السلام عليكم ورحمة الله وبركاته

طولت عليكم الغيبة صح؟؟
بس الظروف عاد شو نعمل!!

المهم،، فروسة الله يحميه ولدته بتاريخ 20/7/2007
يعني هلأ عمره 4 أشهر واسبوعين الله يحفظلي اياه

حبيت افيدكم بتجربتي في تجربة كافة انواع الحليب والأغذية مع طفلي!!

اول ما ولدت حكولي الناس لازم تعطي ابنك حليب صناعي عشان حليب الأم مابكون كافي.. (بتعرفوا الناس كيف بكونوا يحبوا يحكوا ويتفلسفوا كانهم همه الوحيدين اللي مخلفين من قبل!!)
طبعا انا ماأعطيته صناعي الا على 3 اسابيع قلت أجرب على قد ما زنّوا علي اعطيه واعطيه .. والحمدلله قبل القنينة وصار يشرب من الحليب،، بس طبعا ضليت ارضعه طبيعي مني..
وبديت معه بحليب سيميلاك نيو شور.. بس شو ياحرام من وقت ماصرت اعطيه الحليب (رضعة واحدة باليوم) صار بطنه يمغصه ودايما يبكي ويصرخ ويصير معه امساك...
وانا ماعرفت من شو السبب!!

والناس لما عرفوا انه بعطيه صناعي انفجروا فيي.. ييييييييي ليش بتعطي ابنك حليب سيميلاك هذا بنفخ ومش منيح... (وبعدين معاكم...!!)
قلت طيب بغير الحليب.. جبتله حليب NAN..
بس للأسف نفس الشي ضل يصير معه.. مغص وبُكا وصراخ والله لايفرجيكم.. كنت اشتااااااااق للنوم والراحة بس 5 دقايق..

لما صار عمره شهرين قررت ما اعطيه صناعي بالمرة لانه الدكتور حكالي انه الجهاز الهضمي عند البيبي ما بكون مكتمل عشان هيك مابناسبه الا حليب الأم فقطططططط..
قلت طيب وماله.. برضعه مني مافي أي مشاكل..
ومن وقت ماوقفت الرضاعة الصناعية حبيب قلبي بطل يبكي وصرت انام الليل الطويل الحمدلله

لما صار حبيب قلبي 4 أشهر.. قلت هلأ أكيد الجهاز الهضمي اكتمل.. وقررت ارجع اعطيه صناعي على القليلة بريحني لما اكون طالعة.. بس الأفندي صار زلمة!! وصار يفهم!!
ولأني فطمته على القنينة لمدة شهرين بطل يرجع يقبلها!!
ولا بقبل يحطها بتمه!!
ولابقبل يمص منها..
ولما اعطيه ياها بالغصب يصير يطلعها من تمه ولا انه يشرب الحليب!!!
ويصير يطّلع فيي نظرات انه شو هذا اللي عم تغصبيني عليه!!
قلت بيني وبين حالي ااااااااااه شكله فروسة مش حابب الحليب الصناعي.. خلص بشفطله حليب مني وبحطه بالقنينة عشان مابدي افطمه من هلأ على القنينة!!!
رحت شفطت من صدري حليب واعطيته اياه بالقنينة.. وابداااااااااااا!!! ولا قابل يمص منها!!!

وقتها عرفت انه فروسة حبيبي خلص.. بطل يقبل القنينة وفطم حاله عنها
طبعا انا زعلت لأنه القنينة كتير بتريحني مرات
مع اني جربت انواع حلمات كتيرة بس على الفاضي..



طيب.. الحليب وسلمنا أمرنا اله..
هلأ صار جعبالي ابدأ اطعميه
بتعرفوا كيف حماس الأم انها تطعمي ابنها خصوصا اول بيبي!!
رحت على البيبي شوب وجبت صحون وملاعق واشياء كتير حلوة.. كلّي حماس
وبديت معه بسيريلاك القمح.. معلقتين صغار باليوم الواحد..
وبعدين صرت أنوع وأشّكل.. تفاح مهروس.. أجاص مهروس..
وحبيبي فروسة ياكل ومبسوط!!
ومن وقتها .. رجعنا لنفس القصة.. وجع ومغص وبُكا وعياط
يا الله وبعدين شو ماله الولد

من وقتها حسيت وعرفت انه البيبي بالفعل لازم أول 6 أشهر من عمره ماياكل اي شئ.. ولا يشرب أي نوع من انواع الحليب الصناعي الا الرضاعة الطبيعية من الأم..

