السلام عليكم اخواتي انا لجات اليكم لاني عارفة قد ايه بتساعدوا بعض و تنصحوا بعض و بتخافوا على بعض عشان كدة محتاجة نصيحتكم و دعواتكم الموضوع اني متابعة عند دكتورة انا مرتاحلها جداااااااااا هو محدش جربها في عائلتي ولا اعرف حد ولد عندها بس انا مرتاحلها من طريقتها و تعاملها بس هي مصاريف ولادتها عالية شوية الحمدلله مفيش مشكلة قوي في الفلوس بس انا كنت بفكر ان البيبي اولى بالمصاريف ده المهم انا دلوقتي في اخر الشهر السابع خلاص كلها ايام و ادخل التامن ان شاء الله نسيت اقولكم ان الدكتورة ده انا كنت متابعة معاها اول حمل ليا بس الحمل مكملش و عملت عملية تنظيف عندها و كنت في الشهر التالت و الحمدلله ربنا اكرمني و حملت الشهر اللى بعد العملية على طول و الحمل ماشي الحمدلله و كويس مع ان ناس كتير قالولي غيرى الدكتورة طالما حصلك كدة بس انا استمريت معاها و قلتلهم هي ملهاش ذنب و ده شئ كاتبة ربنا و فضلت معاها المهم انا دلوقتي محتارة بسبب الفلوس هل اوفر و اروح من اول الشهر التامن اتابع عند دكتورة تانية بيقولولي عليها و هي ارخص و الا استمر مع دكتورتي و مش مهم الفلوس انا محتارة و بفكر في الموضوع ده كتير فياريت لو كل حد يدخل يقوللي راية و نصيحتة و لو حد عمل كدة يقوللي بردة عشان استفيد منكم و ياريت تدعولي يتم حملي على خير و افرح ببنوتي اللى هسميها هنا ان شاء الله اسفة طولت عليكم بس استحملوني و جزاكم الله خير و بارك لكم في احلى منتدى

والله يا حبيبتي أنا رأيي إنه الولادة وحدة وكلها تيسير من رب العالمين ، يعني كله رح يكون متوكل عليكي انتي وما على الدكتورة إلا الخياطة تقريبا ومراقبة الوضع ، على قول دكتوري لمن قلتله نفس كلامك قام قلي إنه هو دكتور نساء وولادة وزوجته نفس الشي وكانت في كندا وجتها وقت الولادة قام وداها أحسن مستشفى هناك عند أحسن دكتور وتعسرت ولادتها شوي ، فقال لي كله من الله وماله شغل الطبيب أبدا ، هذا وهمة الإثنين دكاترة ، فأنا رأيي توكلي على الله يا حبيبتي ولا تضيعي فلوسك بس طبعا روحي لدكتورة معروف عنها إنها كويسة.

وإن شاء الله ربي يجمعك مع بنوتتك على خير يااااااااااااااااارب وتجيكي بصحة وسلامة يا حبيبتي انتي وتكون ولادتك ميسرة إن شاء الله

كلام ام عصام صحيح
وفري فلوسك للطفل اللي جاي والولادة تيسير من رب العالمين ان كنتي عند دكتورة شاطرة وغالية او دكتورة غير شاطرة
هذا كله يعتمد عليكي في الولادة وعلى الله سبحانه تعالى

انا رأيى ان طالما انتى مرتاحلها ومطمنه معاها يبقى مش مشكله الفلوس ضحى فى سبيل انك تكونى مطمنه
وممكن تروحى لوحده ارخص وتحصل مشكله لا قدر الله وتدفعى اضعاف اضغاف
انا كنت متابعه فى حملى مع استشارى وكان كشفه غالى وسوناره اغلى ولما جيت اولد كان ممكن اروح مستشفى تانيه ارخص بس قلت خلينى مع اللى عارفاه لسه حجرب فى نفسى وفى بنتى
المشكله مش بتكون فى الخياطه بس انا كان المفروض اولد طبيعى وعلى اخر لحظه بعد 8 ساعات طلق وتعب منفعش ولولا ان الدكتور شاطر كان ممكن حصل للبنت حاجه لا قدر الله بس الحمدلله على كل حال انتى متجازفيش وتجربى فى نفسك وفى بنتك الفلوس بتتعوض
نسيت اقولك كمان لما ولدنى قيصرى ما شاء الله عليه ممتاز ونضافه واهتمام كانى بنته

