يا بنات .. شلونكم لكم وحشة كبيره ..
انا مو دايما ادخل بسبب عدم توفر خدمة النت بالبيت ماعندي غير الدوام .. ودايما ضغط وشغل ..
يا بنات ..
انا الحين بالاسبوع 26 ..
يقول دكتوري اني دخلت السابع من يوم 24 / 11 / 2007
مادري متى بالضبط يكون انسب موعد ولادة زوجي يبي يقدم على اجازة مو عارف متى محتار.

وبالنسبة لدكتوري.. متعبني نفسيا .. مع اني اروح مستشفى خاص وأدفع فلوس
واحس انه مايقوللي شي يريحني
المفروض اهو اللي يخبرني كم وزن الجنين على اساس السونار..
المفروض يقوللي بنت او ولد ..
يطمني على وضع السائل المحيط بالجنين..
كل هذاااااااااااااااااااا مايقوله لازم انا اللي أسال..
لما احس انه خلاص بيخلص من الكشف ابلش اسأله
قولولي شنو الأشياء المفروض اعرفها بزيارتي للدكتور ؟؟؟؟
انا اراجع في مستشفى السلام بالكويت .. لو في وحده بالكويت ممكن تنصحني بدكتور شاطر بالسلام ياليت ..

انا موعدي 4/ 12/2007 تدرون والله ليلحين ما أشتريت ولاشي للبيبي مادري بنت او ولد ..
وخايفه ما يسعفني الوقت .. بالذات اني حاليا واليوم بالذات انتقل إلى بيت جديد ..

نفسيتي صفـــــــــــــــــــــــــــــــــــــــــــــــر
حاسه ولاشي صح معاي..

اختكم جوتشيا

حبيبتي انا طبيبي ايضا مثل حالتك وما يحكي لي اي شي الا اذا سألته واسحب الكلام منه سحب.. ولكن لا داعي للتوتر ومبروك عليك البيت الجديد واحسن انك ما جهزتي شي للبيبي أول شي اعرفي جنسه وممكن تسألي طبيبك وبعدها تبدي تختاري الألوان المناسبة واسأليه عن موعد ولادتك واللي هي ان شاء الله حتكون يوم (23/2/2008)، أو ممكن تعتبري انه بمجرد دخولك الشهر التاسع (24/1/2008) لازم تكوني متحضرة انتي وزوجك بأي وقت تحصل الولادة ومو شرط تكملي شهرك بالتمام والكمال وايضا احتمال تكملي التاسع كله وتجيبين بعده.. لأنك دخلتي السابع (24/11/2007) ان شاء الله حتى زوجك يقدر ياخذ اجازة.. والحين عدنا بالامارات كل محلات ملابس الاطفال عاملة تخفيضات واعتقد نفس الشي عدكم وتقدري تستغليها فرصة حتى تشتري كل المستلزمات ويا رب تفيدك اي واحدة من بنات المنتدى بالكويت وتدلك على طبيب ثاني ممكن يريحك ويتابعك احسن من طبيبك وضروري انك تحددي بأي مستشفى تولدين ومن الأفضل اذا كان الطبيب اللي يتابعك هو نفسه يولدك..
أرجو ان ما اكون طولت عليك ولكن يا حبيبتي لا تخلي اشياء بسيطة توترك لخاطر البيبي ويا رب تقومين بالسلامة وما تنسينا من حلو الدعاء..

هيك الدكاترة...تسحبي الكلام من ثمهم سحب
أخيتي إنت دايما بادري بالأسئلة اللي بدك ياها
ربي يسهل لك أمورك و ترحلي على البيت الجديد بسلااااام و ما تتعبي نفسك أبدا أبدا

اختي العزيزة لازم تعرفين ان الدكتور يشوف العشرات مثل حالتك وطفشااااااااان من تكرر الاسئلة والدكتور ما يتكلم كثير طالما كل شي طبيعي ومطمن ويا بنت الحلال ولد ولا بنت اهم شي هون الطلق وحسن الخلق والله يكتب لك اللي فيه الخير.. واذا على ملابس البيبي اشتري ملابس بيضاء ولافات لونها اصفر وبعدين ولادتك بفصل الربيع والجو بيكون حلو ان شاء الله ابتسمي

حبيباتي .. مشكورين على مشاركتكم لي ..
كلامكم هون علي شوي ..
اختي مهندسة عراقيــــــــــــــــــه .. انتي حسستيني انك معاي والله ..
كلامك يهدي البال ..
بس ماقلتيلي شنو الأمور الضرورية اللى لازم أسألها للدكتور عشان اتطمن على البيبي في الزياره القادمة ..

