السلام عليكم ورحمة الله وبركاته ...

اخواتي الحبيبات ... واخصكم نونة المجنونة لانو تجربتها نفس تجربتي حابي اسألك نونة انا عندي تكيس في المبايض شديد وما عمبتجاوب مع اي علاج ابدا لا ابر ولا كلوميد ولا اي شي ابدا ابدا امبارح كنت عند الدكتورة وسألتها عن عملية تثقيب المبيض قالتلي انها مش مضمونة 30% بيحملوا بعدها و 70% لا وقلتلها طيب شو الحل ؟؟؟ قالتلي منعملك اطفال انابيب انا ما بعرف شو اعمل ولا كيف اتصرف كيف اخد القرار اشرحيلي نونة عن اطفال الانابيب وهل هي بتنجح من اول مرة او مش شرط ؟؟؟ وهي بتوجع كتير ؟؟؟ بعرف اني طولت عليك بس والله محتاجتلك وادعيلي نونة حبيبتي والله يخليلك سلطان وراكان ياااااااااارب

ليش ما حدا رد علي ...
على الأقل ادعولي بالتوفيق يا بنات وانو الله يرزقني الذرية الصالحة مش اكتر ويا نونة انا عاذريتك لانو اكيد اولادك مش مخلينك تتحركي بس ياريت اتردي علي باسرع وقت ... ورح احاول ابعتلك على الخاص

الله يشافيج يارب وتحملين طبيبعي يارب
اللهم امين الله يرزقنا ويرزقج في القريب العاجل

تسلمي حبيبتي لولو على هالدعاء الحلو .. والله يعطيك الي بدك ياه ياااااارب

الله يرزقك بالذرية الصالحة عاجلا غير اجلا ان شاء الله
وللاسف انا ما عندي اي فكرة ممكن افيدك فيها بس ان شاء الله الاخت نونة تفيدك

شكرا الك حبيبتي ملاك وهاي فرصة الي اهنيك على حملك والله اني افرحتلك من كل قلبي والله يتمملك على خير رجاء ملاك ادعيلي الله يرزقني بالحمل عاجلا غير اجل والله اني بحب الاطفال والتكيس عندي كتير قوي الله يستر

متعك الله تعالى بالسلامة حبيبتي ورزقك بالخلف الصالح عاجلا غير اجلا آميين يارب العالمين والله يوفقج

ربي يعوض صبرج خير يارب ويرزقج الذريه الصالحه
وان شاءالله اللي مر بهالتجربه يفيدج اكثر والسمووووووحه

شوفي ياقلبي
انا زيك و قالولي كتير دكاترة انه عملية تثقيب المبيض مو مضمونة زي ماقلتي برضو

وكان كل طموحي اني احمل وماعاد عندي استعداد للعلاجات و قال لي الدكتور انه نعمل لك طفل انابيب من نوع تلقيح مجهري لانه بيناسب حالتي

والحمدلله من اول مرة نجحت وطريقتها كتير سهلة لا تشيلي هم

وتوكلي على الله وانا حاكتب لك كيف الطريقة بس بكرة لانه راكان اليوم كتير معذبني مع الطهور لاني طهرته

عقبال ماتحملي وتفرحي ونفرح فيكي و تطهريهم كمان يارب

حبيبة قلبي يا نونة والله ناطريتك على احر من الجمر وكمان بدي اسألك عن الدوا تبع زين الاتات انا جبت واحد بس ما بعرف ازا نفسو ولا لا وهوي عبارة عن عشبة القريص مع الالوفيرا سائل اخضر وطعمو فظيع يا ريت اتخبريني ازا هوي ولا لا لاني مستمرة عليه .... وكمان ادي كلفتك العملية تقريبا ووين سويتيها معلش انا تقلت عليك بس والله محتاجيتك والله يبارك بولادك ويخليهم الك ....