السلام عليكم جميعا
كيفكم وشو اخباركم
اشتقتلكم كتير كتير كتير وصدقوني ما صدقت ايمتى اداوم عشان افضفضلكم وكالعادة اسمع منكم احلى الدعوات
غالياتي انا تعبانة كتيييييييييير والوحم مو مخليني استمتع ولا بلحظة من حملي
والمشكلة اني مش عمبقدر اتغاضى عن الموضوع واحاول انسى لان الشيء خارج عن ارادتي
انا عمبدوخ كتير ونفسي بترفض اي نوع من الاكل ولا بقدر حتى افكر لمجرد التفكير بالاكل اتصورو حتى لو كنت بتابع بالتلفزيون ومرقت دعاية عن الاكل بحاول ما اتطلع عشان ما تقلب نفسي
وبسبب انعدام اكلي بالمرة صار معي نقص بالتغذية وصار معي هبووط شديد لدرجة اني كنت نايمة الثلاث ايام اللي مرقت بالبيت بالفرشة وما اتحركت ولا قدر اعمل شي وحتى لما غصبت نفسي عالاكل كنت استفرغه مباشرة
والله اني تعبت ومش عارفة شو اعمل
والمشكلة ان موعدي عند الدكتورة السبت القادم يوم 17/11/2007 وما بيصير اروح لها قبل الموعد واتصلت عليها وما بترد
وانا من شدة تعبي رحت الصيدلية وقلت له بدي دوا للوحام وانا حامل بالشهر الثاني
قام عطاني دوا واخدت منه حبتين حسب ما وصفلي وانا كنت بتسلى وبقرأ بالروشتة المرفقة مع الدوا وعرفت انه لا يصح للحامل الا بحالة الضرورة القصوى واتصلت على كذا صيدلية وقالولي لا تاخديه ابدا غير آمن عالحمل وطبعا جنيت
المهم اوقفته وحاليا عمباخد دوا تاني كانت الدكتورة وصفتلي اياه باول زيارة عندها وقالتلي استعمليها بحالة صار عندك غثيان بس انا وقفته لانه فيه منوم وانا بشتغل وكنت اعاني منه بزيادة
المهم طولت عليكم ووجعتلكم راسكم
بس بجد محتاجة منكم نصايح مين عانت من الوحام وعرفت كيف تسيطر عليه وشو استخدمت تقولي ارجوكم وادعولي ربي يهون علي
رد مع الاستدلال
الروابط المفضلة