السلام عليكم ورحمة الله يا أحلى بنات وخوات في الدنيا
أول شي وحشتووووووووووووني وحشتووووووووووووووووني
ثاني شي إن شاء الله في أخبار حلوووووووووة ؟؟ بشروني
طبعا وكعادتها نونة أبدا ما قصرت يا حياتي عليها كل شوي كانت تكلمني وكانت مرة خايفة علي وكانت توصلي كل سلاماتكم وتحياتكم ومرة كنت أنبسط إني على بالكم الله لا يحرمني من نونة حبيبتي ولا منكم ياااااااااااااااااااااارب ويارب إن الله يستجيب دعواتي لكم يا خواتي الغاليات
وهذي قصتي:
طبعا أنا دخلت علشان أكتب قصة ولادتي ومن العنوان واضح كل شي
يوم السبت الماضي الموافق 29 سبتمبر رحت للموعد العادي واتفقنا أنا والدكتور إنه ولادتي رح تكون الإثنين ورتبنا كل شي على هذا الأساس وبعدها قالي يالله تعالي أفحصك ، المهم وهو حاط السونار قالي رح أولدك اليوم ، وأنا طبعا قالها ولا ما قالها زاد نبض القلب عندي وبدت عيوني كأنها تدمع من الخوف ، قلتله ليش في شي؟ قلي موية البيبي قلة ولازم أولدك ، وطبعا لا رحت البيت ولا شي وكنت لحالي لأنه على أساس إنه موعد عادي ، وطبعا دقيت على زوجي وأمي وخواتي وقلتلهم وكلهم طبعا تفاجأو بالخبروكلمت نونة وأنا الدمعة في عيني بس ما بينت لأهلي أبدا، المهم ودوني على غرف التنويم حقت الطلق وأعطوني تحميلة الطلق وطبعا مررررررررررة تعورت لأنه كان عنق الرحم حقي بعيد فما قدرت توصله بسهولة وهذا الكلام كان الساعة 12 الظهر وسألت الدكتور ها الولادة اليوم إن شاء الله قام قلي على حسب تقبل جسمك للتحميلة في ناس يكملو 24 ساعة ولا تنفع معاهم وأنا فعلا طلعت وحدة من هالناس قعدت إلين الساعة 12 الظهر ثاني يوم ولمن جت فحصت قالت الرحم مفتوح بس 2 سم وأنا طبعا بغيت أبكي لأنه بدأت الآلام تجيني وماكنت قادرة أنام لين ما أعطوني ابرة مهدئة ومنومة في نفس الوقت ، المهم على الساعة 1 ونص الظهر أعطوني الطلق عن طريق الوريد وطبعا بعدها بكم ساعة بدأت الآلام تقوى ولمن جت فحصت قالت الرحم فتح 3 سم وشوي فنقلوني غرفة الولادة على الساعة 4 العصر تقريبا ، وطبعا وأنا في غرفة الولادة خلااااااااااااااااااص الألم عصرني في وقت المغرب وطبعا وقتها ما عاد أقدر أستحمل الطلق فطلبت ابرة الظهر ، وجا الدكتور حق الإبرة وأعطاني الإبرة ، المهم وقتها خف الألم وبدأ يتجاوب الرحم ويفتح لين صار 7 سم وأنا الآلام تزيد بشكل مؤلم ، المهم بعد ما أعطاني ابرة الظهر هديت شوي ، إلا وأحس بألم فظيع في الجهة اليسار وصرت أصرخ وأقول في ألم فظيع في الجهة اليسار قامت القابلة قالت أكيد الدواء ماراح للجهة اليسار نامي على جنبك اليسار علشان يروح ، وطبعا نمت بس مافي فايدة وصرت أبكي من الألم وكل شوي أقولها زيدي جرعة البنج وهي تزيد شوي إلين بعدها قالتلي ما أقدر أزيد وصلنا للحد وقلتلها نادي على الدكتور إلي أعطاني البنج ونادته وقلتله على الألم وقال عادي في ناس ما بيتبنجو بالكامل وقام عدلي الإبرة وقالي الحين المفروض تتحسني ، وطبعا تحسنت بس شوي لأنه ما عاد يقدر يعمل شي وقتها ، وكل هذا وأنا أحس بألم الطلق بس في الجهة اليسار ، وبعدها فتح الرحم 9 سم وقامت قالتلي القابلة يالله دفي خلينا أشوف كيف قوة الدف عندك وطبعا أي دف هذا وأنا صارلي يومين تقريبا مافي طاقة ولا نوم ولا شي ، إلين ما خااااااااارت قواي تماما وصرت أقولهم ولدوني قيصري أنا ما عاد فيني حيل وخصوصا بعد ما عرفت إنه ضغطي بدأ ينزل والبيبي النبض عندها زاد ، يعني أنا وهي تعبنا ، إلا على دخلت الدكتور المناوب ولمن شاف حالتي كذا تدخل فورا ولمن شاف مافي فايدة مني قال أنا مضطر إني أستخدم الشفط وطبعا استخدم الشفط وبمجرد ما طلع الراس أنا ارتحت تماااااااااااااااما لأنه سبحان الله كل الصعوبة في خروج الراس وطلعت سوسو الحمدلله ولمن شفتها نسيت كل الألم سبحان الله ، المهم طبعا أنا مررررررررررررة كنت تعبانة وخلوني تحت الملاحظة وخصوصا إنه حرارتي كانت مرتفعة شوي والنبض زايد شوي ، المهم ولادتي كانت الساعة 1 بالليل ولمن جو يطلعوني على الغرفة على الساعة 5 الفجر جت القابلة وشيكت على خياطة الدكتور ولقت إنه في نزيف شوي وقالت أنا مضطرة أخيط لك الجزء هذا وأنا طبعا خلاااااااااااااااااااااص ما عاد أبغا أي ألم وطبعا البنج مرة خف ، فقامت حطت لي بنج حرقني شوي بس بعدين فكرت فيها وقلت أنا استحملت كل هذا يعني جت على غرزتين كمان يالله يا بنت الناس كل بأجره إن شاء الله ، وهذي قصة ولادتي الحمدلله ، وترى أنا كنت عند وعدي لكم ودعيت لكل وحدة وبالإسم كمان
يالله بشروووووووووني إيش في أخبار عندكم ؟
الروابط المفضلة