كل واحده تحكي اتوحمت علي ايه
طبعا مش محتاج تفسير كل واحده تكتب اتوحمت علي ايه واللي ربنا لسه ماذنش بحملها تكتب اغرب وحم سمعت عنه
طبعا الوحم مليان مواقف طريفه ياريت نكتب ونرفه عن بعض لان كلنا اعصابنا بتبقي مشدوده يا اما منتظرين الحمل يا اما منتظرين الولاده
يلا بقي كل واحده تحكيلنا وانا هبدا
انا اول مره اتوحمت علي استاكوزا طبعا جوزي كان هيعيط (ياخراب بيتك يا عبد العال) وطبعا جابهالي وهو ناقص يبوس رجلي متوحمش تاني
لكن الجنين نزل الحمد لله علي كل حال
اما حملي التاني كان مشكله لانه طول شويه فاخدت فتره الوحم لاخرها
في الاول توحمت علي خوخ ومكانش موسم خوخ ومحمود جوزي قلب الدنيا لحد ما لاقاه وجابلي 2 كيلو لكن سبحان الله اول ما اكلت اول واحده نفسي قفلت منه خاااااااالص وطبعا محمود هيعيط من الغيظ
بعدها بشويه كنت هاتجنن علي فسيخ وانا ممنوع اكله لان عندي قرحه معده وبردو جابتهولي حماتي واكلت حاجات بسيطه
وبعد شويه طلبت استاكوزا بردو وجاتلي ولكن اكلتها كلها وفي الشهر الرابع الجنين سقط
طبعا لولا العيبه كان جوزي شمت فيا لكن والله زعل كتير ودلوقتي كنت بتكلم معاه في موضوع الوحم قالي احملي انت بس وملكيش دعوه.
ادعولي يا بنات ربنا يعوض عليا ويرزقني الحمل عاجل غي اجل يارب انا وكل محرومه
يلا مستنيه تجاربكم الحلوه
رد مع الاستدلال
كتبت بواسطة شيمـاء
اللهم لك الحمد لجلال وجهك و عظيم سلطانك 
الروابط المفضلة