وصدوني يا بنات من لما وقفت أطعميه (من قبل اسبوعين) الحمدلله ماشاء الله عنه كتير مريحني وبطل يبكي.. والمغص نسيه.. الحمدلله رب العالمين..

واليوم كان عنده تطعيم.. والدكتورة أكدت لي انه أول 6 أشهر من عمر البيبي لازم يقتصر أكله وشربه على الرضاعة الطبيعية من صدر الام فقط لا غير.. وحتى الماء.. لايحتاجه أبدا خلال هذه الفترة..


نصيحة مني أخواتي.. يعني جربت بابني كل التجارب وعملته حقل تجارب وبالنهاية برجع للحليب الطبيعي من صدري،، وريحت حالي من مشاكل المغص ووجع الراس!!

وان شاء الله تستفيدوا من تجربتي

وسلامي لكن

جزاكى الله خيرا الله يحميهولك من كل شر
وربنا يقدر كل ام ترضع اولادها طبيعى
مفيش زى صنع الله تعالى

انا معاكي ياكيرلي
واولادي بالفعل اول مادخلو ال4 شهور تحمست ورحت جبت السيريلاك والببرونات اللي بالملعقة وحماااااااااااس
بس رجع لهم المغص والبكا والوجع
بعدين وقفت وقررت انه ماحاعطيهم شي
بس لما دخلو ال5شهور دحين
صارو يرفضو الحليب ومابدهم ياه الا مرتين او 3 باليوم بس
والباقي رفض تاااااااااااااااااااام للحليب ولامني ولا من الرضاعة
بالأخير صرت اقول لازم اعمل لهم عصيرات فريش
قمت صرت اعمل لهم عصيرات تفاح فريش وجزر واهرس شوي موز كمان
وكمان عصيرات فراولة وطماطم او بندورة

والحمدلله عم يحبوه كتيييييييييييييييير ومبسوطين عليه
بعدين لما قلت للدكتور اللي قال لي الاطفال ماياخدوو الا الحليب اول 6شهور
قال لي بما انهم بيعملو هيك معناها هم محتاجين لأكل من نوع تاني غير الحليب
وجيبي لهم سيريلاك بالفواكه
وبالفعل جبت لهم سيريلاك بالفواكه وصرت اذوبه بعصير تفاح
والحمدلله رجع الهدوء لبيتنا ورجعو ينامو مزبوط

جزاك الله كل خير
وربنا يحفظلك ابنك يارب
شكرا

مشكووووووووورة يا كيرلي
وجزاك الله خيرا

جزاك الله خير يا كيرلى وربنا يباركلك فيه شكله عسوله خالص

بارك الله فيك
مشكورة

حبيبي الله يخليلك ياه فروسة
تعرفي اللي بسمع كلام هاد وهاد بتعب عنجد انا من الاول اختصرتها لما ولدت بنتي رحت على دكتورة اطفال وسألتها عن كل شي لاني ما كنت اعرف اشي بالاطفال وعلمتني وفعلا نفذت كلامها بالحرف الواحد وارتحت كتير لحد ما كبرت بنتي والحمدلله وكمان اتبعت نفس التعليمات مع بنتي التانية وهلأ مع ابني بس في شغلات ناسيتها
احلى شي النسوان لما كانوا يجوا يحكوا ويعطوا نصائحهم الثمينة "بنظرهم طبعا"كنت الاقيها عكس ما قالتلي الدكتورة فكنت اهز براسي وادخل من اذن واطلع من الاذن التانية
احسن شي اللي عملتيه وسلامة قلبه حبيبي من التطعيم ان شاء الله ما يكون صار عنده حرارة

جزاك الله الف خير
انا ابني مارضيت اعطيه شي بس اهله صارو يحنو اكليه بطاطا جزر تفاح لكن انا مارضيت صارو هم يعطوه وهو قي شهرو الثالث وانا اكون على اعصابي خايفه انه يصيبه مغص ولا الاكل مايناسبه لكن الحمدالله ماصار فيه اي شي واللحين ابني صار عمره ٩ شهور والاحظ انه يحب ياكل مو مثل اختي الصغيره كل شي ترفضه لاني امي ما اكلتها الا في السادس

هذا الكلام
انا سمعت به كثيرا و انا مقتنعة به أيضا ، لكن أبا ابنتى عمرها الان سنة و ثلاثة أشهر
وهى من عمر 4 شهور الطبيب المعالج لها نصحنى أن أبدأ فى اطعامها من الشهر الرابع بداية بالسريلاك و الزبادى.
الان هى تأكل كل شىء لكن هى بطبيعتها أكلها ضعيف.