وانشاءالله بعد 15 يوم راح ابلش اشتري اغراض البيبي بس اخلص ترتيبات البيت ,,
والحمدلله .. محد مقصر معاي سوا اهل زوجي أو اهلي.. حتى اخواني الصغار اللي عمرهم 16 و 17
كل شوي يكلموني عشان اول ما أروح بيتي الجديد اييوني يرتبون معاي..


هذي ابتسامتي اختي نون مون ...

والله ماقصرتوا

الله يهون عليكي
انا كمان متابعة بمستشفى السلام بس عند دكتورة دعاء وهي ممتازة وشاطرة
وعموما هي وكل الاطباء بيحكو الشيء الضروري واذا انتي بدك تعرفي اي شي زيادة بتسألي وهم بيردو عشان هيك لا تقلقي ابدا وكل اللي بخاطرك اسألي عنه

وبالنسبة للبيت الجديد الف مبروك ربي يجعله قدم خير وسعادة

وبالنسبة للتجهيزات ابدأي من هلا لان في محلات كتيرة عاملة تخفيضات بس احسبي بالاول انتي بأي شهر حتولدي عشان تعرفي نوعية الملابس اللي تشتريها
وثانيا بعد ما تتأكدي من جنس الجنين

وربي يسهلك ولا تزعلي حالك ابدا واي شيء احنا حاضرين

مرحبا حبيبتي
اول شي الله يعطيج العافية ويتمم لج على خير
ثانيا ماشي طبيب يتكلم الا لين تسأليه وزي ماتفضلت واحده من الخوات وقالت من كثر ماتتكرر الاسئلة والمعاينات يطفش
ترى حتى انا كنت اذا ماسألت مايردون بس مااطلع الا وانا عارفه كل شي
صح ان ودهم يأكلوني من كثر اسئلتى بس غصب عنهم بيردون خاصة وان زايد كان اول حمل وماكنت افتهم أي شي ههههههههه
والاهم من كل هذا ماتتوترين او تقلقين لانه والله يأثر وايد عالبيبي وانتى ماتريدين أي شر لطفلك فخليكي مرتاحة ومستانسه ولا في أي شر ان شاءالله وكل شي بيكون اوكي
ولسه قدامك وقت وزي ماتفضلت مهندسة عراقيه اول شي سوي سونار واعرفي جنس البيبي وروحي جهزي اغراضه واستمتعي وانتى تجهزين له وعيشي الجو الحلو
ترى يوم ماتدخلين محلات الطفال بترتاحين كثير فخليها تجربة حلوه تذكرينها العمر كله ولا تكدرين عمرك وتأذينها وتأذي البيبي وياج

اختي ملاك وانجل..
مشكورين ما قصرتوا ..

بس تدرون شنو المشكله .. اني كل شهر اعمل سونار والدكتور يقوللي مو مبين
وضعية البيبي ماتسمحلي اعرف
الله وأعلم احسه مو شاطر بالسونار

عموما انا شكلي راح اشتري ألوان محايده ابيض بيج أصفر برتقالي
يعني هالألوان

فكرتك كويسة انك تشتري الوان محايدة لان الطفل مش لازم يلبس لون معين يعني حلو ان يلبس الوان طفولية وحلوة

وبالنسبة للسونار اذا انتي مو واثقة بالطبيب اللي عندك انصحك تروحي عيادة الدكتور حميد الطالب ممتاااااااااااااااااااااااااااااااااز ومتخصص بالسونار واكيد رح يفيدك

انا كنت عند دكتور جمال الشرعان بالسلام واهو زين وعادي كنت اطفشه بالاسأله وهو يجاوبني وعلى طاري تحديد الجنس قوليله اول ما اتشوفين الدكتور أنك تبين اتعرفين نوع الجنس الجنين واذا قالك ما يبين فيه تحت قسم السونار رباعي اعتقد 40 او 30 دينار يقدر يشوف نوعيه الجنين وبعد شكله اذا تبين