولد فيها هادى المره كمان واختى ولدت فيها اكثر من مره وفى مستشفى بخش بس الصراحه ما ادرى عنها و
والله يقومك بالسلامه

عشوقة اختي الحبيبة
حبيت اسلم عليكي وربي يقومك بالسلامة ويهون عليكِ الولادة وتفرحي وتفرحينا معك

بصراحة أنا من أهل مكه بس بصراحة بأتابع في جده وبنتي الأولى جبتها كمان في جده
أما المستشفيات سمعت عن الرفيع بس أنا ما أحبها عشان وقت الولادة لازم ينوموكي(أنا ما أبغى أنام آخذ كل الوجع والساعة إللي يفرح فيها قلبي ينومونيوعلى إيه على الراس بس) وكمان كل الحريم يجلسوا يتوجعوا بغرفة وحده بينهم ستاير وبصراحة الواحد وقتها يكفيه همه ما يبغى يسمع آهات الثانين معاه ووقت الولادة يدخلوك بغرفة لوحدك ما يدخل معاك أحد ولا حتى أمك بس ولدت فيها خالتي وبنت خالتي وكم وحده أعرفهم يقولوا الحمد لله
وفي بخش كمان وإذا كنت طبيعي في مستوصف الدكتور زاهر قضيب ألبان يولدوا وتجلسي كم ساعة وبعدين تخرجي وكمان مستوصف الصاعدي
وزميلتي ولدت في مستشفى باشرجيل عند دكتورة هندية أو باكستانية تقول مره طيبه
وإذا تبغي تعرفي أماكن هذه المستشفيات أنا في الخدمة وكمان شيء ثاني مافي مستشفى في مكه تجيب لك الدكتورة إللي تبغيها إلا إذا كان حظك إنو وقتها مناوبة