السلام عليكم ورحمه الله وبركاته
كيفكم اخواتي مرره وحشتوني وسامحوني على الغيبه الطويله دي بس كانت اخباركم بتوصلني
من ميمي الله يديها السلامه
المهم انا ولدت من 3 اسابيع تقريبا بعد طبعا ما خلصت التاسع وطفشت وكل اللي حولي ولدوا
وانا اتفرج عليهم المهم لما خلصت الأسبوع ال41 كان عندي موعد رحته وكان عندي امل كبير
تقولي فاتح على الأقل نص سانتي لكن اتصدمت بكلام الدكتوره انه الراس بعد ما كان نازل
جو الحوض طلع فوق وصارت رجول البيبي تحت طبعا انا رضيت بالله كتبه ربنا وطبعا الدكتوره
قالتلي اليوم الليل تجيني عشان بكره الصباح احاول اقلبلك هو واذا ما نفع ولدناك قيصري لأنه
في خطوره على البيبي وممكن لا قدر الله ما يوصل الأكسجين للدماغ بدي الوضعيه وفعلا رحت
وحاولت ماعايا انها تقلبوا بس كان الألم لا يطاق والبيبي مو راضي وسرت انا ابكي لحد ما لقت
مافي مجال للقلبه فدخلتني قيصريه وجانا حبيب قلبي (عابد) طبعا كان البنج نصفي هو مخيف بس
احلى شيء اني شفته اول ما طلع وزوجي كان معايا وصورنا واول ما خرجت من العمليه حطيتوا
على صدري وعقبال كل حامل ياارببس انسوا النوم
رد مع الاستدلال
الروابط المفضلة