انا معاكم إن القلق والتوتر يؤخر الحمل
لكن
هل تستطيع أى واحده فينا حملها إتأخر تمنع التوتر والقلق ده
ولا أنا كلامى فيه حاجه غلط
صحيح الواحده فينا بتقعد تقول لنفسها أنا عايزه أمنع القلق ده
وتحول كل واحده منا إنها تشغل نفسها فى أى حاجه تانيه
لكن لما مثلا تكون متابعه مع دكتور
مش إللى بيحصل إنها بتقعد تحسب للدوره ويا ترى هتيجى ولا لأ

طبعا هتقولوا لى إن ده إللى بيحصل لأن ده فعلا هو اللى بيحصل

إنتوا عارفين أنا ساعات بعمل إيه
ساعات ما بحاولشى أنى أعرف الدوره جاءت لى إمتى ولا أحاول أحسب هى نزلت كم يوم
علشان ماأحسبشى هى هتيجى إمتى وماقعدشى أنتظرها لكن لو إنتى متابعه مع دكتور إيه إللى هيحصل طبعا غصب عنك هتعرفى الميعاد



ويقولوا لكى فى الأخر لا تتوترى
لأن ده غلط طيب بالله عليكم كيف لا أتوتر مع كل هذا الضغط
يا ترى يا أخواتى اللواتى تأخر حملهم هل عندكم حل لهذه المشكله ولا إنتوا مثلى أي

اختي ما تقوليه صح
لكن اقولك الصراحة انا كنت كدة كلي توتر و اكتئاب شديد و كل ما تيجي الدورة احس باكتئااااااااااب شديد و اكتب موضوع جديد اشكي فيه مع اخواتي لك
لكن بالفعل لما بتوتر بقلق بتيجي قبل معادها
انا الان تركت التفكير فيها خالص خااااااااااااااااااالص
مدام زوجي مش بيقولي اي حاجة على تأخر الحمل
الحمد لله لما ربي يكتب لابني ا بنتي يتولدو حيرزقني الحمل
بالفعل اتابع مع الدكتورة
لكن انا باخد العلاج و مبتشوفنيش غير لما بتنزل الدورة
مبعملش متابعة للتبويض
عشان ده بيسبب توتر كثير
بخليها على ربنا
لما بيجي ايام الاباضة بحسب لها اسبوع بخلي الجماع يوم اه و يوم لا
و ربي يرزقنا جميعا الذرية الصالحة

والله كلامك مزبوط ...بس احيانا ممكن الواحد يشغل حاله بأي شي تاني
يقلل تفكيره بموضوع الحمل...بس كلامك صح مش بالايد ...

شكرا لموضوعك وطبعا معاكى حق لكن صدقينى لو حاولتى تستعينى بالله يبعد عنك القلق ونسيتى بجد موضوع الحمل ده لفترة ولو قصيره صدقينى عن تجربه لو ربنا رايد هيحصل لوحده
لكن التوتر هيفضل ياكل فيكى ويتعبك وفى الاخر هو اللى هيخلى صبرك ينفذ وتقولى خلاص زهقت ومش قادرة اكمل.
ربنا معاكم جميعا وتشوفوا الفرحه عن قريب

الا بذكر الله تطمئن القلوب

اشغلي نفسك بصلة الرحم

بتحفيظ القران

بدروس العلم

بشغل البيت

حتلاقي مفيش وقت اصلا عشان تتورتي او تقلقي او تفكري

لله يوفقك حبيبتي

انا معاكم فى كلامكم لكن صراحه ساعات لما الدوره بتنزل عليا ساعات بعيط وببقى زعلانه اوى يالله ربنا المستعان وبه نستعين
تعرفوا ان أنا نزلت إشتغلت علشان ألغى تفكيرى فى الموضوع ده شويه أهو ساعات الموضوع ده بينفع وساعات لا ولا انتوا مش معايا
يا رب يرزقنا اميييييييييييييييييييييييييييييين يا رب العالمين وشكرا على مشاركتكم ليا جميعا

الدورة دى ما هى الا ضيف شرف عليكى كل شهر استحميليها لغايه متستاذن منك 9 شهور ومتجيش باذن الله الا بعد الحمل والولاده وده كله باوان

بالفعل انا لما كنت بشغل مدرسة كنت مليش وقت لتفكير في الموضوع ده
و اول مجت الاجازة خلص تعبت
و مرت 3 شهور اجازة زي 3 سنين

يارب يرزقكم يارب والله انا حاسة فيكم كتييييييييييييييير لان بالظبط قبل شهر كنت بعاني من هالموضوع لاني كملت سنة و3 اشهر وما حصل حمل وطبعا توتر وقلق وزعل استغفر الله العظيم بس دايما خلي ببالك فكرة ان ما انسى الحمل بالعكس اتذكره واتذكر انه علشان يجي لازم اعمل حاجات كتير مثل الاستغفار والطاعة وتأدية الواجبات تجاه ربنا وبعد كده اتابع التبويض والامور اللي بتساعد على الحمل وانسى ميعادها واشغل نفسي مع ذلك اضل متذكرة موعدها واترقبها لاني بشتغل واخاف تنزل وانا برة البيت وكل شهر بتنزل بقول الحمدلله على كل حال قسمتي مش الشهر ده لحد ما ربنا كتب ان يرزقني هالشهر وربي يتمملي على خير ويفرحكم جميعا يااااااااااااااارب

انا حملت بعد 7 شهور من الجواز و الحمد لله متأخرتش كتير
بس فى ال 7 شهور كنت بتابع زى ما بتقولى
و زوجى يقولى سيبيها ما تحسبيش
انتى خدى بالاسباب و كترى الاستغفار
قبل اما احمل استغفرت حوالى شهرين او تلاتة
كل يوم كل يوم فحاولى تدعى و اشغلى نفسك باى حاجة
حتى كانت تتاخر عن ميعادها كل شهر اسبوع 10 ايام
و اقول حامل و اروح احلل دم طبعا و قبل ما النتيجة تطلع تكون مشرفة
يا رب تحملوا كلكم يا رب يا رررررررررررررب
و انسوا الموضوع شوية انا عارفة انه صعب بس حاولوا يا رب يكرمكم كلكم