الف مبروك يا عصفورة
وان شاء الله تجيبي كتاكيت حلوين زيك
اسمعى كلام الاخوات .. كلامهم مظبوط جدااااااااااااا
بس اهم حاجة تضغطى على نفسك فى موضوع الأكل لأن كل حاجة بتكليها دلوقتى بتبنى الجنين اللى انتى مسئولة عنه دلوقتى ( يعنى ماينفعش دلع )
- اهم حاجة البيض انا كان الدكتور بتاعى مأكد عليا كل يوم 2 بيضه ( حتى لو مابتحبوش زى مقالت اخت هنا كأنك بتخدى دوا ) ممكن مسلوق أو مقلى أو عجة ............... خدى بالك لأن البيض مهم جدا لنمو مخ الطفل ومتخافيش من انفلونزا الطيور انا كنت باكله فى عز أزمة الانفلونزا والحمد لله مجراش حاجة وكمان الدكتور طمنى من الناحية دى
- ممكن تاكلى زبادى تغيرى بيه عن اللبن يعنى يوم لبن ويوم زبادى والاحسن الاتنين كل يوم ده مفيد جدا
- اكدى على الدكتور على موضوع الفيتامينات زى مقالت الاخت مهندسة عراقية الفوليك اسيد مهم جدا وكمان مجموعة فيتامينات وكمان كالسيوم ( وده كمان مهم جدا ) انا بقولك عن خبرة لأنى ماخدتيش الكالسيوم فى الحمل وبنتى اتأخرت فى الاسنان والمشى لبعد السنه بسبب نقص الكالسيوم
- حاولى على قد ماتقدرى تبعدى عن الاكل الحار أو المشطط وبلاش الاكل اللى بيتخن على الفاضى
انا طولت عليكي بس انا حبيت اساعدك على قد ماقدر
ويارب تقومى بالسلامة انتى والنونو .... ولو عايزة اى حاجة تانية انا موجودة
الروابط المفضلة