ازيكم يا بنات يا حلوات يا امورات يا ام كرش العشرة بقرش

بصراحة انا كتبت العنوان كده عشان اشدكم تدخلوا

انا بقرا كتير عن اللى بتعمل السبوع و تعمل هدايا عشان توزعها على الضيوف و تتكلف مصاريف كتير


يا جماعة (ان المبذرين كانوا اخوان الشياطين)


حرام تروحى تكلفى علب و بنبونيرة و الحاجات دى و فى الاخر الضيوف ياخدوها يحطوها فى البوفيه و لا على ترابيزة الانتريه للزينة و الشياكة و الشيكولاته و البونبونى اللى جواها صلاحيته تنتهى و ماحدش ياكله

و فى نفس الوقت فى ناس مش لاقية لقمة عيش تسد بيها جوعها و جوع اولادها


يا جماعة ممكن نفرح و نخلى اللى حوالينا يفرحوا باقل التكاليف و كمان نساعد المحتاجين و نفرحهم


يعنى انا مثلا عملت حفلة سبوع ابنى اخدت الغربال بتاع و لاد خالتى و جبنا شمع للاطفال و قدمنا للضيوف عصير و شكولاته (ممكن تقدمى بيبسى او كروسونات صغيرة حسب ذوقك) و دقينا الهون و قولنا حلاقاتك برجالاتك و فرحنا و بس
كله كان بيضغط عليا عشان اعمل هدايا بس انا و الحمدلله فضلت ابعت الفلوس دى لملجأ ايتام افضل وكمان الضيوف اللى جايين لازم يكونوا جايين عشان بيحيوكى و عايزين يباركولك مش عشان ياخدوا هديا

و كان المفروض ادبح خروفين لعقيقة ابنى بس كانت الظروف مش سامحة لكن بعدها بشهرين الحمد لله ربنا يسر امورنا و دبحناهم

انا اسفة طولت عليكم بس دى نصيحة لوجه و لا تنسونى من دعائكم اذا عجبكم كلامى

كل يوم بيزيد اعجابي بيكي وبحبك اكتر من الاول يابنت بلدي يا جدعه
بارك الله فيكي يا قمر

كتبت بواسطة sassoo_love

كل يوم بيزيد اعجابي بيكي وبحبك اكتر من الاول يابنت بلدي يا جدعه
بارك الله فيكي يا قمر

ربنا يخليكى يا جميلة و يرزقك بالحمل الثابت و الذرية الصالحة ان شاء الله

انا زوجي رافض اني اعمل عقيقة عشان خايف من عيون الناس وانهم توأم

كتبت بواسطة نونةنونة

انا زوجي رافض اني اعمل عقيقة عشان خايف من عيون الناس وانهم توأم

ممكن تدبحى و توزعى اللحم و تعزمى بس الاقارب على العقيقة
ربنا خليهم و يحفظهم يارب
يعنى ايه راكان؟

ماشالله عليكي اختي انا متابعتك فكذا موضوع والله يزيدك حب وتعلق فعمل الخير ويثبتك ويقويكي يارب ويكثر من امثالك ,,
نونة العقيقة سنة عن الرسول عليه السلام واهلك واهله داريين ان عندكم توام يعني لو عملها وعزمهم مافي شي جديد بالموضوع , ولو خايف خلاص لاتعملو عزيمة ووزعوها للمحتاجين والفقرا ..

ما شاء الله عليكي
دايما تتحفينا بالنصائح الحلوة
ربنا يبارك فيكي ويقدرك على فعل الخير يارب

بس احنا مش من عاداتنا ابدا عمل السبوع

والله يا ام ياسين كلامك كتييييييييييير بيعجبنى وبروح اقوله لبابا كمان بيعجبه اوى
عارفه انا عملت سبوع جميل اه بس مش بالصورة اللى فى بالك انا عملت عقيقه كبيرة اما السبوع عملت بمبونيرات على اد معارفى القريبين علشان الذكرى ولكن جده ابنى صممت تعمل سبوع عندها فى بيتها ومكنتش اقدر اكبت فرحتها
بس انا محبتش اعمل سبوع كبير مش علشان المصاريف بس علشان السبوع بدعه فكبرت العقيقه وجدته عملت السبوع وفرحنا بكل الاحوال الحمد لله وبرده منستش اليتامى الحمد لله

كلامك يشرح القلب جزاكي الله خيرا على النصايح دي....

فعلا الحاجات دي والحمد لله بدأت تخف يعني مش زي الأول يعني انا ما شاء الله بنت خالي في اول بنوته كده ...

تاني بنوته بقى بدل ما يوزعوا البونبوني و كده بقوا يوزعوا عصاير و الحاجات الذي منه طبعا بجانب العقيقه

وزعو احاديث جمييييييييييله و أذكار بجد كانت فكره تحفه...

ربنا يقدرنا كلنا لفعل الخير واللي يرضيه

جزاك الله خيرا يا هند على النصيحة
ولوان السبوع له فرحة وكمان العلب العادية مش البونبيرات اللى بيبقى فيها فشار وفول سودانى بتعجب الاطفال وبتتاكل مش بتترمى انا فاكرة انى كنت بحبها اوى وانا صغيرة
بس الاولوية طبعا للعقيقة لانها سنه الرسول عليه الصلاة و السلام وبعدين لو فى فايض نفرح بسبوع