ازيكم يا بطيخات ..قصدي يا كروشات ...يوووووه ..قصدي يا حلوات
عاملين ايه .الي جعانه فيكم انا عازماها علي حتة دين حلة ملوخيه حتاكل صوابعها وراها لاااااااااا مش صوابعها بس .. ايدها كلها ,,علي فكره انا عاملاها بالارانب اللي بيحبها بالارانب وكمان في حلة تانيه للطوارئ للي مابياكلوش الارانب زيي ..........وكمان في سلطات وفطاير ولحمه وحاجات كتير للي مابتحبش الملوخيه ..يعني دي وليمه بقي
واللي بتتوحم علي ملوخيه ممكن تلطشلها صحن وهي مروحه ..مش مشكله كله يهون علشان خاطر الكتاكيت الحلوين اللي جوه الكروش واهو نكسب فيكو اجر برضو
يلا كله يقعد في السفره ويسمي .. بس لغاية ما الملوخيه تجهز خلونا ننضفها مع بعض الاول وانا بحكيلكم مشكلتي واللي تعرف الحل حاديها صحن كبير اوي واللي ماتعرفش برضو حاديها صحن كبير
يلا نضفو يا حلوات
مشكلتي الاولي دي عرضتها في كم موضوع وللاسف مافيش واحده ردت علي وقالتلي حل يساعدني فقلت اعمله توبيك يمكن يساعدوني حبيباتي واهو بالمره ارشيهم بحبة ملوخيه
انا بشتغل طول اليوم وطبيعة شغلي اني بكون جالسه طول اليوم يعني اكتر من تسع ساعات ومافيش طريقه ارتاح واستلقي ولو لخمس دقايق ولما بخلص شغل بيكون عندي مشاوير يعني تقريبا برجع البيت حوالي الساعه 11 بالليل ..يعني تخيلو من الصبح لغاية بالليل وضهري ستاند اب ومصلب ..وطبعا دا علي طول فترة الحمل يعني التسع شهور لاني ماقدرش اسيب الشغل ,,,انا خايفه جدا من القعده الطويله تاثر علي طفلي او علي انا شخصيا سواء في الولاده او مابعد الولاده ياريت تطمنوني وتفيدوني
مشكلتي التانيه (معلش حاكون صريحه فيها شويه لانها خاصه بالعلاقه الزوجيه)
اول ماتزوجت كنت بعاني من مشكلة الضيق في الفتحه التناسليه كل اللي اعرفهم طموني وقالولي ان دا بيروح مع الوقت والممارسه الزوجيه بس للاسف انا متزوجه لي 7 شهور ومافيش اي تغيير ( انا عارفه ان الضيق بيرجع للختان ) بس عايزه اعرف حالتي دي بتستدعي اروح بيها الدكتور ولا لا ..؟؟ ايه اللي ممكن يحصلي في الولاده هل ضيق الفتحه بياثر علي طلوع البيبي ...ياريت تكونو فهمتوني لاني خجلانه اشرح الوضع بالكامل بس الحكايه دي مسببالي مشاكل بصوره كبيره لاني بقيت بكره العلاقه الزوجيه نسبه للالم اللي بتالمه وزوجي صابر بس لامتي ....؟؟
معلش طولت عليكم .. استحملوني .. اصلا تنضيف الملوخيه بياخد وقت يعني حتنضفو وتحكولي ( وماتخافوش حتنضفو الملوخيه بس وانا اللي حاعملها بنفسي .. انتو برضو ضيوفي )
وبالهنا والشفا
الروابط المفضلة