السلام عليكم ورحمة الله وبركاته
كيفكم يا بنات حبيت أخبركم شو صار معي القصة وما فيها إني نهار الجمعة إجاني وجع راس قوي جدا جدا و بعدها صار عندي إستفراغ وأي شي أكله آراجعه ما تتخيله العذاب الي كنت في خصوصي أول مرة بحياتي يصير معي هيك غير قلة النوم وهيدا أثر على عيوني وتعبو كتير وصار أسود حوليهم المهم إتصلنا نهار السبت بالمستشفى قالو ما دام ما في حرارة ما في داعي تيجي وخليها تشرب مي وعصاير كتييير وتاكل فواكه كتير عملت متل ما قالولي ما لقيت نتيجة حتى المي إذا شربتها أجلكم أراجعها على طول الحمدلله نهار الأثنين كان عندي موعد مع الحكيمة ولما شافت حالتي بالويل اتصلت دغري بالمستشفى وقالولها تيجي بأسرع وقت حملنا حالنا ورحنا المستشفى عملو تخطيط لقلب البيبي الحمدلله كل شي تمام وبعدين إجت الدكتورة عملت إلتراساوند كرمال تشوف نسبة المي كمان كل شي تمام و بسرعة حولني لقسم غير قسم الحوامل حتى ما أعديهم إذا كان معي شي لا سمح الله وأخدو مني عينات دم و حـطولي مصل وأخدت تحميلة لوجع الراس الحمدلله ارتحت بس اليوم الصبح رجعت استفرغت وإجا الدكتور وقال إذا رجعت إستفرغت بتضل كمان اليوم بس الحمدلله ما عدت استفرغت و كنت مرتاحة و بالأخير حتى ما طول عليكم كتير طلع معي إنفلونزا نازلة على معدتي المهم البيبي ما بها شي أنا إتحرق بغاز ما عليه المهم البيبي الحمدلله وهلق صرلي 5 ساعات جاي من المستشفى بس شو رقبتي بتوجعني من نومة المستشفى وإضطريت آكل أكل مش حلال سامحني يا ربي طولت كتيييير عليكم سامحوني

الف سلامة عليكي وربنا يشفيكي يارب ويعافيك ان شاء الله
ربنا يقومك انتي وبنوتك بالسلامة يارب ان شاء الله

الف سلامه عليك

اللهم اشفها و عافها يارب

الف سلامة عليكي يا باربي
ربي يفومك بالسلامة انتي والبيبي

الف حمد الله على السلامة ماتشوفين شر
بس ما فهمت معنى اضطريت اكل اكل مش حلال يعني شو اكلتي
عفوا على اللقافة

الف الف الف سلامة عليكي وان شاء الله ما على قلبك ولا قلب البنوتة شر
والله يقومك بالسلامة يااااااااااااااااااااااااااااارب

الف سلامة عليكى وعلى البيبى

الف لاباس عليك غاليتي

وليه انت تتحرقي بقاز ده انت كمان روح

ربنا يحميك ويحفظ لك اللي في بطنك

اسمعي روحي اعملي شاي احمر واعصري عليه ليمونة واشربيه حتى ان كان فيه اي جرثومة تنقتل الليمون معقم جيد للمعدة .

لا يا حبيبتي ما تشوفي الا السلامة ولا تدعي على نفسك وتقولي (اتحرق بكاز) حبيبتي بنتك ما تسوى شي بدونك ويا رب يسلمكم ويجعل ولادتك سهلة ويرزقك بطفلتك وهي بأتم صحة وعافية ونصيحة الك اكثري من شرب عصير الليمون والبرتقال الفريش فهو يقضي على الانفلونزا وأنا شخصيا حتى قبل الحمل كانت ماما تعمل لنا مثل هذه العصاير والله حتى ادوية لا نحتاج ويا رب تطمنينا عليك وما تدخلي المستشفى الا لما تجيبي بنوتك بالسلامة...