بسم الله الرحمن الرحيم
اخواتي العزيزات كل عام وانتم بخير وعيد سعيد
تكفون ابغا اجابه شافيه لاسالتي لاني ماحصلت احد يجاوبني وذبحتني الوساوس
المهم... الدكتوره عطتني كلوميد 50 غرام مدة سته اشهر عشان حصلت عندي تكيس بسيط جدا تقولي انه عادي في حريم عندهم اكثر مني مع العلم انه عندي ولد بس صار عندي تاخر في الحمل سنتين بدون موانع وسوتلي فحوصات البروجستين تقول انه ممتاز وفوق الطبيعي وكل الفحوصات تمام واشعة الصبغة طلع مافيني شي والدوره منتظمه تتقدم يومين تقريبا بس سؤالي الله يخليكم الدكتوره وسوستني تقولي انه مافي شي فيني وهذا من الله وعطتني الكلوميد بدون ابر تفجيريه ولا متابعه تقولي خمسين قرام مايحتاج متابعه مجرد تنشيط وللتكيس هل هذا الكلام صحيح انا خلصت المده حقت الكلوميد ستة اشهر والحين ماصار حمل مع العلم من يوم استخدمت الكلوميد الدوره تجيني بس يومين او ثلاث وتنقطع ...
تكفون مين جربت الكلوميد 50 غرام ؟
ومين صار عندها تكيس بسيط بعد الحمل الاول انا ماعندي تكيس من اول ماجا الا الحين ؟؟؟؟؟؟؟
هل ما يكون عندي شي ويكون السبب من زوجي كيف اعرف صحة وسلامة الحيوانات المنويه عند زوجي لاني اشك في هذا الموضوع ........
وشكرا
جاوبوني وادعيلكم الليله ليلة تسعه وعشرين ..

حبيبتي انا يوم سويت فحص بالسونار قبل ما احمل طلع عندي تكيس وتعالجت وخذت كلوفاج
وثاني يوم الدوره عطتني كلوميد ومع المتابعه وخذت ابره تفجيريه وحملت والحمدلله
بس الغريبه من دكتورتج انها تعطيج كلوميد لمده 6 اشهر من غير متاااااااااابعه !!!!!!!!!!
لازم يكون في متابعه بعد ماتاخذين الكلوميد بفتره عشان تتأكد من البويضات هل حجمهم نفس ماهم ولا كبروا
لانه لما يكبرون ويوصل للحجم المطلوب يكونون جاهزين للتلقيح

وبالنسبه للتكيس سواء قبل الحمل اول بعد الحمل شيء عادي ويصير عند كل الحريم ولاتخافين مع العلاج يروح
بس انا المستغربه من انها عطتج الكلوميد 6 اشهر من غير متابعه

وثانيا بالنسبه لزوجج لازم كان يحلل لما سويتي جميع الفحوصات وطلعت سليمه و قبل ما تبدأين اي علاج ويقدر يروح للعياده ويطلب منهم فحص الحيوانات المنويه ويعلمونه الطريقه ويسويها نفس اليوم ويستلم النتيجه بعد ذلك وتتأكدون من النتيجه

انا نصيحتي راجعي الدكتوره وتأكدي من الموضوع وان شاءالله مابيصير الاكل خير

وان شاءالله البنات بيفيدونج ويارب اكون افتدتج

انا اول مره اسمع علاج التكيس الكلوميد
انا خابره في علاجات خاصه بالتكيس
والكلوميد انا اخذته 4 شهور ولازم متابعد وابر تفجير عشان مايصير تهيج بالمبايض
وبما انه تحاليلج سليمه وتبويضج زوين ليش الكلوميد الكلوميد لضعف التبويض

انا من راي شوفي طبيب ثاني افضل

سلامتك والله يريح بالك ويرزقك بالحمل في القريب العاجل

انا كمان مع كلام الاخت لولو راجعي دكتور تاني
وربنا يرزقك الدرية الصالحة ان شاء الله

اختى انا كنت مثلك كل التحاليل ممتازة وعملت اشعة الصبغة وكانت النتيجة طيبة وعملت اشعه على التبويض وطلع فعلا ان البويضة حجمها صغير علشان كده ما بيحصل تلقيح وجلست سنه وانا ما ادرى ان البويضة صغيره ولما عملت الاشعه وعرفت انها صغيره الدكتوره كتبتلى على الكلوميد واخذته والحمد لله حملت من اول مره مع العلم ان زوجى عملت تحليل والحمد لله كان سليم
توكلى على الله وقولى للدكتوره على اشعه التبويض يمكن تكون حالتك مثلى لان اعرض التكيس بتكون واضحة من وزن زايد وشعر زايد وعدم انتظام الدورة
وان شاء الله تحملى قريبا وربنا يتمم لى خير ويرزقنى الولد الصالح

اختي ماتخافيش لاني كمن باخد كلوميد 50 ومفيش متابعة لاكن بانصحك روحي للطبيبة لان ستة شهوركتير على الكلوميد لان كترته خطر وكدلك لازم زوجك يعمل تحليل للساءل المنوي وهداماعندي اتمنى اني افدتك

شوفي أختي ..
أنا الصراحة ما أخذت كلوميد كمنشط .. أخذت منشط النفلوتكس من ثاني يوم الدورة
لان عندي ضعف بالمبايض .. وتكيس ..
وخذت معاة الكلوكوفاج . سألت دكتورتي إيش فايدة الكلوكوفاج قالت لي يساعد على التبويض ..

حبيبتي أصلا غلط إنج تعالجين بدون مراجعه لمدة 6 شهور

و أنا أشوف دكتورتج مو جيدة
و أنصحج تغيرينها .
و أنصحج أن زوجج يسوي تحاليل .. لان الخصوبه عند الرجل ترتفع ونتخفض بين فتره و فترة ..

الله يكون بعونج . ويرزقج بالحمل القريب