شكرا ليكي يا ام عصام على ردك على موضوعي و فعلا كلامك صح ان كله من ربنا و ربنا هو اللي بييسرها

كتبت بواسطة ملاك لبنان

كلام ام عصام صحيح
وفري فلوسك للطفل اللي جاي والولادة تيسير من رب العالمين ان كنتي عند دكتورة شاطرة وغالية او دكتورة غير شاطرة
هذا كله يعتمد عليكي في الولادة وعلى الله سبحانه تعالى

شكرا يا ملاك ليكي و جزاك الله خير و يارب يكملك على خير ان شاء الله

و أنا رأيي أخية من رأي أم عصام إلا أني أضيف بأن عليك الإستخارة
لأنه هذه الطبيبة متابعة تاريخ حملك الأول و الآن الثاني فصعب تغيريها لدكتورة أخرى إلا إذا تأكدتي مليون بالمية إنها أحسن
و الله تعالى أعلى و أعلم
ربي يكتب لك الخير

الصراحة ان عكس البنات (مع احترامي لهم ) بس ما دامك انت متواصلة مع الدكتورة تبعتك خلص والفلوس تروح وتجي بس اهم شي سلامتك وسلامة البيبي وانك تقولي صار عندج اجهاض وباقيتي مستمرة عليها خلص كملي مشوارك ولا تهمك الفلوس وان شاء الله يكون بعونك

كتبت بواسطة yehia2007

انا رأيى ان طالما انتى مرتاحلها ومطمنه معاها يبقى مش مشكله الفلوس ضحى فى سبيل انك تكونى مطمنه
وممكن تروحى لوحده ارخص وتحصل مشكله لا قدر الله وتدفعى اضعاف اضغاف
انا كنت متابعه فى حملى مع استشارى وكان كشفه غالى وسوناره اغلى ولما جيت اولد كان ممكن اروح مستشفى تانيه ارخص بس قلت خلينى مع اللى عارفاه لسه حجرب فى نفسى وفى بنتى
المشكله مش بتكون فى الخياطه بس انا كان المفروض اولد طبيعى وعلى اخر لحظه بعد 8 ساعات طلق وتعب منفعش ولولا ان الدكتور شاطر كان ممكن حصل للبنت حاجه لا قدر الله بس الحمدلله على كل حال انتى متجازفيش وتجربى فى نفسك وفى بنتك الفلوس بتتعوض
نسيت اقولك كمان لما ولدنى قيصرى ما شاء الله عليه ممتاز ونضافه واهتمام كانى بنته

شكرا ليكي و فعلا هو ده اللي بفكر فيه انى خايفة اجازف عشان الفلوس و يمكن كمان بفكر في المستشفى لو رخيصة ممكن متكنش فيها كل التجهيزات

كتبت بواسطة ..تائهة..

و أنا رأيي أخية من رأي أم عصام إلا أني أضيف بأن عليك الإستخارة
لأنه هذه الطبيبة متابعة تاريخ حملك الأول و الآن الثاني فصعب تغيريها لدكتورة أخرى إلا إذا تأكدتي مليون بالمية إنها أحسن
و الله تعالى أعلى و أعلم
ربي يكتب لك الخير

شكرا ليكي تائهة و فعلا انا هستخير ربنا و كمان انا مش متاكدة من الدكتورة التانية مليون في المية

كتبت بواسطة مشتاقة لبغداد

الصراحة ان عكس البنات (مع احترامي لهم ) بس ما دامك انت متواصلة مع الدكتورة تبعتك خلص والفلوس تروح وتجي بس اهم شي سلامتك وسلامة البيبي وانك تقولي صار عندج اجهاض وباقيتي مستمرة عليها خلص كملي مشوارك ولا تهمك الفلوس وان شاء الله يكون بعونك

جزاك الله خير مشتاقة لبغداد و ده اللى بفكر فيه سلامة البيبي